بشروني عنك ما يدرون عني مادروا باللي شغل فكري وظني

Part 44

من جهة ثانية...
الكل في البيت مشغول باله على غرام وبعد ماطلعت تطمنو على غرام والجنين رتبو لها اقرب غرفة لكنها انسدحت بالمجلس ماتبي يطوفها شي
سيف كان يطقطق :- ليت طولتي كم ساعه وتاجل عرسهم
لطيفه :- فال الله ولا فالك
سعود وهو يقبل بطنها :- عشان النونو ذا ااجل الدهر كله
غمز سيف :- وحبيبة القلب ؟
سعود :-اجيبها هنا ونسوي الزواج بعدين
ضربه ابو خالد :- استح مدري كيف زوجتك وانت للحين ماتعرف تتكلم
ضحكت غرام :- جدي خله يضحكني
ريوف قاطعتها :- تدرون ذي كان المفروض ماتطلع بس على مسووليته طلعه عشان العرس !!
مها رفعت راسها :- صدق ؟؟
تلعثمت غرام:- خالتي...
اديم :- وانت تطلعها ليه ماتدري يكون خطر عليهم !!!!
اعتدل كسار :- فهمني الدكتور كلشي مايحتاج ترجع لو ماصار شي
مها :- وانت تنتظر يصير شي عشان ترجعها ؟؟
كسار :- شسوي لها هددتني بهياف تجيبه يطلعها وطلعتها انا
هياف قام يقبل فيها :- بنتت اخوهاا صدق توقعت نسيتيني!
نياف :- لولا الضيق جيت داهمتكم
شريفه :- احنا وين وهم وين غرام يمه ماكان لازم تطلعين فكري باللي فبطنش وانسي روحش بس انتِ مسؤوله عنها
استوعبت غرام وتغيرت ملامحها انتبهه عليها مشاري نقطة ضعفه دموعها :- الله يهديكم بتسوونها سالفه ! اذا انزف سعود وملاذ برجعها انا بنفسي والليله كلها ماني نايم شريفه تكون عندها تدير بالها وانا لو صار شي بعيد الشر بوديها بنفسي
ابتسمت غرام ودموعها تنزل :- يبه لا تصيحنيي وجهي لا يخرب
ضحكت شريفه :- لا تشيلون هم حتى انت روح مع الشباب وانا عندها وانتِ يااديم امنيها عندي ويكفي لا تشيلين هم
اديم :- امرري لله ولو علي والله سحبتش من طرحتش ذي لعندهم
غرام :- يبدو الام صارت قاسيه سمعتي يابنتي قساوة جدتش ؟
انصدمو من اسلوبها وضحكو جاهلين انها فعلاً بنت
كسار سحبها من هياف :- خلاص قوم دوري
نياف :- ياهو ماجلست عندها !!!
كسار مسك يدها :- بس انا بجلس عند بنتي وامها
شهق نياف :- بنيه صچ ؟
هز راسه كسار ورجع هياف يضمها وهو يدمع من فرحته :- والله يا غرام كنت حاس كنت حاس اول نونو لكم بتكون بنت وانا اللي بكبرها نفس ماكبرنا مع بعض بحطها بعيوني الثنتين واغراضها من الان علي !
ضحكت غرام :- هيافوه ماتقصصر والله بنتي بتنحاط بامانن دام خالها هياف ونياف ! ، التفتت لجدها وكملت جدي فبطني اول حفيدة
ضحك ابو خالد وهو يدمع تقدم عندها قام كسار وجلس جنبها يقبلها ويقرا عليها :- اول حفيده من حفيدتي الغاليه
غلا استوعبت وصرخت من الفرحة :- تو استوعب يا عمري يا غرام بنت بنت كثر جيشنا يختي الف مبروك!
نياف :- ماني مصددق بتجيني بنت تشبهه غرام بجننهها نفس ماجننتت غرام وحليبها واكلهاا كله عللي !
ضحكت ريوف :- حتى الحين يفكر بالاكل
لطيفه تقدمت تضمها :- الله يتمم عليكم يا رب! بنوته حلوة من أم رهيبه !
اديم ومها كانو يباركو لبعض واديم صارت طير طاير بعد شفاء جناحه بدت تقبل فيها وتمسي عليها
وخالد يبتسم ودمعة تلمع بعينه:– الله يجعلها من مواليد السعادة ويكتب لها الرزق والبركة... خلاص بتصير حفيدة خالد !
مشاري اللي كان كاتم عبرته وهو يضم ويقبل فيها ابتسمت غرام من ردة فعله :- بسميها نوره
انهار بوسطها والكل سمع شهاقه :- ماقدرت احمي نوره بس نوره حفيدة نوره بتكون بعيوني وبقلبي اوعدش مايمسها ضر ولا يمسچ وانا موجود
بكت غرام :- الله يخليك لنا يبه من اول ماتنولد بعرفها عليك اول واحد بقول لها ذا ابونا
مها قامت وهي تمسح دمعتها وتضم كسار:– الله يقر عيونكم فيها وتفرحون فيها مثل ما فرحنا فيكم !
سعود وقف يناظر للحظه :- الحين انا ماستوعبت بتجي لنا غرام صغيره كدينا خير !
ضحكو كلهم وتقدم يبارك لها وطلع من مخباه 5000 :- كانت لغرض بس نوره الصغيره تستاهله اكثر واكثر ! اعتبريها المقدم !
صرخت ريوف :- هي هي لا مقدم ولا موخر نوره لولدي !
ضحك هياف :- ترى من ساعه تصور فيكم وثقنا اللحظه كلها
غرام بحب:– ارسلييه لي تكفين بسهر عليه اليوم ماراح انام بجهز لنونو قلبي وبعد أبيكم تساعدوني بتجهيز أغراضها أبيها تكبر وهي تحس بمحبتكم كلهم ! والمقطع ذا بحطه لها بذكرياتها
لطيفة بحماس:– خلاص ما طلبتي شي نخلص زواج سعود و نقضي لها والله لأخليها أميرة الاميرات
نياف وهو يضحك:– أميرة؟ شكلنا بندخل الحرب في محلات الأطفال
هياف:– بس لا تنسون أي شي بلون وردي ترى بيصير معركة بين ريوف وغلا
ريوف بصوتها الدلوع:– أنا بخليها تلبس نفس لبس عيالي المستقبلين ماهي بنت ولدنا !
غلا تمسك يدها:– بس شوي شوي بديتي تتحمسين !
ابتسم هياف وسكرت ريوف فمها بعد مااستوعبت
ابو خالد:– الله يتمم لكم فرحتكم وتكبر وهي بعين رضا الله ومحبة أهلها بتكون بعيونا
اديم بصوتها المخنوق فرح:– اللهم آمين يا رب الله يخليك لنا يبه وتشوفها عروس
ابتسمت غرام تمسح دموعها :- امين يارب
بعد ماخلصت فرحتهم كسار حس بتعب غرام :- يمه تصعدينها وياي الغرفه ترتاح ؟
مها :- خلها بالغرفه اللي تحت
كسار :- اقنعيها اشوف
غرام :- خالتي لا تحاولين ماارتاح الا بغرفتي واريح من ذي كلشي احتاجه هناك والحمام فيها بعد غير هنا مسافه !
مها :- هدت شريطها يعني مستحيل تقتنع اسندها معاي
ابتسمت غرام :- يعجبني اللي تفهمني بسرعه
اديم صرخت :- لو تصعدين مب تنزلين الا للقاعه علطول
غرام :- يمه يعني ماعرفك كذا ولا كذا نفس الوضع
ابتسم كسار :- لا تشيلين همها عيوني عليها ماني طالع مكان
ابتسمت اديم ورجعت تجهز مع البنات اخر التجهيزات اما الشباب اتجهو للحلاق مع سعود
~ الشباب كانو ملتمين حول سعود اللي يحلق له واللي يشرف على ثوبه وبشته اما سيف كان يحن فوق راسه :- تكفى تراجع ترى باقي اقل من 24س اترك حياة المتزوجين ذي
سلطان :- لو يتراجع اغذيك هو
ضحك سعود :- اخسي
استند سيف :- اعوذ بالله مسرع تغير ذا !!!
نياف طبطب عليه :- مافيه عزابي غيرك الحين
سيف :- والله ما باقي الا تعرسون جدي كل شهر والثاني معرس واحد ارحمو رجولنا
مشاري :- باقي انت لو اعرسك وافتك منك
سيف :- والله ما اتزوج زوج لطيوفه انا بجلس عزابي
ضحك سلطان :- لطيفوه ؟ من ذا بعد ؟
مسك سيف بطنه وهو يضحك :- اختي لطيفه مب لطيف
انقلب وجهه سلطان :- السموحه تتكلم عنها چنها واحد من ربعك
ابتسم سيف :- معذور حصل خير
مشاري :- اختك ملحوق عليها بس انت محد يبيك ان طولت
خالد :- والله لو عندي ولد غير كسار زوجته لطيفه بس ذا لو عندي بنت ماعطيته
كشر وجهه سيف :- انا اللي مب قابل فيها انا يا اتزوج وحده من المريخ ولا عزابي طول عمري
هياف مسكه :- ودك تجرب سفره للمريخ ؟
ضحك سيف :- لا امزح معكم
سلطان :- الا كسار وينه ؟
سعود :- صارت سالفه مع غرام وانجبر يجلس وياها
سلطان :- عسى ماشر ؟
سعود :- نزفت وهي حامل وتكركب البيت وفوقها طلعها على مسووليته
سلطان :- مستحيل !! هي نفسها اللي اليوم يتكلمو عنها اجل
مشاري لف عليه :- ليه وش فيه ؟
سلطان :- مابي اخوفكم بس نجت منها بخطوره حاولو تبعدون عنها اي توتر او ضغط خارجي مهما كان
هياف :- بس كسار قال امورها زين !
سلطان :- امورها زينه اي بس الجنين كل ماكبر هي تتعب بالعاده عن الحوامل كلها مثل ماتعرفون وهي المتوقع مو اول مره يجيها نزيف بس اتوقع كان خفيف مااعطته اهتمام على كلام الدكتور بس لو يزيد عليها الضغط والتعب بتنزف من جديد وبتخسر دم نفس اللي خسرتها المره ذي او اكثر ماقالو لكم ركبو عليها دم ؟
هياف :- ما قالو اي شي متاكد انها هي ؟؟
سلطان فتح جواله :- ذا قروب بقسمنا شوف كلامهم بنفسك
هياف :- مايحتاج خلاص وش المفروض نسوي ؟
فز نياف :- انا راجع البيت
هياف سحبه :- لا تبين شي واضح حتى هي ماتعرف شفت كيف فرحتها ؟؟
نياف جلس وهو يتأفف:- طيب لمتى ؟؟
سلطان :- مابيكم تخافون دام نفسيتها مرتاحه وفرحانه ذا شي زين ويمكن فعلاً مايحتاج ترجع المستشفى ولو رجعت بعيد الشر انا بمسك حالتها بس لا تعكرون فرحتها اليوم وعذروني ماكنت عارف انكم ماتدرون عن شي فجعتكم كذا
ابتسم مشاري :- بالعكس الله يجزاك خير كذا ولا كذا بنرجعها بعد الزواج علطول
سلطان :- زين ماتسون
رجع سيف يحاول يلطف الجو :- اسمع سعود اذا كنسلت بخليك تاكل مع نوره
ضحك نياف :- للحين انت زعلان يالعزابي يالمسكين ؟ استمرو بالسوالف والضحك وحلطمة سيف قضو اخر ليله مع سعود وهو عزابي ، انتهى اليوم والكل اتجهه لحياته الخاصه بس سعود اللي كان مو مستوعب كيف ملاذ بتكون زوجته بعد اقل من 24س ...