الممرض :- في بيدها اثر شفرات والظاهر كانت جديدة ومغطيتها لو فيها شي الافضل تجون عيادة نفسيه ...
كسار:- وقف منصدم من الكلام واكتفى بهز راسه وتقدم بيدخل لها طق الباب وتنحنح :- الحمد لله على سلامتش نقدر نطلع وهو بخاطره لو يضمها بين ضلوعه
اكتفت غرام بهز راسها ناظر جواله شافها الساعه وحده وهم المفروض نايمين شال هم كيف بيبرر لهم واكيد بيفكرون مسوين شي قام اخذها وركبت ورى بحجة انها تعبانه وبتنسدح ناظرها كسار من المرايه :- ممكن تسمعيني شوي ماردت عليه وكمل السكوت علامة الرضى شوفي وانا كسار ولد خالد مستحيل يمسون شعره منش لاثور روسهم واحد ورى الثاني واعتبري الموضوع بيني وبينش ابتسمت له بحزن وقف قدام صيدليه ونزل ياخذ لفات ومطهر وفتح عليها الباب هي ارتعبت واول ماشفته تطمنت كسار:- اعتذر بس شفت نايمه ماحبيت اصحيش وطلعهم حطهم جنبها ارتعبت :- انت شتسوي ؟؟
ابتسم كسار : كذبه بسيطه نكذبها على الاهل عشان يفكونا من التحقيق ارتخت وقالت طيب بدا يطهر ساق رجلها ويلفها وركب يكمل طريقه
تكلمت غرام بتعب :- كم الساعه؟
كسار:- بتجي ثلاث لا تخافين قولي كنتِ بتجين لاخوانش وعضتش الحيه وانا بقول سمعت صوتش واسعفتش
ناظرته بحده :- ما شاء الله عليك الفت الكذبات بثواني شكلك متعود
استفزته كلمة "شكلك متعود " لكن ابتسم ومشاها لها
اول ماوصل شاف الاولاد صاحين نزل :-هياف نياف تعالوا لحظه
نياف :- عساه خير
كسار :- غرام بالسياره احد يعاونها منكم
هياف :- وش تسوي معك بالسياره !!
فتح الباب كسار لها نفس ماتشوفون قرصتها عقرب ورى المخيمات ووديتها المستشفى
تقدم هياف يحملها ويسمي عليها :- ماقصرت بس ياليت عاطيني علم
كسار :- تلبكت ومالقيت حل قدامي الا المستشفى حتى ججوالي نسيته هنا
تقدم نياف يحضن كسار:- جزاك الله خير وماقصرت
كسار :- واجبي اما الحين برجع لديره وانتبهوا لباقي البنات
سيف :- عسى ماشر ليه !
كسار :- بس تعبت بروح البيت ارتاح اذا زانت الامور وجعت لكم منها امر جدي ماشفته من اللي صار
هياف :- ماتبي تخبر خالتي ؟
كسار :- لا قلت لكم عشان ماينشغل بال الكل
ودعوا بعض واتجهه لسياره وفتح جوال غرام وشاف التهديدات كلها صورها بجواله وبلك الرقم وحذف المحادثة رجع نزل
-ياعيال ذا جوالها ولا جوال مين ؟
نياف :- ايه هاته بعدين اوديه لها
رماه عليه وتوكل على الله لطريقه
———-
عمار :- بنتك بلكتني بدون ماتحاول حتى تعرف مين !
متعب :- مستحيل تجيبها غصب طيب وتاخذها بعدها بس احرق قلوبهم شوف طريقه ثانيه مالي دخل فيك
عمار :- اكيد عندي بس تحتاج وجودك
متعب :- مثل ايش ؟
عمار :- ترفع عليهم قضية بالاخير هي بنتك ومن حقك
متعب :- انت صادق ! بيعطوني هي بدون كلام مستحيل
عمار :- القانون يمشي على الكل وبنتك من حقك وعلي المحامي
متعب :- كلمه يرفعها المهم تحرق قلوبهم نفس مادمروني
_______
بالمستشفى عند ~ ملاذ وابو خالد ~
ملاذ :- ياعم ليه ذا العناد كله !
ابو خالد :- قلت لك ابي دكتور سلطان
ملاذ :- وانا اخته ! صدقني لو تمشي معي زين نفس مااقولك الصبح اطلعك
سكت ابو خالد يفكر : والنعم خلاص يابنتي امرنا لله
ابتسمت ملاذ بشعور الانتصار وتقدمت تقيس علاماته الحيويه :- ياعمي تامرني بشي ؟
ابو خالد :- خذي الجوال طلعي لي رقم كسار
ملاذ :- ابشر ثواني بس
تقدمت تعطيه الجوال :- سم
ابتسم ابو خالد من احترامها :- سم الله عدوك
رد عليه كسار :- حيي ذا الصوت كانك تحس فيني !
ضحك ابو خالد :- دام كنت بتتصل اكيد فيه مصيبه
كسار :- بجيك الان بس اي غرفه انت ؟
ابو خالد :- مدري مشاري وابوك راحوا البيت يرتاحون اسالهم
كسار :- خلاص بجيك واسال الاستقبال
ابو خالد :- فيه شي صاير ؟ تكلم
كسار :- قربت اوصل
_______
عند غرام كانت تمثل الألم
هياف :- وش يوديك ورى الخيم !
غرام :- كنت بتمشى شوي بس بعد جلستكم
هياف :- كم مره اقولك اذا جينا هنا وبتروحين مكان بعيد عنا خذي نياف انتِ شايفه مخيمنا وين وجلستنا وين ؟
غرام :- ماحبيت انكد جوكم معي يكفي الكل لاحظني !
تقدم هياف يحطها بحضنه :- ان كان النكد منش انتِ بالتحديد ياحلوه من نكد لا تشيليين همي ولا هم نياف احنا هنا عشانش انتِ وبس !
نزلت دموع غرام :- تلومني ريوف فييك
كشر هياف وجهه :- ريوف ذي درست قانون وباقي ماتخرجت وباقي مشغلتنا كيف اذا تخرجت وصار عندها مكتب !
ضحكتت غرام :- تراها من حبها لك وغمزت
هياف ضربها بسبحته بالخفيف :- لاحد يسمعش ويصدق تروح فيها من عمي واخوها انتبهي
غرام :- ذا الصدق طيب ليش ماتشوف انت
صد هياف :- الظاهر لدغة العقرب باقي ماثره فيك قومي نامي
غرام :- مقدر امشي شيلني
هياف :- اشيلك والبنات داخل !
غرام :- يشلني لعندهم وانادي وحده
هياف :- امر القوي على الضعيف حملها وتقدم يطلع فيها شافهم نياف وسيف وضحكوا عليهم
سيف :- الظاهر الدلع بدا يشتغل مفعوله
نياف :- الحمد لله اني هنا سو نفسك ماتشوف ولا احتمال تخلينا عبيد عندها
تقدم لهم هياف :- نياف قم ناد امي لها تخليها جنبها
غرام :- ماله داعي خلني اروح مع البنات اقدر امشي
رفع حاجبه نياف :- تقدرين تمشين وهو شايلش
غرام تلعثمت :- بحاول
رفض نياف وراح يصرخ بامه :- يمه تعالي شوي
فزوا كلهم وتقدمت اديم :- وشفيكم احد صابه شي ؟؟ وقفت بمكانها اول ماشافت هياف ساند غرام ، يمه غرام وش صار !
غرام :- مافيني شي بس عقرب صغيرون بس عيالش يحبون يكبرون المواضيع
نياف :- صغيرون وهي وصلت للمستشفى مره وحده!
ضربته غرام بالخفيف :- يالفتان
تقدمت اديم ومها يسمون عليها ويدخلونها عندهم اما شريفه راحت تصحي البنات لصلاه
———
وصل كسار ودلته الممرضه على غرفة جده
كسار فتح الباب :- السلام عليكم يبه
فتح ابو خالد عيونه :- وعليكم السلام ورحمة الله وحاول يتعدل لكن منعه
كسار :- استريح ماني مطول عليك بسالك كم سوال بس
ابو خالد :- عساه خير ؟
كسار :- ماابيك تعصب ولا تشيل هم انا بحل الموضوع بيومين بس
ابو خالد :- تكلم اسمعك
كسار :- مين عمار عبدالله ؟
ابو خالد :- ولد عم غرام ليه ! لا تقول جاء
كسار :- توقعتت للاسف رسله ابوها!! ويهدد غرام
ابو خالد :- ايا النذل بعد كل اللي سواه يهدد بنته بعد!!!
كسار :- ممكن تشرح لي السالفه من البدايه تعبت وانا اسمع بس من بعد وفاة عمتي الله يرحمها
ابو خالد رجع لسكوته ، ناظره كسار : يبه تكلم ومحد بيدري ! ، ابو خالد :- بقولك القصه من البدايه لكن تكرمني بسكوتك لين انتهي ، هز كسار راسه بمعنى موافق ، كمل ابو خالد كلامه : متعب كان مدمن ونوره عمتك كانت تشوف كلشيء وساكته ماتعلم احد بعد فترة بدأت المشاكل بينهم وحاولت تعالجه وتسانده لكن هو يعتدي عليها بالضرب كل ليله صارت ماتجي ايام وليالي كبرت غرام بينهم وبين مشاكلهم وبعد فتره جت نوره رمت علينا غرام وقالت خلوها عندكم الليله بس وبجيها الصبح واكيد وافقنا لكن الصدمه بعد ماشفنا تصرفات غرام والكدمات بدون تفكير انا وعمامك وابوك رحنا ومعانا غرام ولحسن الحظ عندي مفتاح للبيت مثل ماتعرف كان بيتي اول مافتحته كان كلشيء متدمر دورنا بكل البيت مافيه احد للاسف وكله دم وتفاجئت باتصال من المستشفى بحادث نوره ومتعب يدون تفكير تسارعنا للمستشفى وباقي غرام بالسياره معي واول ماوصلنا المستشفى تلقينا خبر مفجع للاسف فقدت بنيتي راحت من يديني ! ، سكت شوي وحاول يتكلم بس الغصه بحلقه طلب من كسار ماء وكمل بعدها ، راحت من يدينا وتمت غرام يتيمه وسبب يتامتها ابوها واثناء العزاء بدون علمنا اثبت متعب اللي صار كله من اثر حادث مش ضرب ! وبعد العزاء وصلنا خبر من اهله انه خارج المملكه وماراح يرجع وحاولوا ياخذون غرام بس رفضت انا ماقدرت احمي نوره بس اقدر احمي غرام ومن بعد ذي الحادثة غرام تعاني من اكتئاب ونوبات لا نهائيه .
كسار :- الان كل ذا صار وانتوا كذبتوا علينا !
ابو خالد :- كنتوا صغار على ذي المواضيع
كسار :- كناا بس لو ماجيتك ماعرفت شي عن الموضوع!
ابو خالد :- الان انت عرفت وابيك تجيب لي غرام الحين
كسار :- بيجون كلهم غصب طيب ماراح اتركهم هنا والكلب يحوم حولها
ابو خالد :- لا تبلغ عليه
كسار :- وش تبيني اسوي ! انتظره يتقرب منها ؟
ابو خالد :- لو تبلغ وهم يرفعون قضيه بياخذونها ماعندنا شي يثبت
كسار بدون تفكير :- بتزوجها كذا لا انتوا ولا هم بتاخذونها
ابو خالد بعصبيه :- سامع نفسك وش تقول ؟؟
كسار :- سامع نفسي واحلف لك برقبتي اني اصونها واحميها مني قبل من الكل
ابو خالد :- هي تخاف منك كيف تبيها تتزوجك !
كسار :- المهم اسمي يتبعه اسمها ودامها باسمي يخسي احد يقرب منها ! لو اخليها عند ريوف ولا امسها بس غيري لا
وتقدم يطلع بدون مايسمع كلام جده
أنت تقرأ
بشروني عنك ما يدرون عني مادروا باللي شغل فكري وظني
Poetryاهلاً فيكم بمخيلتي الاولى " بشروني عنك ما يدرون عني ما دروا باللي مشغل فكري وظني"
