بعد ماخلصت جلست على سجادتها حاسه براحه وتاكدت من موافقتها على كسار قامت تحاول تنام لكن توترها غالب عليها فكرت تروح للبنات تسهر معهم لكن ماكان لهم حس وتاكدت انهم نايمين وهي راجعه صادفت لطيفة راجعه تكمل نومتها :-لطوف تعالي معي شوي
لطيفة :- مانمتي للحين ؟
غرام :- ماقدرت انام صليت استخارة وحسيت براحه لكن مدري هي راحه الموافقه او تلخبط مشاعري
ربتت لطيفة على كتفها :-غرام الشعور براحه مرات يجيش علطول وتحسينها تيسرت عليش ومرات لا انتِ اخذي وقتش
غرام :- يعني تقولين مااتكلم الحين ؟
لطيفة :- ذا مصير حياتش لا تتكلمين الحين ولا تسمحين لهم يضغطون عليش ارجعي صلي وفكري زين اذا باقي تحسين بالراحه وافقي عليه والله يقدم اللي فيه الخير
غرام حضنتها :- احبش لطوف خففتي توتري
مسحت لطوف عليها :- رُوحي انتِ بس نامي قبل مانقول كسار هج قبل الملكة
ضحكت غرام ورجعت لغرفتها لكن توجهت لسجادتها تعيد وتزيد بصلاة الاستخاره وكل مره ترتاح اكثر واكثر معزالوقت انسدحت على سجادتها ونامت ، جلست قبل صلاة الفجر وهي متردده تخبرهم او لها وهي تتكلم مع نفسها كبر الموذن لصلاة وتاكدت لراحتها طلعت من الغرفة بطقم الصلاه وصادفت امها نازله للمطبخ :- يمّه
لفت اديم عليها :- خير يمّه؟
غرام :- تعالي شوي
دخلت اديم غرفة غرام ومسحت عليها :- فيش شي ؟
غرام :- اخذت قراري وماني قادره انام الا اني اقوله لش
اديم جلست مقابلتها :- ها بشري وش قررتي ؟
ابتسمت غرام بخجل:- يمه موافقه صليت وارتحت
نزلت دموع اديم :- ياروحي اللي كبرت وبتعرس بتتركني بروحي
غرام مسحت دموع اديم :- يمه لا تخليني اهون واجلس علة فوق قلوبكم
ضحكت اديم :- ياقلبي انتِ الله يتتم لك اللي فيه الخير
غرام :- امين يارب بصلي الفجر واخبر هياف ونياف
اديم ابتسمت :- الله يوفقك يانور عيني اذا خلصتي انزلي المطبخ معي
غرام :- ابشري
خرجت غرام وهي تحس بخطواتها أخف هم كبير انزاح من على صدرها،راحت تصلي الفجر وبعد ما خلصت شافت جوالها بيدها وترددت ترسل لهم ولا تروح لهم لكن قررت شافت الساعه وتاكدت انهم بمجلسها مثل العاده ، دخلت عليهم بدون ماتتكلم .
رفع راسه هياف أول ما شافها :- غرام!
لف نياف عليها :- تبين شي ؟
جلست غرام قبالهم :- لا بس ابي اخبركم شي
هياف :- قررتي ؟
هزت راسها بمعنى اي وابتسمت :- موافقه
نياف فز يحضنها :- كنت متوقع الرد بس ابي اسمعه
هياف :- وخر عنها هشمت ضلوعها ، استخرتي ؟
غرام :- اي طول الليل وانا اصلي مرتاحه
لمعت عيون هياف وابتسم :- الله يوفقك ياعيون ابوي انتِ
ويقدم لك اللي فيه الخير
نياف :- اميين يارب بس شفيك بتصيح ؟
مسح عيونه هياف :- انا ! مستحيل
كشرت غرام :- تدرون وش اللي بيخليني اتراجع الحين ؟ اني ماابي ابتعد عنكم
نياف :- لا تكفين لا تهونين خلينا يمكن نشتاق لش
هياف :- ماعليش منه قطعة من قلوبنا وبتفارقنا بس يومياً احنا عندش
ابتسمت غرام :- الله لا يحرممني منكم
نياف :- ولا يحرمنا منش امنا الثانيه انتِ
ابتسمت غرام :- هياف قول لجدي وخوالي استحي انا
هياف :- ابشري ولا يهمش
نياف :- كسار بيجي طاير تجهزي للملكة
غرام :- نيوف ! خلني استوعب قبل
هياف :- تادب عنها وخلها بحالها
نياف :- انا قلت لك وانتِ بكيفك عطيتها الواقع عشان ماتنصدم
ضربه هياف بسبحته :- قم انقلع لسيف احسن لك قبل ماافرش عظامك هنا
غرام :- خله يهبد على كيفه بنزل المطبخ مع امي انا
نياف :- شفييش تستحين مني ها بعد ماكنتِ تعلميني كلشي تغيرتي علي يالمخطوبه
غرام :- نياف قومم عني
ضحك نياف :- انا اقول نزلي وانتِ متمالكه بيصير كلام جدي بين جدي وخوالي عنش
غرام :- هيوف شوفه يوترني !
هياف :- روحي انتِ وانا اربيه لش
~ عند اديم بالمطبخ مع شريفه ومها ~
اديم بابتسامه :- غرام استخارت امس
لفت مها عليها :- ايه وش قالت ؟
اديم :- موافقه على كسار
ضحكت شريفة :- الله يوفقها ويتمم لهم على خير
حضنت مها اديم :- الله يبشرك بالخير كنت شايله همهم
شريفة :- اجل نبارك ؟ متى الملكة ؟
اديم :- اول يدرون ابوي واخواني وبعدها نقرر
شريفة :- الله يعين روسنا على صجة سعود الحين بيقول شلون تعرسونها قبلي
ضحكت اديم :- هو اللي يرفض كل البنات يبيها ملاك منزل عشانه
ضحكت مها :- اروح اخبرهم ولا انتِ ؟
اديم :- هياف بيكلمهم
مها :- اختصر علينا طريق
~ على الفطور كان الكل متواجد يسولفون بمواضيع مختلفه قاطعهم هياف :- جدي ابيك بموضوع مهم
الجد علي :- تكلم فيك شي ؟
هياف ببتسامه :- غرام موافقه على كسار
الكل ناظر لاديم هزت راسها :- استخارت ومرتاحه له
الجد علي ابتسم برضا:- الله يوفقهم ويتمم لهم على خير
مشاري :- بنتي بتتزوج ! اخذتي خيرة الرجال ياعيون خالش
ابتسمت غرام بخجل وقاطعها سعود :- اجل غرام تعرس قبلي وانا متوقعها اخر وحده من الاحفاد !
سيف بمزح :- نبدا نحسب من بيعرس وراها
خالد كان يحاول يخفي دموعه لكن فاضت :- الحمد لله بنت اختي الغاليه صارت عندي
ابتسمت غرام بحزن وبدت تسولف مع البنات وفرحتهم فيها قاطعهم الجد :- كسار خلص اوراقه وراجع على خير ابدو بتجهيزات الملكة من الحين
ريوف :- مااصدق يعني انتِ بتصييرن مرت اخوي !
غلا :- احنا وين وهي وين خلونا نتكلم على التجهيزات الحين
ريوف :- انا بكلم كسار مالي دخل فيكم
مها :- عطيني ابشره انا
ريوف :- تحلميين هو وصاني انا مب انتو البشاره لي
سيف :- اول مره اشوف محاميه طماعه
رفعت ريوف صبعها تهدده :- لا تخليني ارفع عليك قضيه
هياف :- بدينا بالموال انا اقوم احسن
ضحك سعود :- قوم وانت ساكت لا تكون القضيه عليك
هياف :- بنتكم تختبر اعصابي بكل مره
خالد :- حدك عاد ماارضى عليه
ريوف بتباهي :- ياعيني عليك ياخلودي الله لا يحرمنني
الجد علي :- خلودي ! اصغر ورعانش هو ؟
ريوف بتلعثم :- بالغلط
ضحكو اللي حولهم على ردّة فعل الجد وزاد الطيب بله سعود :- نسميها مدلعة البيت الجديده
كشرت غرام :- ترى انا للحين بوسطكم !
سعود :- انتِ بتروحين بيت رجلش
ريوف شمرت يدينها لسعود :- والله انت سوسه !
ضحك سيف :-ياساتر ! والله ذي ماترحم احد
هياف تنهد وقام :- ماتشوفوني مااتحملها احس بضغط كل ماشفتها
ريوف حطت يدها على قلبها تمثل الصدمة :- انا ! انا اللي مضغوطه منك ماعندك اسلوب
هياف لف عليه ورفع حاجبه :- ماعندي اسلوب ؟
ريوف وهي تضحك :- عندك بس يبي له ترقيه شوي
خالد حس بيجيها نقد من الجد :- ريوف خلاص روحي اتصلي على اخوش قبل لا نتصل عليه ونخرب البشاره عليش
هياف وهو طالع :- مااقول الا الله يعين
استغلت ريوف الفرصه وطلعت وراه :- اجل الله يعين ؟
هياف :- اي الله يعين الجميع
ريوف بدت تستفز :- انت ناوي تعصبني !
وقف هياف عند غرفة ملاكمته :- لا ليش وش تحسين فيه ؟
ريوف ضربت الباب :- احس اني بدخل واكسر غرفتك ذي عليك
هياف فتح الباب ودخل :- تعالي بس لا تصيحين بعدها
ريوف :- انا اصيح ! ومن مين منك انت ؟ مستحيله وخر بس
هياف بستهزاء:- خوافه
ناظرته :- قسم بالله لو فيه جائزة لاكثر واحد مستفز انت المركز الاول
هياف ببرود وهو يسكر الباب :- لي الشرف
ريوف طلعت جوالها تدق على كسار وتتحلطم :- مستفز
رد عليها كسار :- بشري
ريوف تمثل الحزن :- لا تزعل كسار ذا اللي الله كاتبه
كسار :- فيكم شي ؟
ريوف :- لا لكن غرام تقدم لها واحد ثاني
كسار ترك اوراقه :- كيف يعني ! انا اللي خاطبها !
ريوف ضحكت من ردة فعله :- امزح معك
تنهد كسار براحه:- لو اشوفش والله ادفنش خرشتيني ! وش ردها ؟
ابتسمت ريوف :- غرام موافقه وين بشارتي ؟
ضحك كسار :- الحمد لله ! تبشرين فيها
ريوف :- لا ترجع وانت خالي وجيب لغرام هديه زينه
كسار :- ابشري ! بس طالبش طلبه لا ترديني
ريوف :- امرنيي
كسار :- بكلم هياف ياخذ بيت قريب وانتِ جهزي الأثاث مثل ماتحب غرام
ابتسمت ريوف :- ابشر بس هات الفلوس
كسار :- كلشي جاهز فلوس البيت احولهم عليه وانتِ احول عليك مبلغ اثثي النص بس والباقي علي
ريوف :- قدام بس ماينفع نغير هياف ! ماحببهه افهمونني
كسار :- ماهو وقت نفذي اللي اقوله وروحي له الحين
ريوف :- امرري لله بس متى بترجع ؟
كسار : الحين طالع على مااوصل بكره وكلميهم يجهزون من الحين
ريوف :- ياعيني على المعرس المتحمس انا !
كسار :- خلاص عطيتش وجهه سكري
ريوف كشرت :- طيب اللي تشوفه يالمعرس المستعجل
سكرت وهي تضحك وبدون ماتحسب حساب فتحت باب غرفة هياف وشافته بدون بلوفر وحاط السماعه يضرب بكيس الملاكمه وقفت للحظه ورفع نظره لها ولفت وجهه :- اسفه ماطقيت الباب بس ابيك بموضوع ضروري
رمى هياف السماعه واخذ بلوفره يلبسه :- ريوف تعتذر مني ! نزل الوحي وانا مدري !
ريوف :- لا تخليني اندم مجبوره
هياف :- وش صاير ؟ لفي خلاص
لفت ريوف :- ابي مساعدتك خلنا نطلع الحين
هياف بستغراب:- نطلع ؟
ريوف :- كسار كلمني يقول فيه بيت حوليكم يبي ياخذه وناثث بس الاساسيات وهو عليه الباقي
ضحك هياف :- وماعندك احد غيري ؟
ريوف :- ترى هو جابرني عليك شويات ويحول لك مبلغ استعجل علي اسبح واجهز ماني فاضيه انا !
هياف :- اسبح ! ليش وش شايفتني ؟
ريوف اشرت على كيس الملاكمة:- تضرب لي بذا شوف العرق كيف يصب منك
ابتسم وهز براسه :- خلاص جهزي وجايش بس خبري خالي
ريوف :- طيب
نزلت ريوف لعند خالد :- يبه ابيك شوي
خالد :- فيش شي ؟
ريوف :- لا كسار كلمني يبي هياف ياخذ بيت هنا وحول له الفلوس بس انا اخذ منك الاذن اطلع معه اشتري كم شي
خالد ابتسم :- روحي استودعتك الله بس لا تبطين معه
ريوف :- ابشرر ماني مطوله لا تخبر احد مفاجأة من كسار لغرام
ضحك خالد :- ابشري استودعتك الله
ابتسمت ريوف وصعدت فوق تجهز صادفت البنات
غلا :- وين بتروحين ؟
ريوف :- مشوار قريب وجايه ماني مطوله
لطيفه :- لا تسوين شي من ورانا
غرام :- خلوهاا تروح وين ماتروح اذا جلست بتوترني
ضحكت ريوف :- بجيش والله مااتركش ياحرمة اخوي
ضحكت غلا :- يمه غرام صارت حرمه !
ابتسمت غرام :- بس عاد سكتو عني
ريوف وهي تختار عباه :- خلاص بتفتكون مني خلوني اخذ عبايه بس
غلا :- خذيني معش واعطيش من عندي
ريوف :-جيبي من عندش وماني ماخذتش
كشرت غلا بوجهها وطلعت لها عبايه بلون فاتح :-خذي ذي
وبتغسلينها
لطيفه :- ياويلش من ذلها الحين سنه قدام
سحبتها ريوف :- هاتيها واجيب لش غيرها بعد
لبستها وطلعت لهياف :-جاهزه انا
ناظرها هياف :- انا بتطلعين معي بذي العباه !
ريوف :- اي فيها شي ؟
هياف :- متاكده ذي عباه تطلعين فيها ؟
ريوف :- حرك قدامي مافيه الا هي وان رجعت غرام بتشك
طلع هياف :- لولا غرام ولا رجعتش تغيرينها
ريوف:- يصير خير
ركبو السياره بس باقي هياف ماهو متقبل العباه:-نمشيها اليوم امرنا لله
ابتسمت ريوف :- كم ساعه تحملني
ناظرها هياف :- ان شاء الله ... في بيت قريب من هنا تنزلين تشوفينه ؟
ريوف :- اي ليش لا بس ياليت يكون حلو ونلتف على الاثاث
هياف :- جدي ناوي تكون ملكتهم ذي الجمعة ماراح يمدي احنا نشتريه وناخذ المفتاح بعدها هو وغرام يجهزونه على كيفهم
ريوف :- مااتفقنا كذا ! انا ناويه اخذ الأثاث مفاجاه لغرام
هياف :- مايصير خاطرش الا طيب ناخذ كم شي الحين والباقي عليهم
ريوف ابتسمت :- اول مره اوافقك الراي
ابتسم هياف ووقف عند بيت :- هذا هو قريب مااخذنا ساعه
ريوف :- مبدئياً رهيب خلنا نشوفه من داخل قبل كلشي
هياف :- انا كلمت صاحبه قبل لا احرك وفتح الباب انزلي
ريوف :- صاير تصدمني انت
هياف :- طايح من عينش انا ولا كيف
ضحكت ريوف :- لا امزح بس
هياف :- ادخلي شيكي عليه
ريوف :- مبدئياً المدخل حلو وكلشي مرتب
هياف :- دخل مزاجش يعني ؟
ريوف :- لا فيه الاحسن احس مساحة الغرف ماهي ذاك الزود
ريوف :- يعني ندور غيره
شهقت ريوف :- تعال لحظه !
لف هياف :- بسم الله وش صار ؟
ريوف :- الغبي كسار المفروض ياخذ بيت عند شغله مب هنا !
هياف :- يعني مطلعتني من البيت نحوس اخر شي كذا ؟
ريوف :- من الحماس مدري وهو طاير عقله
هياف بعصبيه :- امشي قدامي بس لا انتِ ولا اخوش الا بتطيرون عقلي
ريوف :- مالي ذنب تعصب علي !
هياف :- طيب اركبي السياره وانا ادبر الموضوع
ريوف وهي تفرفر بجوالها :- عادي توديني محل قريب من هنا ؟
هياف :- حاضر عمتي شايفتني سواق انا
ريوف ماردت عليه وكملت فرفرتها قاطع السكوت هياف :- وين ؟
ريوف :- وش ؟
هياف :- المحل اللي تبينه
ريوف :- اها خلاص مايحتاج
هياف :- بدون زعل لا نرجع البيت بدون شي
ريوف :- كنسلت ابي البنات معي
وقف السياره هياف :- طلعتي تعرفين تزعلين بعد ؟ تكلمي ولا ماني متحرك
أنت تقرأ
بشروني عنك ما يدرون عني مادروا باللي شغل فكري وظني
Poetryاهلاً فيكم بمخيلتي الاولى " بشروني عنك ما يدرون عني ما دروا باللي مشغل فكري وظني"
