بشروني عنك ما يدرون عني مادروا باللي شغل فكري وظني

Part 5

سمعت صوتها غرام ونادتهم بصوت عالي :- تعالوا المجلس
دخلو المجلس اللي كان صغير وفيه جلسات
غرام :- اهلاً فيكم بمجلسي الخاص
دخلت غلا :- شكله كل شخص وله مكان خاص واكيد نياف المطبخ مكانه الخاص
غرام :- لا ابشرك غرفته الممنوعه على الكل غيري انا وهو غرفته اكبر غرف الممنوعه ثلاث غرف بغرفه
غلا :- شدعوه ! لو يعرس فيها ابرك
ابتسمت غرام :- غرفته تتكون من نادي مصغر
شهقت لطوف :- انا اقول ليه ياكل ومايمتن
ضحكوا وضربتها غرام :- ذكري ربش على اخوي لا تجيه عين
بدت السوالف بينهم والضحك حتى وصلوا العيال
——
نايف :- اخيراً باكل دبتي تصيح تبي تاكل
ضربه سعود :- كذاب بطنك متى صاح شغال ٢٤س
مشاري :- اذكر الله عليه لا تجيه عين
وضحكوا الباقي ودخلوا المجلس
نادت اديم عليهم :- بنات انزلوا يلا وحطو على روسكم لا تنسون
ابتسمت غرام من تذكير امها :- تعالوا الغرفه بجيب طرحتي وننزل
تقدموا وراها لين دخلو غرفتها واول ماخطر فبال ريوف كيس الادويه اللي خبته همست لغلا :- لما دخلت العصر اكلمها خبت كيس ادويه بدولابها بسرعه
لفت عليهم غرام :- يلا مشينا
لطوف :- تعالوا يلا
هزت راسها ريوف بمعنى طيب وكملت همس :- فضولي بيذبحني
غلا :- مالك دخل فيها يمكن مسكنات او شي
ريوف :- ليه تخشهم
غلا :- يمكن مكانهم المعتاد بالنسبه لها
وهم نازلين الدرج سمعت همسهم وفهمت على ايش يتكلمون :- نسيت جوالي فوق انزلوا وبجيكم
نزلوا وهي صعدت وشالت حبوبها من دولابها وحطت بداله مسكنات وخبت الباقي تحت كتبها ولمحت شماغ هايف واخذته تضحك :- يازيين ريحة عودك هيافوه
تقدمت تنزل واول مااقبلت حطت شماغه عند الباب وتقدمت تحب راس جدها :- ياهلا ببنيتي وحلوتي ياهلا بروح روحي
احمر وجهه غرام :- تسلم ياابوي
ابتسملو كلهم من علاقة الجد و غرام
وقفت تناظر لهايف اللي كان جنب العيال وابتعدت شوي ورفعت جوالها ترسل له :- هيوفي ممكن اطلبك طلب🥹
رفع جواله اول ماجته الرساله ورد ببتسامه :- انتِ تامرين امر اطلبي بس وانا اقول تم وحاضر وابشري
ابتسمت :- ابيك تجلس جنبي وقف وناظروه كلهم وهو ياشر على خشمي هي فهمت موافقته وراحت تاخذ شماغه تقدم لها والكل منصدم من تصرفه
كسار :- ذا وشفيه قام كذا ويانظرها وياشر على خشمه ليكون بيكفخونا
ضحك سعود :- ماعليك اكيد طلبته طلبه وهو مايردها
سيف :- وش الطلبه ذي اللي فز من مكانه كذا
رفع نياف اكتافه بمعنى مااعرف
تقدمت غرام تعطيه شماغه ابتسم وقبلها على راسها
ريوف غصب بالقمه من الصدمه بصوت عالي:- الحين ذا اللي مهاوشها قبل شوي ومعورها !!
امها فلصتها تسكت ولفت عليها غرام :- عشان تعرفين ياريوف مالنا غنى عن بعض وتقدموا يجلسو جنب بعض
وقف نياف :- خير تخلوني وحيد يعني وخري لا تسرقينه مني تراه توأمي مب توأمك ودف غرام
هي مثلت الوجع :- عورتني
وفهم عليها هياف من ابتسمت ومثل العصبيه :- ماني طاير وبجلس جنب اختي انت يادب وخر اجلس هناك
ضحكوا عليهم ونطق الجد : اجلس انت وياه وكملوا اكلكم خن براسه نواف وانحنى على غرام : صدق تعورتي كنت امزح
فقعت غرام ضحك :- الخواف انا اللي امزح وياك وسحبته تجلسه جنبه
ناظرو غرام اللي كانت مبسوطه بينهم وجهة يمينها هياف ويسارها نايف وهم يقربون لها الاكل ونايف اللي يجننها ياكل من صحنه وصحنها
ضحك مشاري لاول مره من بعد فتره والتف الكل عليه :- ناييف اترك صحن غرام لا اخليك توكلها بيدك وانت لا
ضحك وترك صحنها وجلس ياكل من صحنه
همس خالد لسعود :- اخيرا ضحك مشاري كنت متوقع نسى كيف يضحك
سعود :- ناظر حتى ابوي مافارقته ابتسامته من دخلتكم للان
قطعت السكوت اديم :- أخيراً اجتمعنا من جديد
نطقت ام كسار وام سيف :- الحمد لله
همست ام سيف :- ونعم تربيتك بغرام واولادك كانها اختهم فعلاً
اديم : لان هي اختهم فعلاً
ام كسار:- الله يديم المحبه بينهم
كمل الجد الكلام :- بما اننا اجتمعنا من الان اقول لكم طلعه من ذا البيت مافيه واللي بيطلع لسانه لا ينطق كلمة يبّه
مشاري :- بس يبّه
توترت غرام من نطق مشاري وعرفت بيصير صراخ وتوتر بدت تحك يدينها ببعضهم وكسار كان يناظر رجفتها وخوفها ...