افتح هياف الباب وشاف ريوف تمشط شعرها ابتسم هياف :- الزيين كله
ابتسمت ريوف :- لبيه
هياف :- لبيتي بمكه اتركي شعرش و انزلي حطو عشاهم ينتظرونا
ناظرته ريوف :- نروح مكه ؟
جلس هياف مقابلها :- ريوف شفيش ؟
تنهدت غرام :- نروح ندعي الله ببيته يرزقنا بنونو
ضمها هياف لصدره :- الحين ماينفع بس اوعدش اذا رزقنا نروح نصلي الشكر هناك
ابتسمت ريوف عارفه بداية دوامه :- الوقت ماهو مناسب خلاص
هياف :- ريوف قلبي وروحي وش قلت انا ؟ ابيش انتِ قبل النونو وجودش يكفيني قرون مب قرن ! لا تضايقين نفسچ ولا تفكرين اذا الله كاتب لنا نكون اب وام بنصير ولو بعد حين
ابتسم ريوف وبادلته الحضن :- حضنك ذا هو اللي مخليني اكمل يومي
قبلها هياف بجنب ثغرها :- دامش صرتي بحضني شرايش نسحب على العشا
ابتعدت ريوف :- وخر مناك تبي جدي يعلقنا انزل وبلحقك
ضحك هياف :- ماخلصنا للحين بنزل ولحقيني
ابتسمت ريوف ولبست عبايتها نازله وراه
دخلو الصاله وجلسو نهاية السفره ، نياف :- اخيراً شرف يلا ناكل
ابو خالد :- انا قلت اكلوا ؟
سيف :- نظام المسلسلات طلع حتى عندنا
ناظره مشاري :- ابلع خرزه واسكت
سيف :- سم
ريوف :- معليش جدي اخر مره بس عمتي قالت مطولين عشان كذا صعدت
اديم :- صحيح انا قلت لها تاخذ راحتها ماتوقعت ترجعون بالسرعه ذي
ابو خالد :- حصل خير سكرت المحل ورجعنا من بكره سيف تمسك المحل
رفع راسه سيف :- ابشر تامر امر
ابو خالد :- الله يبشرك بكل خير يلا سموا
سموّا وبدو ياكلون وبعد ماخلصوا شالو السفره اما غرام راحت تجهز نفسها لطريق ، اديم :- كسار لا اوصيك عليها
كسار ابتسم :- بعيوني الثنتين لا تشيلين هم
ريوف :- كيف دوامك بيكون ؟
كسار :- والله مدري للحين
ريوف :- اسمع اذا بتطول عنها ترى بجيكم !
هياف :- من قال
ريوف :- انا قلت
كسار :- ماني مطول اضبطها مع الشباب
نياف :- ذي بدايتها واسطات
كسار :- لعيونها كلشي يصير
ريوف :- ماتسمعك ترى
ابتسم كسار من شافها تنزل :- صارت تسمع
غرام ناظرتهم بستغراب :- شفيكم ؟
ريوف :- يصف شعر فيش
ضحكت غرام :- استاهل المدح
ريوف :- تستاهلينه بس شرايش تسحبين عليه وتتمي هنا
خزها كسار :- رجولها على رجولي
غرام :- نروح هالبيت اللي اشترا للجن الحين غباره لفوقه
ملاذ :- انتبهي تهلكين نفسچ بالتنظيف كل يوم شي على الاقل
غرام ابتسمت :- اذا رحت بحكم
ملاذ :- كسار سمعت وش قلت الباقي عليك
هز راسه كسار :- ماعليش منها مب تشيل شي ومن الطريق بتنام علطول
ابتسمت غرام :- اسمعي ريوف ابيش بموضوع سريع
ريوف فزت عندها :- وشو
غرام :- بمر اخذ طابعه صغيره رسلي لي كل صورنا وذكرياتنا أوثقها بالطباعة اضمن بس انتبهي جدي يدري مصورين بالجوال
ريوف ضمتها :- عااششتت ايه ذي الفعاليات الزينه الحين يعلق جوالش من الصور بس ها ابي نسخ لي
ضحكت غرام :- تم اللي لش بس نرجع ولا تجوني
ريوف :- بنجيكم بعد اسبوعين ها استقروا
كسار :- تنورون البيت وحياكم الله
شهقت ريوف :- وين الكلام اللي قبل شوي !
ابتسم كسار :- كنت امزح مالنا غنى عنكم لولا الظروف حدتنا
غرام :- صادق والله ماودي ابعد عندكم ربع مسافه
اديم ضمتها :- استودعتكم الله حبايبي هونوها وتهون
بادلتها الحضن وودعتهم بس قبل ماتطلع دخلت المطبخ :- معليش يمه بسرق دلالش ولطوف سرقت شنطة الـ V60 الصغيره اما غلا سرقت مفرحات منش
ضحك نياف :- سلامات كل ذا بنعيش بمجاعه اذا ماطلعتي !
خزته غرام :- نيافوه ترى محد بيشتاق غيرك
ابتسم نياف :- وحشتيني من الحين فداش كل ماعندنا
طلعت شريفه من غرفتها :- غرام قبل ماتمشين مفرزنه كم شي خذيه عن التعب
ابتسمت غرام :- خالتيي الحنونه
ضحكت شريفه :- بالعافيه عليكم مقدماً
غرام :- الله يعافيش وياحظظ بنتي بتجرب طبخش من الحين
ابتسمت شريفه :- الله يتتمم لش على خير واوكلها بيدي
غرام :- اللهم امين يارب بروح اخذهم واطلع اسلم على خوالي
غلا :- عمامي شوفيهم مسكو رجلش تنبيهات
ضحكت غرام :- تكفين روحي انتِ جيبيهم بروح اتدلع شوي
غلا :- منن عيوننييي روحي تدلعي وتطلبي بعد
ابتسمت غرام :- حياتيي اللي يشجعني
طلعت غرام :- يبه
لف مشاري عليها :- لبيه ياعيون ابوش
غرام :- كاني هونت وابي اتم هنا
كسار ناظرها بصدمه :- بعد اللي شيلت كله ! تحلمين
مشاري :- غرام متاكده ؟
ناظرته تمثل الدلع :- يبه كلمه !
سحبها مشاري جنبه :- اذا بتروح رح بروحك
كسار :- يبه تكلم !!
خالد :- انا اهم شي عندي راحة حفيدتي وغرام
كسار :- يعني الحين كذا !
غرام :- امزح لا ينط لك عرچ
كسار :- امشي قدامي اقول
طلعت غلا :- تم تصوير كلشي بنجاح وخذو اكلكم
ضحكت غرام :- كفووو
كسار :- امشي اشوف الطريق شطوله
كانت بتطلع غرام بس التفتت :- هياف وينه ؟
نياف :- بالملقط
غرام :- سلامات مايودعني !
طلع هياف :- لا تقولين وداع وتعالي
ابتسمت غرام وركضت له صرخ كسار :- انتبهيي لبنتي
ضمت هياف :- اوعدك اني دايم هنا بجنبكم ماهو وداع
قبل راسها هياف وضمها لصدره اكثر :- عييونن اخوش ان شاء الله الفتره الجايه تتسابق بنتش لحضني
ابتسمت غرام :- يارب وعقبال عيالكم بس بنتي المسيطره
ابتسم هياف ومد يده لجيبه طلع منها مبلغ :- اللهم امين يارب بتطلع على امها اكيد وخذي ذا مشي امورش وامور نورتنا فيها
غرام رجعتهم بجيبه :- لا والله ماخذهم
هياف :- قسم لاتاخذينهم ماهم عشانش عشان اغراض نوره حبيبتنا
ابتسمت غرام وقبلت راسه :- الله لا يخليني منك واردها لك بولدك يارب
ابتسم نياف :- عطني نفسها
هياف :- ليه حامل ؟
ضحك نياف :- لا بس غرت ولا هاتو الحضن الثلاثي
ضمتهم غرام اثنينهم لكتوفها :- كتفي اليمين والشمال الله يخليكم ليي
سحبها كسار من بينهم :- وسند ظهرش جاش يقول تاخرتي
ضحكت غرام :- مع السلامهه اسبوعين هاا وتجون
لمحو البنات لها بيدينهم واللي تعطيها بوسات بالهوا ركبت السياره وهي مبتسمه وتناظر البيت وملامح العيال كانها تصبر نفسها بصوره لاسبوعين ، كسار :- والحين صرنا بروحنا
غرام :- مب بروحنا نورتنا ويانا
ضحك كسار :- ربيي يحفظها ويحفظ لي ام نوره
ابتسمت غرام :- امين يارب كسار بطلبك شي قبل لا نبعد
كسار :- سميي وش بغيتي وتم
غرام :- ودني جرير اكسترا اي مكان بأخذ طابعه صغيره
كسار :- ابشري خليها بس نوصل هناك
غرام :- لا ابيها فعاليه لطريق
ابتسم كسار :- ان شاء الله على خطنا
بعد نص ساعه تقريباً نزل كسار عند محل ورجع بالطابعه اللي تبيها غرام :- وذي احلى طابعه لاحلى ام نوره
قبلته غرام :- وذي بوسه شكر لابو نوره
ناظرها كسار :- لا تجننيني بالطريق الاقيها من البوسه ولا ابو نوره دختت
ضحكت غرام وهي تفك الطابعه :- انت سوق وانا بوريك الصور
كسار :- تصرفيني كذا ؟
غرام رفعت يدينها :- لا والله
ابتسم كسار :- هانت
غرام طبعت اول صوره ومدتها :- شوف
اخذها كسار :- واحنا صغار !!!
ابتسمت غرام :- ايه ارسلتها لي ريوف
ضحك كسار :- عندي اياها
غرام :- احلف
كسار :- والله كنت معلقها بالدولاب حقي وريوف تهددني فيها
ضحكت غرام :- عشان كذا قالت طبعيها اول وحده
كسار :- كنت احسب الغلا ضحك ومزوح
ابتسمت غرام :- سمرة سوالف بين مركا ومسباح
ضحك كسار :- اسلم ماعرفتش
غرام :- اعرف اقرب جوك ترى
ميل كتفه لها :- قربي انتِ
ضربته غرام على كتفه :- لا تبدا وكمل طريقك
مثل الالم :- يدش يد هياف
ضحكت غرام :- احلى من كلمة احبش
لف كسار يقبل فيها :- يخسي
ابتعدت غرام :- كسار تكفى انتبه وخر
ضحك كسار وكمل طريقه وهي كملت تطبع صورهم وتناظره بين فتره وفتره .
أنت تقرأ
بشروني عنك ما يدرون عني مادروا باللي شغل فكري وظني
شِعراهلاً فيكم بمخيلتي الاولى " بشروني عنك ما يدرون عني ما دروا باللي مشغل فكري وظني"
