الفجر بعد ماجلس ابو خالد وبدا يصحي العيال كالعاده لصلاة الفجر بالمسجد واديم كانت تجهز القطور بالمطبخ سمع مشاري صراخ ابوه عليهم والتف على شريفه يصحيها :- شروف قومي بدت حرب اليوم ابتسمت شريفه :- يا صباح الخير زمان عن شروف ذي ابتسم مشاري يدرك الوضع :- سامحيني اختفت ابتسامتها بالتدريج: - ليه !
مشاري :- بعد وفاة امي قصرت وتغيرت
قامت شريفه:- تعوذ من الشيطان وعسى ربي يغمد روحها الجنه ولا تعتذر عن شي وذي اقدار ربي والله يديمك لنا ايام العمر كله
ابتسم مشاري يشوف تفهمها :- لاموني يوم قلت ما ابي الا شريفه!
ابتسمت شريفه وهي تقوم :- ما عاش من يلومك فيني وقوم اطلع لعمي ابتسم مشاري :- ان شاء اللّٰه
العيال كلهم نزلو متجهين للمسجد والبنات يجهزون الفطور كالعاده والمره ذي حتى ريوف كانت تجهز وياهم وهي مروقه ، غلا :- الله لا يغير هالنفسيه الزينه علينا ابتسمت ريوف :- لا ترمين كلام عشان ماننفس ونتهاوش غلا :- اسفين توببه والله
اديم :- لا تبدون ويلا جهزو كلشي ولحقونا
لطيفه :- يمه شرايش تفطرون انتو مع العيال واحنا بنصعد فوق بالمجلس من زمان ماسولفنا مع بعض ريوف :- والله نحتااج جلسة حش وفضفضه تكفون شريفه :- الكلام عند عمتكم سالوها
اديم :- عشان خاطر ريوف اليوم كله مسموح لكم ريوف قبلت راس اديم :- تسلميين يمه
لطيفه: - اجل بنطلع نحط سفرتكم وتالي بنصعد اديم :- زين احنا بنطلع ونخليكم ملاذ :- وين موقعي بالاعراب ؟
ريوف :- اكيبيد ويانا وش تسوين وياهم ؟ ابتسمت ملاذ :- كنت امزح
شالت لطيفه صينيه :- لحقونى بالباقى اما غلاوي تودي لنا فوق
اتبعتوها وكل وحده تودي حاجه مكان ما اخذو دقايق الا صعدو المجلس وقفلو عليهم الباب ملاذ :- المجلس يجننن يختلف عن تحت بكثيير
ريوف وهي تفصخ عبايتها :- مجلس مرت الاخ كانت عزلتها فيه اول مانزلت طرحتها شهقت غلا :- عرفنا سر الروقان ناظرتها بعدم فهم : - وش ؟
ابتسمت غلا واتجهت لثلاجة تفتحها بس وقفت للحظه :- ليه هنا فيه ادويه كثير ؟ ذكرت ريوف غرام وادويتها واسرعت لعندها :- اكيد لجدي وماكفت تحت غلا :- لا ماشفت زيها تحت
ريوف سكرتها :- اجل مايبيهم ومايبي يختربون رماهم هنا ووش قصدش انتِ ؟ ابتسمت غلا :- رقبتش
شهقت ريوف ترجع طرحتها حولها :- ما
ابتسمت ملاذ :- لا تغطين ولا تبرريين كلشي مفضوح غلا غمزت لها :- كيف ليلتش ؟ ضربتها بخفه :- اصه يالبزر
اما لطوف اختارت لهم فلم :- سوالفكم شينه شوفو ذا توه نازل ضحكت ملاذ :- بتنحطين بذي المواقف
لطيفه كشرت وجههاا :- الله لا يقولها بسم الله علي
رجعت فتحت غلا الثلاجه وطلعت مشروب بارد :- حطيه عليها تخف حبتين ريوف :- كيف مانتبهت لها وين ؟
بدت غلا تاشر لها :- ذا ماكلش اكال كل رقبتش بست ريوف طرحتها :- بروح الغرفه قبل ماتجي امي والباقي نحكت ملاذ :- روحي روحي سوي خدع والمره الثانيه انتبهي
ابتسمت ريوف متجهه لغرفتها تخفي الاثر اللي سببهها هياف واول مادخلت شافته موجود :- متى رجعت ؟ هياف :- من دقايق
ريوف ميلت رقبتها :- هاك شوف ضحك هياف :- انا ؟
ضربت صدره :- اجل مين ؟
قبلها هياف بنفس القوه :- خليني اكمل اللي بديته اجل رجعت ريوف لورى مبتعده عنه :- هياف مكانك البنات ينتظروني هياف :- نسحب عليهم عادي
ريوف :- بضربك وبصرخ تراهم هنا ابتسم هياف :- خلاص لا تفضحين ريوف :- انت فضحتني وخلصت البنات شافوه صنف هياف للحظه :- عادي زوج وزوجته !
ريوف تغطي وجهها :- روح افطر لا تعصبني ابتسم هياف :- منتي بنازله ؟ ريوف :- لا بنفطر احنا فوق وانتو تحت ناظرها بستغراب :- وليه ان شاء اللّه ؟ ريوف ميلت شفايفها :- نبي نحش فيكم ابتسم بخبث :- علميهم وش سوينا امس ضربته ريوف :- وصصخخخ
فتح الباب بيطلع وهو مبتسم :- لا اوصيش ها ريوف :- ابشر لا توصي حريصه
رجع يدخل منصدم منها :- هيه بنت امزح ياويلش ريوف :- خلك على كلمتك الاولى
اشر لها هياف :- شفتي الخط ذا اذا طلعتي منه ماتقولين شي صاير داخل ريوف :- انت قلت عادي
هياف :- لا تنرفزني وسمعي الكلمه اللي بالغرفه ما يطلع بره ابتسمت ريوف :- بفكر وباخذ القرار انا هياف تقدم عندها :- ريوف !
ابتسمت وهي تتقدم له اكثر :- هلا ؟
لف هياف عنها :- استغفر الله ياربي لا تختبر صبري ضحكت ريوف :- خلاص طيب
طلع هياف بدون مايرد عليها وهي مستمتعه بعصبيته وقفت عند المرايه تمرر اطراف اصابعها على الاثر وهي مبتسمه تحاول تخفيهم
—
اما عند غرام رفعت راسها والشمس طلعت وبدت تضرب بخفه :- كسار قوم رفع راسه لها :- باقي مشتاقه ؟
رفعت المخده تضربه :- طلعت الشمس ولا صلينا فز كسار :- ماحسيت لا لمنبه ولا لشمس غرام :- ولا انا بس قوم لا تاخرها اكثر
قام كسار عند المغاسل وهي فرشت سجادتها ورى سجادته واتبعته :- من بعد اليوم بحط عشر منبهات صوت جدي ما هو فيه
ابتسم كسار :- خمس عندش وخمس عندي ويالله نقوم
ابتدا كسار يكبر وغرام وراه صلو مع بعض واول ماخلص تشهده رتل ايات من القران ونفخ على غرام وبطنها بحصنهم وغرام حصنته هو انسدحت بجنبه مبتسمه :- تقبل الله ابتسم كسار :- منا ومنش ومن نوره
ضحكت غرام :- نوره تقول تبي تسمع القران دايم بصوت ابوها اشر كسار على عيونه :- تامر امر من العينتين ابتسمت غرام :-اللّٰه يكتب اجرك ابونا ضحك كسار مستوعب الكلمه :- ابونا !
ضحكت غرام وهي تقوم :- ايه والحين ابونا بيذوق احلى فطور سحبها كسار :- استهدي بالله نروح بره نفطر
غرام :- لا اول فطور لنا بعد القطعه لازم من يديني روح البقاله جيب الناقص على ما اجهز انا فهم كسار اصرارها :- طيب بس شيي خفييف وجدا لاني بعد طالع اشوف امور الدوام هزت راسها بالموافقه وطلعت له ثوب :- ذا مضبوط عليك ؟ كسار :- شكله يقول اي
غرام :- زين بكوبه على ماترجع
ناظرها كسار :- اهو مكوي وخالص ماقد لبسته غرام :- برد عليه عادي
سحبها كسار :- ما يحتاج انزلي معي يلا
نزلت غرام معه لحد الباب واستودعته اللّه واتجهت للمطبخ تطلع صحون وتنظم الطاوله بعد ماخلصت رجعت فوق تكوي ثوبه دقايق الا بدخلته عليها :- يعني سويتي اللي براسج لا تسوين اشياء مالها داعي وبس تتعبين نفسج !
ابتسمت غرام :- عشان ربعك ما يقولون متزوج على الفاضي كسار :- محد يقدر يتكلم عنش
ابتسمت غرام وهي تجهز عطوره :- كلشي جاهز ننزل ناكل ؟ فتح الباب كسار :- نزلي
ابتسمت غرام تمشي قدامه وهو مستمر بكلامه :- خفي على نفسج ولا برجعش الديره وانا بداوم لفت عليه :- خلاص توبه الدرج مب اصعده بجلس تحت دايم تحت
ابتسم كسار :- اي خلي ادبش ذا دايم موجود لا اشوفش تشتغلين بالبيت اتركيه على ما هو كشرت غرام وهي تحط الفطور :- ماا احب اشوف الغبره فيه كذا كسار :- كلها جمعه ويجون البنات تساعدو او اطلبي عامله تنظف وانا بالدوام غرام خزته :- ما ابي لا عامله ولاشي انا بنظفه بالراحه
ضحك كسار :- طيب اسمعي الخميس تنظفه انا وانتِ ونترك الدنيا للاوادم غرام :- يمكن اني موافقه
كسار :- الا اكييد كلي بس وبعدها نشوف دبره ابتسمت غرام وسمت بالله تبدا تاكل معه ...
——
الجد ابو خالد :- وين البنات للحين محد جاء منهم ؟ ابتسم هياف :- مسوين نفور منا ناظره :- وشلون يعني ؟
هياف :- يعني يبون يوم راحه من ازواجهم بختصار رجعنا عزابيين ليله سيف :- والله انها اطلق فكره سووها حسو بشعورريي نياف :- لا والله اني مب موافق !
اديم :- بس انا وافقت تركوهم يتنفسون شوي ناشبين بحلقهم مشاري اعتدل :- خلو البنات يرتاحون من همكم حبتين نياف :- توقف وياهم حتى انت !
ابو خالد :- انتو طلعو كشتو وتركوهم سيف :- وذي فكره اطلق
خالد :- اهم شي قبل تروحون عطوهم علم
نياف :- نسوي نفور بدون علمهم
هياف :- اهجد انت وهو فرق بين البيت وبره
سيف بستهزاء :- وش ذي انت وهو محسسني متزوج اربع !
مها :- لو تسويها منت ولدي ولا اعرفك
سيف وقف :- والله رايح اجمع حلالي وباخذ الاربع
مها :- التبري سهل كلمة ويغضب عليك الله
ناظرها سيف مصدوم :- لهدرجة تحبين مرت ولدش الاولى ! منهي وينها؟
ضحكت مها :- رح رح تيسر وانتبه لامورك
ابتسم سيف يقبل راسها :- ادعيلي ودوري المره
ضحكت اديم :- انا ادورها لك ولا يهمك
سيف :- ايه تكفين مب يتحركون الا اذا تحركتي
اديم :- روح جمع مهرها وتعال بس
ابتسم سيف يطلع لمحله والباقي كملو فطورهم .
أنت تقرأ
بشروني عنك ما يدرون عني مادروا باللي شغل فكري وظني
Poetryاهلاً فيكم بمخيلتي الاولى " بشروني عنك ما يدرون عني ما دروا باللي مشغل فكري وظني"
