عند مجلس الحريم كانوا كلهم متوترين وينتظرون اتصال يطمنهم عليه
اديم تقدمت تفرش سجادتها وتصلي وهي تبكي
ام سيف :- اديم مايصير تسوين بنفسك كذا لو شافتك غرام بتعرف اغسلي وجهك واهدي
ام كسار :- باذن الله عمي مافيه الا العافيه
ناظر نياف ساعته وكانت عشر :- لو سمحتوا كل واحد يخش غرفته بتنامون مب تنامون مالي دخل بس المفروض ذا الوقت الكل نايم لا تحس غرام على شي
لطوف :- عادت جدي للحين مستمره !
نياف :- اي وحتى لو ماهو موجود بتتطبق يلا
غلا:- معسكر ذا مب بيت
لف عليها نياف بعصبيه :- ذا قانون جدي فيك خير قولي الكلمه ذي قدامه
غلا اللي انخرشت منه وتخبت بظهر ريوف ونطقت :- امزح ولا حتى المزح حرام عندكم انتوا !
تقدم نياف لها ووقفته ريوف :- هيه انت وينا فيه ! وانتِ سكتي محد فاضي للمزح
نياف بعصبيه اشر على الباب :- خلصوني اعتبروه معسكر اعتبروه سجن اللي هو بس يلا كلن على غرفته
تقدموا يطلعون وهو تقدم بيصعد داره لكن استوقف غرفة غرام طق عليها الباب يعرف ماهي نايمه :- غرامي ذا انا
ابتسمت غرام وفتحت الباب له :- حيي الله الخوي وش عندنا اليوم من هموم
ضحك نيّاف:- يعني مفضوح ؟
غرام :- اكيد ولا شايف الساعه انت ادخل وقفل الباب وراك
نيّاف:- ليكون ازعجك وانا ماادري
غرام :- لا حشاك لو ماتجيني انبلع لساني من اتكلم معه غيرك ؟
قبل راسها :- الله لا يحرمنني ياناس
ضحكت غرام :- ولا يحرمني من وجودكمم
نيّاف انسدح على سريرها :- اميين يووه يالسرير المريح
غرام تخصرت :- ليكون ذا سريرك انت واخوك تسدحتوا عليه اكثر مني
عبس وجهه بمزح وقام :- الظاهر اننا نزعجك نعتذر اخت غرام خلاص بطلع
لحقته غرام بصدمه :- وشفيك صاير زعول اليوم ! امزح والله الدار لك والعتبه لي
ضحك عليها :- داري بس بشوف ردت فعلك ضربته وانسدحت جنب زرعها
نيّاف:- اخذتي دواك ؟
غرام :- اسكت لا تذكرني شافت ريوف الكيس وانا من توتري شلته وسمعتها تتكلم هي وغلا عليه
تقدم يمسك يدينها ويطمنها :- عادي واذا عرفوا يعني وش بيصير
بدت تبكي :- بيشوفوني بنظرات شفقه وبيكونون حذرين بكلامهم حتى مريضه اللي يقولونها بمزح بينادوني فيها دايم او بيبلعون الكلمه قدامي
حضنها ومسح دموعها :- اولاً دموعك ماتنزل وعندك نيّاف وهياف ثانياً منتي مريضه ولا لك ذنب كل ذا كانت صدمات طفوله وان شاء الله تقدرين تتخطينها وتتركين كل الادويه ذي ثالثاً فيهم خير يزعلون حلوتي والله غير ادعسهم
ابتسمت غرام وحضنته :- نيوفيي ياخي تعرف كيف تهديني
ضحك :- نيوفي !
تبعدت عنه :- لقب غلاوي وهي صغيره ولا نسيت
رمى عليها المنديل وهي تهرب عنه
مسكت قلبها :- بس خلاص اسفه وخر
تقدم يمسكها :- لا تقولين اسفه جلسي ريحي وعطيني حبوبك بحطه بثلاجتي
مدته له وهي ميته نعس وابتدت سوالفهم حتى نامت غرام وهو تطمن واخذ جوالها عشان مايزعجها وطلع يشحنه "بغرفتهم الممنوعه"
——
عند سيف وكسار
سيف :-خلاص وقف تدخين خلصته كله
كسار :- ماعليك مني قم نم
سيف :- كيف انام وانت كذا وضعك ساكت لك من بعد اللي صار للحين وبس تشغل وتطفي بالزقاير ارحم رئتك شوي
كسار رماها ودعسها برجله :- ارتحت الحين ؟
سيف تقدم له :- اي باقي تتكلم وارتاح اكثر
كسار حرك راسه بمعنى لا :- مافيه شي روح نام شويات والحقك
طلع لهم نيّاف ومعه شاهي :- جيت اكمل شلتكم
سيف :- جابك الله فكني من الخبل ذا
ابتسم :- وش مسوي ؟
رفع كسار يدينه بمعمنى استسلم وطلع الدخان من جيبه ورماه
سيف :- باقي طلع الثاني
كشر بوجهه وطلعه يرميه
نيّاف:- انت لو تهرب ممنوعات تصير اغنى واحد بالعالم كل ذا بجيبك !
كسار :- وخر لا يسمعك احد ويصدق
سيف :- اقول شب النار كلنا ندري ماراح تنام
كسار :- مااقدر اصبر انا اتصلت عليهم كلهم ولا واحد يرد بروح اشوف
وقف سيف :- خالتي موصيتني عليك تحلم تروح
كسار :- هي نايمه ماراح تدري الا اذا كبيت العفش عندها
نيّاف:- انا بروح انت انثبر بالبيت يحتاجون احد وياهم
ناظر سيف وكمل انت تعال وياي اخاف اتلقى صدمه بالطريق
كسار :- لاا لبسوني طرحه وعباه وخلوني اجلس مع البنات داخل !
ضحك سيف حتى بانت اسنانه :- نسويها المهم مانكسر كلمة خالتي
نيّاف:- البيت يحتاج رجال يكون فيه وخصوصاً غرام مستحيل تنترك بالبيت
وقف مصدوم :- ليه !
نيّاف:- سالفه طويله بس ادخل المجلس اللي بالدور الاول وخل الباب مفتوح وشغل بس الليتات الصغيره
سيف :- وش ذا تعليمات حتى باليت !
نياف :- مالك شغل انت لف على كسار يكمل كلامه ياويلك تلمس شي من جلستها اللي مسويتها والله تقوم البيت فوق راسك حافظه كلشي لو تحركه ربع عرفت ولو صار شي لها دق علي انا مب هياف
كسار :- طيب بس ليش كل ذا
نياف :- تجيها احياناً نوبة خوف وانا دايم اكون بالمجلس اخر الليل عشان كذا وتيجي لي علطول
كسار :- وش السبب طيب
نياف :- ماهي وقت تحقيق سو اللي قلت لك عنه وفكنا
كسار هز راسه بمعنى طيب وتقدم يدخل ويقفل الباب
أنت تقرأ
بشروني عنك ما يدرون عني مادروا باللي شغل فكري وظني
Поэзияاهلاً فيكم بمخيلتي الاولى " بشروني عنك ما يدرون عني ما دروا باللي مشغل فكري وظني"
