عند غرام اللي ماقدرت تنام ونزلت المطبخ تطبخ كل شي يخطر على بالها وترست الطاولة اطباق فجاه اذن الفجر وهي مو منتبهه على نفسها ، نزلت اديم بتجهز فطورهم كالعاده وانصدمت من منظر غرام :- غراام!!!! كل ذا مسويته بروحش؟؟؟
التفتت غرام :- ايه كسار بيطلعونه الصبح قلت اسوي له فطور
اديم :- تقر عيونش فييه بس ذا لقبيله مب لكسار بس !
ضحكت غرام :- ماعلش اللي بيتم يرجعون عليه نيافوه وسيف
سحبتها اديم لبره المطبخ :- صعديي ارتاحي شوفي كيف وجهش شحب من التعب استقبليه بوجهه منور مب مهلوك !
غرام :- بس باقي ماسويت لا شاهي ولا...
قاطعتها اديم :- رووحي انا قلت لا تتعبين
صعدت غرام غرفتها وقفت قدام المرايا تناظر نفسها تشوف الشحوب اللي اديم علقت عليه لكن تركت تفكيرها وخذت شاور سريع وبدت تتجهز تستقبل عودة كسار، لبست غرام فستان ناعم ابيض وعليها عبايتها المطرزة بخفة عطّرت نفسها بعطرها المفضل ولفّت شعرها بنعومة نزلت عندهم بالمجلس ينتظرون كلهم كسار ولمتهم معه ، بعد ساعه تقريباً دخل كسار وهو يتكئ على عكاز خفيف ويده الثانيه على سعود غرام تركت الصينية من يدها وركضت له تمسكه:– سلامات !! لا تمشي كثير باقي ما تعافيت انت
ابتسم كسار وهو يطالعها بعينين مليانة حُب:- أنا بخير دامكم حولي
سيف ضرب كفّه بكف نياف:- ياحظكم بس والله يجبر خاطر العزاب
ضحكت شريفة :- ولا يهمك نعرسك انت وسعود مره وحده
لطيفة وهي تمد الطبق لريوف:– خليه يعقل هو قبل خلونا اليوم نركز على العسكري المطعون و البطلة المحاميه ريوف كسرت خشومهم بحكمة وحدة وقهرتهم بنفسهم!
ريوف توردت ودفّت يدها على خد لطيفة:– والله كان قلبي بيروح مع الجلسة بس الحمد لله انتهى كل شي
هياف جاء وهو شايل كيكه كبيرة كاتبين عليها (الحمد لله على سلامتك يا كسار) والكل وقف يصفق
غلا تمسك بيد نياف وهم جالسين على طرف الجلسة :-
تصدق أحب لما تكون الفرحة جماعية تشبع قلبك دفعة وحدة
نياف طالعها بابتسامة:-وانا احبش إنتي... وكل تفاصيل وجودش هنا ماتخطيت يوم تبكين بحضني اول مره !
غلا ضحكت وهي تهمس:– ترى مو لازم كل مره تصير شاعر ولا تذكرني كل شوي
نياف:-الفرح يخلي قلبي ينكتب لحاله مالي دخل
تحمحم سعود :- حتى انا بنضم لفريق المتزوجين
فزت غرام جنبه :- حلفتك بالله !
ضحك سعود :- ايه والله
ابتسم الجد علي :- الساعه المباركه يوليدي منهي بنته ؟
سعود :- أخت خويي سلطان اديم تكلم امهم وتروح تخطبها رسمي الليله
مشاري :- شفيك مستعجل انت !
الجد علي :- والنعم فيهم زين ما اخترت بما انك تبي الليله خلاص الليله
سعود ابتسم :- ليلة جمعه وش ابي افضل ؟
ضحك نياف :- متاكد عشان ليلة الجمعه ولا تبي الرد باسرع وقت ؟
أديم كانت مبسوطه من طقطقتهم عليه قامت حضنته :– انا اقول تركو سعود بحاله وابشرر هذي مهمة أسهل من سهلة... توكل على الله وخلها علي وباذن الله من نصيبك
بادلها الحضن سعود :- يابعد روحي ياميمتتي انتِ ماعندي شك
ضحك كسار من فهم همساتهم ليلة امس :- هي لك لك انا اضمنها
ضحك سعود واشر له يسكت :- لو الله كاتبها بتكون
صفقو البنات وجلسو كلهم حولينه يخططون لخطوبته من الان ، غرام :- يمه بروح اخطبها معش
ريوف :- كسار شف مرتك ثبرها ارضها حامل وفوقها بتهجول
كسار :- اول مره تقول شي سنع لا تفكرين
مها :- انتِ جلسي عند زوجش واحنا بنروح لا تفكرين
وقفت غرام معصبه :- خير ! ذا اخوي الثالث قبل يكون خالي ماتبوني افرح له !!!
سحبها سعود عنده:- اول وحده تروح غرامي ومحد يقدر يمنعها حتى انت
ابتسمت غرام ورجعت عند البنات تخطط معهم اما سيف كان يمثل الزعل :- راحت عليك ياسيف كلهم عرسو وتركوك
مشاري :- دور لك على وظيفة سنعه وانا اول من يدور لك
ضحكت لطيفة :- يلا خذ ابوي صار خطاب عشانك
ابتسم سيف بستفزاز :- ولده الوحيد يحق لي كلشي
انتهت جلستهم بالسوالف والضحك والتخطيط مع بعض بدون ملل ما يدركون الوقت اما غرام استاذنتهم تصعد كسار يرتاح بعد ماهبدت ريوف عليه كلشي سوته غرام ، دخلت غرام غرفتها وهي تمسك بيد كسار خطواتها بطيئة من التعب بس ضحكتها ما فارقت وجهها كانت الفرحة في عيونها أكبر من أي شيء ثاني سندت كسار على السرير ونزلت عبايتها وجلست تفتح شعرها ، كسار :- ليش تتعبين نفسچ وتسوين كل ذا اكلت من كلشي بس عشان ماتزعلين
ابتسمت غرام :- تحتاج تتغذى زين
ضرب كسار على بطنه :- بطني صار اكبر من بطنش اخاف ارجع لدوام ويرجعوني لتدريب
ضحكت غرام وجلست جنبه :- قول لهم مرتي سنعه كل يوم تدللنيي
سحبها كسار لعند كتفه :- دلليني بطريقه ثانيه
فزت تبعد عنه :- لا تفكرر لين اشوفك تمشي بدون ضمادك
كشر كسار وجهه :- الحين تتغلين ؟
غرام :- ارفع تيشرتك خلني اغيرها لك
كسار :- تعرفين ؟
غرام :- انت جاحد اني دكتوره ولا وش !
ابتسم كسار :- لا والله ماني ناسي دكتورة الغرام بس انتِ ماكملتي
رفعت غرام تيشرته :- ماكملت اي بس كلها ضماد
اعتدل كسار :- توه سعود قبل مانجي مغيره مايحتاج
غرام استندت جنبه:-طيب اللي انت تشوفه بس ترى سعود اليوم مشغول ماراح يغير لك
ضحك كسار :- مشغول فيها من زمان
التفتت غرام :- شقصدكك؟
كسار :- احلفي ماتعلمين احد ؟
غرام :- والله حتى بنتي بسكرها اذانها
ابتسم كسار :- زين زين البنت عجبته من يوم تعب جدي وشافها وامس كانت هي المناوبه
شهقت غرام :- ليكون سوه شي !
ضربها بخفه :- اكيد لا بس اتوقع صارحها
ضحكت غرام بصوت عالي :- والله ماهو بهين طلع !
سد فمها :- اسكتي لا تفضحينا الحين احد يمر
سكتت غرام بعد صعوبه :- ماتوقعت والله
كسار ابتسم :- مثل ما سويناها احنا هو سواها.. طفي الليت خلينا ننام شوي ونجلس عشان كلنا نروح معه
نزلت غرام تقبل خده :- محد بيسوي اللي سويته ومافيه قصة زي قصتنا... شجاعه خوف اعتراف شك
سحبها كسار وحط صبعه على شفتها:- بس لا تكملي !!🫣.
حلول المغرب البنات تجهزو وتجهزو الشباب ماعدا غرام اللي كل مالبست شي تحسست من بطنها :- يعني معقوله بطني يبين من شهوري الاولى !!!
كسار :- الا انتِ باي شهر ؟
التفتت غرام بعصبيه :- احلف ؟؟ يعني ماتعرف كم لنا ؟؟؟
ادرك كسار وضحك :- داخله الشهر الثاني
غرام تنهدت :- كنت بفجر فيك والله
وقف كسار :- بس والله ذا حلو ومضبوط تاخرنا
تخصرت غرام :- تقولها عشان تسلك لي ؟
مسكها كسار لعند مرايتها ومسك بطنها من الخلف :- بغلاتش وغلاة بنتي الا انش تهبلين وماودي اتركش
ابتسمت غرام ومسكت يده :- تخيل نوقف نفس ذي الوقفه وبنتنا بينا
كسار قبل بطنها وابتعد :- لا تجنننيني وتالي تلوميني
ضحكت غرام :- خلاص خلنا ننزل
لبست أديم عبايتها وصرخت بنص الممرر:- انا بركب السياره مع سعود اللي بتتاخر لا تفكر تلحقنا بعدين
فزو كلهم يطلعون من غرفهم ويلحقونها لعند السياره ...
نسرع الوقت لوصولهم واستقبالهم جلسوا بالصالة وبعد تبادل كلمات الترحيب
تحمحمت أديم بكلامها: جايتكم اليوم بطلب غالي علي وعلى قلبي قبل لا يكون رسمي...جايه أخطب بنتكم ملاذ لأخوي سعود
أم ملاذ تفاجأت للحظة لكنها حافظت على تماسكها:- سعود ولدكم؟ ما شاء الله... بس ما سمعت عنه من زمان ؟
تنهدت اديم :- النية موجودة من زمان بس هو كان ينتظر الوقت الصح من بعد وفاة امي ... والحين ما عاد فيه شيء يوقفه
ترحمو عليها كلهم وأم ملاذ تنهدت وضحكت بخفة:– البنت عليها تصرفات خلاني أشك إن فيه شي... بس ما توقعت توصل لهالجدية وولدكم !
أديم:– الجدية من طرفنا أولاً والنية بيضا وسعود يعرف قدر ملاذ ويشوف فيها شريكة عمره... وانتِ تعرفين معدننا ما نجي إلا بالطيب.
أم ملاذ ابتسمت بتأثر:- الله يتمم على خير والله يجعلها فاتحة خير للطرفين اشوارها واشاور ابوها وارد الخبر .
ابتسمت اديم :- الله يكتب اللي فيه الخير عاجلاً ليس اجلاً
~
وفي نفس الوقت بالمجلس كان سعود جالس مع أبو ملاذ وأخوها سلطان العيون كلها موجهة عليه .
الجد علي :- يابو سلطان جايينك بطلب غالي علينا قبل مايكون غالي عليك
نزل ابو سلطان فنجاله :- ولكم مطلبكم لو مقدور عليه
ابتسم :- جاي اخطب المصونه بنتكم لولدي سعود
اعتدل ابو سلطان :- والنعم بسعود وذي الساعه المباركه
قاطعهم سعود:– أنا ولدكم قبل أكون ضيف عليكم... وجيتكم طالب ملاذ بالحلال وماني جاي من فراغ جاي من حب وتقدير وإن شاء الله نكون قد الثقة ياعم
سلطان رفع حاجبه، بنبرة تمزح وفيها حذر:– وأنت تدري إن أختي ما هي سهلة وتبي رجال يحفظ مكانتها؟
سعود بثقة ابتسم:– وأنا رجال ما أرضى لها إلا كل احترام وأعاهدكم إني أكون لها سند قبل أي شيء
أبو ملاذ تنهد وهو يناظر عيون سعود:– إذا أمها وافقت فأنا ما عندي مانع... سلطان ما يقول لنا إلا كل خير عنك
ابتسم الجد علي :- على خير نكون نسايب ولو الله ماهو بكاتب نصيب نظل ربع وحبايب
سلطان رفع يده بيخفف توتر سعود :- عن نفسي موافق من خوي لنسيب !
ضحك سعود وقاطعه ابو سلطان :- الا سعود وين تشتغل ؟
سلطان ضحك :- هذي بداية الحسبة عليك الله يعينك
ابتسم سعود :- كنت بنفس المستشفى اللي فيه سلطان لكن بعد وفاة امي طلعت انا وهياف ولد اختي منه وماعندي مانع الان ارجع واكون انا وسلطان بحمايتها
ابتسم ابو سلطان :- الله يقدم اللي فيه الخير
ابتسم سعود :- امين يارب والحين نستأذنكم
بعد أسبوع من زيارة الخطبة كانت الأجواء بالبيت هادئة وكل واحد مشغول بيومه إلا سعود كان ينتظر خبرها فجاه جاء اتصال لاديم :-هلا وغلا بأم ملاذ
أم ملاذ بنبرة فيها فرحة:- هلا بك اكثر جايه أبشرش يا أم هياف... ملاذ استخارت.. ووافقت
اتسعت عيون أديم وابتسمت:- الله يبشرش بكل خير والله انش أسعدتيني! يستاهلها ولدنا الله يتمم لهم بخير
أم ملاذ:- اللهم امين يارب يا اديم وكلنا ثقه فيكم وبولدكم
ابتسمت اديم :- واحنا قدها الله يجعلنا مثل ظنكم وافضل... يناسبكم الجمعه الجايه نخطبها رسمي ؟
ام ملاذ :- اللي يريحكم
ابتسمت اديم :- خير البر عاجله يوم الجمعه على خير احنا عندكم
سكرت أديم الاتصال وعيونها تلمع وراحت الصاله لهم:-يا جماعة! وافقت ملاذ!
البيت كله انقلب فرحة سعود اللي كان جالس بالصالة رفع راسه بسرعةونبضه سبق خطواته:- احلفش بالله؟!
أديم ضحكت وهي تمسك خدّه:- إي والله صدق جهز نفسك الملكة الجمعه
غرام صاحت من المطبخ وهي تمسح يدينها:- أفاا! متى الجمعه ذي؟ بنجهز حفلة ولسعود!!
ريوف وغلا يصفقون بضحك وفرحة ونياف يصفّر بصوته العالي:– وأخيييراً تخلصت من عزوبيتك
هياف:-بس عاد لا تتفاخر علينا خلك متواضع يا العريس
سعود يضحك ماهو مصدق:– من اليوم ورايح بتدلعوني ولا مب أتكلم معكم
اشتعل الجو كله هرج وضحك وركض كل زاوية فيها تجهيز وكل قلب فيه حماس وفرح
أديم اللي كانت ماسكة دفتر ملاحظات تمشي بالصالة توزع مهامها:-غلا، انتي خذي حجز البنات و ريوف انتي تدبرين الكوشة غرام معاي للسوق نجهز الطقم وسعود لا تنسى البشت!
غرام متحمسة لكن وجهها شاحب الكل لاحظ إنها تتعب بسرعة بس ما كانت تبغى تفوّت فرصه:– يمه لا تخافين كلها ثلاث محلات اللي تقدسينها انتِ نمرها ونتغدى ونرجع
أديم تناظرها بقلق:-ياغرام لا تجهدين نفسچ شوفي وجهش شاحب!
غرام ضحك:– أنا بخير لش الحين دهر كل ماشفتيني وجهش شاحب وجهش شاحب خليه يشحب بس بنتش تحب تشارك بكل شي
ريوف :- ان شحب وجهش اخوي بيدور له غيرش
كشرت غرام وجهها :- وانتِ لو ماسنعتي لسانش هياف دور ثلاث غيرش
اشتعلت الحرب بينهم لحد ما اديم هاوشتهم ثنتينهم
وقرروا يطلعون لسوق كلهم مع بعض البنات كانو ينتشرون بالمجمع الا غرام بالحيل تمشي دخلو البنات محل ولحقتهم بس حست بدوخة ومدت يدها تمسك طرف الرف:-بناات ... لحظة...
ريوف انتبهت تركت الفستان وركضت تمسكها:– غرام! وش فيش؟
غرام وهي تحاول تبتسم رغم التعب:– أظن بنت اخوش تطلب عصير... ويمكن كرسي بعد
ضحكت ريوف وغلا ساعدتها تجلس تجلس اما لطيفه رفعت جوالها ودخلت القروب كتبت ( غرام تعبت احد يجي ياخذنا ) فز كسار اول ما قراها وركب سيارته بيسوق واستوقفه هياف :- ارجع البيت انت وانا بروح لهم
كان كسار مصر على كلامه بس هياف رفض ونزله بالغصب وراح لهم وهو بالطريق كان يكلم ريوف :- وينكم فيه ؟
ريوف :- اختك المدلعه طلعتنا من المجمع لمطعم تقول بنتها بتموت جوع
انصدم هياف :- الحين ذي التعبانه ؟!!
ضحكت ريوف :- هرمونات الحامل وش اسوي لها
ابتسم هياف :- طيب بحولش ادفعي على مااوصل انا اي مطعم ؟
سكتت ريوف :- تصدق مدري... هو مقابل المجمع مباشره
هياف :- الحين مرتي ريوف الواعيه تدخل اماكن ماتعرفها
ابتسمت ريوف :- كنت بس تزوجت واحد سند لي مايهمني وين مااروح
ابتسم هياف وودعها ، اما ريوف رجعت تاخذ الطلب وعلى ماجهز طلعو لهياف اللي وصل وهو يناظر غرام :- الحين تعبانه وتعبانه اخر شي مطعم ؟
تمسكنت غرام :- ومشتهيه قهوة وحلى
التفت هياف :- تبين امي وكسار يذبحوني
ريوف :- حتى انا اشتهيت مر على الطريق
لطيفه :- انا اقول استخيرو ولا عمتي بتجلدنا كلنا
هياف :- وانا اقول كذا ننزل ذي البيت واخذ لكم
بكت غرام :- بنتي تكرهكم كلكم
وقف هياف ولف عليها :- تبكين عشان قهوه !
غرام :- لا انت ولا هم تفهموني انا وبنتي وصلني بسسرعه مابي اشوف وجيهكم
رجع هياف يسوق لكن متجهه لاقرب كوفي :- يخسي اللي مايفهمش لش اطلق قهوة واطلق حلى لعيون حبيبة خالها
ريوف :- سلامات وانا ؟
ابتسم هياف :- ربي بلاني بثنتين انتِ لش اللي تبين
وقف عند اقرب كوفي وطلب لهم واتجهو مباشره للبيت وعلى طول دخلت غرام وبيدها قهوة وكسار فز:- وش قلنا عن التمشي الزايد؟
غرام بهدوء:- ما صار شي يا كسار...
وقف يناظر الكوب بيدها :-سلاماات تبين تجلطيني انتِ!!
ريوف :- لا تكلمها ترى صاحت عشان ناخذ لها
كسار قرب منها وضمها:- احنا وش اتفقنا عليه ... وش بنستفيد لو تأذين نفسچ أو بنتنا
غرام وهي تناظر عيونه:– اشتهيتها وريحتها بالسوق شقت راسي ! وابي اشوف التجهيزات وابي انا بعد اتجهز !
كسار باس جبهتها:- تشوفينها وانتي مرتاحة وبعزّش مب وانتي طايحة بالسوق وفوقها ترجعين بقهوه عطيها ريوف تكملها وبكرة نروح كلنا محل واحد وانتهينا
صعدها غرفتهم اما نياف اللي كان مشغول مع سعود ورجع البيت متجهه لغرفته فتح الباب وشاف غلا :-اخيراً رجعت لجنتي
تخصرت غلا :- جنتك اليوم نار سلامات ناسيني !
شالها نياف ودار فيها :- والله لو انش نار لاطب فيش
ضربته بخفه :- ماتمشي علي الكلمتين ذي
نزلها نياف :- سعود اهلكني انزلي المجلس شوفي كيف حوله لسوق كلشي اشتراه
غلا :- ماعندك جوال تدق ؟
نياف :- اسف والله علميني وش يرضيش؟
غلا :- تنام بالملحق
ضحك نياف بصدمه :- ايش؟
غلا :- اللي سمعته
نياف سحب غلا :- تحلمين نومتي ماتصير الا هنا ومعش
غلا :- اجل انا بروح عند لطيفه
نياف :- سلاماتت ! بكره اطلعش نفطر ونتقهوى كذا ترضين؟
غلا ابتسمت :- اي
ضمها نياف :- اجل الان لا تحرميني منش🫣.
أنت تقرأ
بشروني عنك ما يدرون عني مادروا باللي شغل فكري وظني
شِعراهلاً فيكم بمخيلتي الاولى " بشروني عنك ما يدرون عني ما دروا باللي مشغل فكري وظني"
