رجعو للبيت عشان الزفه
غرام جالسة على الكنبة بفستانها الأبيض الناعم ومكياجها الهادي البنات حولها وهي عيونها على الباب تنتظر لحظة دخول كسار والباقي قلبها يدق بسرعة بس تحاول تبين إنها متماسكة
أما ريوف كالعادة ما قدرت تجلس بدون ما تضيف لمستها الخاصة
ريوف :-غلا تدرين كسار وش سوه وياها وقت التصوير ؟
غرام رفعت يدها تبي تغطي وجهها:- ريوف لا تذكريني
لطيفة وهي تضحك :- خلاص ريوف لا تحرجينها !
شوي الا زفو كسار
ريوف قربت من غرام وهمست لها بمزح :- اوه هاللحظة لازم تنحفظ بالتاريخ كسار متلهف ومايقدر يسوي شوي كلنا حولكم لا تنسين توثقينها بمخش !
غرام بخجل وهي تحاول تخفي ابتسامتها: ريوف خلاص تكفين اعتقيني
اديم وهي تدمع :- ريوف خلي العروس تعيش لحظتها لا تزعجونها
وصلو العيال وصارو يباركون لها
ريوف وهي ترفع جوالها :- لحظة لحظة لازم نوثق العروس واخوانها
الكل ضحك على تعليقاتها لكن الجو كان مليان فرحة حقيقية الليلة اللي انتظروها صارت واقع وغرام رسميًا صارت زوجة كسار رسمياً امام الخلق كلهم
تقدمت مها بابتسامة :-الله يتمم لش على خير يا بنيتي اذا كان كسار ولدي انتِ قلبي وإن شاء الله تعيشين أسعد أيامك معه."
غرام :- الله يسعدش يمه دعواتش لي
طلعو العيال للمجلس الصغير
ريوف :- مستوعبين انتو انا للحين ما رقصت !
غلا غمزت لها :- مصري
فزت ريوف :- تم اصبري اصعد اغير ذا
لطيفه :- منتي صاحيه !
ريوف :- عندي واحد قصير يموتت واحمر ينفع للمصري
غرام همست:- احنا بديره ياويلش من كلامهم
ريوف وهي ماشيه :- مايهم
صعدت غرفتها ولبست القصير اول مافتحت الباب كان هياف صاعد شهقت اول ماشافتها وتخبت ورى الباب :- انت وش جابك !
هياف بعصبيه :- انتِ ناسيه اني ولد ذا البيت ولا وش ؟
ريوف :- قصدي الحين بعدين لا تصارخ كذا
هياف :- يعني ماتعرفين شوي وبتروح غرام واكيد كلنا بالبيت انتِ اللي تستري
ريوف سحبت عبايتها وبس حطتها عليها :- انت الغلطان ولا عارف البيت كله بنات اذا ماطلعت انا بوجهك هم بيطلعون انحبس معهم بالمجلس
هياف :- بيطلعون قدامي متسترين مب نفسچ
تنهدت ريوف ونزلت وهي لابسه عبايتها وطرحتها
غلا :-ذي شفيها كذا
غمزت ريوف لغلا تشغل لها ونزلت عبايتها من فتحت الباب ودخلت وهي تهز وتعزيز البنات لها وقفت مها :- سود الله وجهها
شهقت اديم :- ذي وش تسوي !
مها :- بتجلطني يا اديم بتجلطني
ركضت مها تمسكها :- بكسر رجولش ان ما غيرتي ذا وجلستي
ضحكت ريوف وميلت كتوفها عليها :- خليني استمتع وماعليش من كلام الناس
كملت ريوف رقصها ومها تتوعد فيها فجاه غلا صرخت على وحده من الحضور :- ليش رافعه جوالش !
ريم :- مارفعته وش ابي اصور فيها !
غلا :- يعني تعترفين انش صورتيها
وقفت ريم ولبست طرحتها :- ماصورتها ومكان يشك فيني مااجلس فيه
وقفت لطيفه الاغنيه وصوت غلا ترس المكان :- وريني جوالش قبل لا تطلعين ولا تحلمين طلعه من هنا !
دفعتها ريم :- وخري بس بزره وتتكلمين معي كذا
ريوف :- يا بنت *** مابغيتي تصوريني الا انا ! تبين اندمش عيشتش ؟؟
بدت تعلى اصواتهم وتجمعو العيال عند الباب
نياف :- وش السالفه !
طلعت غلا معصبه :- ذي قليلة الادب مصوره ريوف وبتمشي بدون ماتحذف !
هياف صرخ عليها :- تسترو واحنا داخلين
فصخت اديم عبايتها ورمتها على ريوف
هياف بعصبيه :- عطيني جوالش ولا قسمم الشرطة توقف عند الباب وتخسين تتنازل
مدت ريم جوالها بتردد وكانت مقفلته ، هياف :- تستهبلين انتِ ! افتحيه
فتحته وعطته اياه واول مادخل على الصور شاف المقطع لها وهي تهز للحظه وتحمحم :- غلا خذي واحذفي
وقفت ريوف :- لا ما تحذفينه ماراح ارتاح الا وانا مجرجرتها قضيه ورى قضيه
ريم بكت وجلست تترجاها :- ولا ما ارسلته لاحد بس عندي
ريوف :- لو ما شافتش غلا ارسلتيه !
هياف :- اكسري الشر واحذفيه وفوقها فرمته وخلوها تتوكل لا تخرب يومنا
غلا حذفت كل اللي فيه ومسكتها من معصمها لعند الباب :- احمدي ربش احد منا غفر لش وخلني اشوفش بذا البيت مره ثانيه
نياف همس لسيف :- ذي اختك متاكد!
سيف :- اتوقع اي
نياف :-من الهاديه لذي الشخصيه قشعر جسمي ماعرفتها
هياف :- بس انت وهو ارجعو لكسار وانتو شوي وكسار بياخذ غرام
طلعو وكملو يسفلون بريوف وبدت الحريم تبارك وتمشي
بعد فترة من التهاني جاء وقت طلعتهم وغرام كانت تودع أهلها و مشاعرها متلخبطة فرحانة و متوترة و خايفة شوي
هياف قرب منها وهمس لها بحنية:- لا تخافين يا نظر عيني احنا كلنا معش وكسار رجال ما راح يقصر معش بشيء وترى يعرف كلشي حتى على ادويتش
غرام بصوت مبحوح وهي تحضنه:- أدري هيوف ماقصرت بس صعب اترك البيت
اديم اللي عيونها تدمع مسحت على شعرها وقالت: قلوبنا معاش يا غروم أهم شيء لا تنسين تتصلين أول ما توصلين
غرام وهي تبكي :- أبشري يمه ادعي لي
توجهت ريوف :- سامحني اذا خربت عليش على نهاية اليوم
ريوف :- لا تقولبن كذا الا سويتي فعاليه تخفف توتري احبش ياريوف لا تزعلين وتنكدين وازيدش رقصش رهيب بجيش تعلميني
غمزت ريوف:- ياغرومم اموت فيش انا ويلوموني بحبش وابشري اعلمش وطبقي له
ضربتها بخفه وتوجهت عند لطيفه :- لطوف ماقصرتي اليوم معيي اردها لش وانتِ عروس
ابتسمت لطيفه وحضنتها اما غلا اللي بكت :- مااحب ذي اللحظات بس تعالي بحضنش ، ضحكت غرام وحضنتها وهي تطبطب عليها وتوجهت لشريفه قبلت راسها :- خاله شروف دعواتش انتِ اكثر وحده يااحن وحدده بذا البيت
ابتسمت شريفه وحضنتها :- ابشري ياعيوني وبصلاتي بدعي لش
توجهت غرام لجدها وخوالهاا وبكت :-خلوني عندكم ليله وبعدها اروح مع ذا
ضحك سعود :- يا كسار صار اسمك ذا وفوقها تخلت عنك
ضحكت غرام :- دايم تربط عصاعص حتى الحين !
الجد علي :- اتركيه عنش وتعالي بحضني كسار ماهو غريب وولد خالش منتي مبعده عنا بكل الاحوال
ضحكت ريوف وحضنته ورجعت عند مشاري :- ابوي الحنون اللي ماحسسني غير اني بنت من بناته ماعنده كلمه لي؟
ضحكت مشاري ونزلت دموعه :- بنتي واعز بناتي غصب عن الكل ومن امانتي صرتي بأمانة كسار بس يخسي اني انساش
ضحكت وحضنته اما خالد مسح عليها :- لو فكر يضايقش مره بس لو مجرد تفكير بتبرى منه
وقف كسار مستند على سيارته :- الظاهر اني صرت مني هنا
نياف :- ولا يهمك انا اروح معك
كسار :- انت وش ابي فيك ابي مرتي
ضحكت غرام وحضنت نياف :-واحشنني من الحين الصبح لا اشوفك الا عندي ولا بزعل عليك
نياف :- الليله بنام بغرفتش مالي دخل ومن الفجر انا عندكم
كسار :- تحلم اعرف مكانا قبل بعدها يصير خير
نياف :- شوفي زوجش طردني من الحين !
غرام :- انا ارسله لك ولا عليك منه
ضحكو كيف غرام بدت تاخذ راحتها وودعوهم
وفي اللحظة اللي مشت فيها مع كسار باتجاه السيارة التفتت للمرة الأخيرة على أهلها وشافت نظراتهم الممتلئة حب ودعوات أخذت نفس عميق... وهنا بدت أول خطوة في حياتها الجديدة كـ زوجة كسار .
اول ماركبو السياره حل بينهم هدوء غريب كان نظرها كلها لنافذة ماتبي عينها تجي بعينه حاول يكسر الصمت
مسك كسار يدها :- انتِ بخير؟
همست غرام:- اي
ابتسم كسار :- أنتِ مو بروحش انا الحين معاش وكلشي بيكون تمام
بعد دقايق قليله شدت على يده ابتسم وكان يلتفت إليها كل شوي يحاول يخفف توترها
كسار :- غرام
التفتت له :- لبيه
ابتسم : - لبيتي بمكه ، كنت بقول حتى لو كان تبين وقت مع نفسچ او تجلسين لوحدش بكون جنبش بدون ماتكلم وجود وعدم واحد بس مارح اتركش ليلة بروحش
قررت تقطع الخجل وخذت كفه وحطته بين كفوفها :- وانا معك دايم ومهما كانت الظروف
ابتسم كسار وهو يحس بنعومة يدها :- الله يديمنا سند لبعض ولا يحرمني منش
غرام ابتسمت بخجل، وقالت في نفسها :- انا ليه متخوفه منه وهو كذا
أنت تقرأ
بشروني عنك ما يدرون عني مادروا باللي شغل فكري وظني
Puisiاهلاً فيكم بمخيلتي الاولى " بشروني عنك ما يدرون عني ما دروا باللي مشغل فكري وظني"
