عند كسار اللي كان متوتر يحرس غرفتها حتى مادخل المجلس مثل ماقال له نياف التعب بدا يغلبه وقرر يدخل المجلس :- صدق مجلس بنيه وش كل ذي الخرابيط وسحب جواله بيكلم اخته لكن شافها طالعه من زمان دليل انها نامت انسدح يفكر بجده ويفكر بغرام ويتذكر كيف كان ينرفزها وهم صغار وماتمر ليله الا وهم متهاوشين تو بتغفي عينه الا جاه اتصال من سعود فز من مكانه وطيح وردها اللي حاطته رد :-سعود جدي فيه شي لا تدخل بالمقدمات
ملاذ :- انا ماني سعود معك ملاذ
انصدم كسار :- ملاذ ! عمي سعود وينه !!
ملاذ :- اي حبيت اطمنك جدك بخير طلعوه والان هو بالعنايه لمدة ٢٤س بعدها بينحول للغرفه اذا ماجته مضاعفات
زفر براحه :- الله يطمنك بالخير بس ماجاوبتيني عمي سعود وينه !
ملاذ :- متهاوش مع واحد واهلك كلهم معه والان بالتوقيف
كسار :- والسبب ؟
ملاذ :- متحرش
كسار :- حي عينهم للاسف ماكنت وياهم ومااقدر امرك اخذ جواله لكن ارجع اقول الله يطمنك ومع السلامه
سكر قبل ماتنطق بشي ملاذ:-والله انهم متخلفين كلهم شافت سلطان اللي طلع وباين عليه التعب
سلطان :- مارحتي ! وش تسوين لذا الوقت هنا
ملاذ :-صديقك عرض علي يوصلني لكن رفضت وتميت ليتني مشيت
سلطان وهو يمشي :- ليه وش صاير !
ملاذ بارتباك:-تطاول معي واحد وسعود واهله تهاوشو معه والان بالتوقيف وبتاخذني عندهم لاني حتى انا مطلوبه
سلطان بعصبيه :- سوالك شي ؟؟؟
ملاذ وهي تتراجع لورى :- لا بس كلام بالجوال وهو سمعه
سحبها سلطان معه للمركز واول مادخل شاف احمد تقدم له:- دكتور احمد ! عسى ماشر وشفيك هنا ؟
ملاذ اللي كانت متوتر من نظرات احمد لها وهمست لسلطان :- يلا ينتظرونا اخلص
احمد كان بيتكلم لكن قطعه :- وقت ثاني ماتشوف الشر اجيك بعد مانخلص
ملاذ اللي زفرت براحه ودخلت تقدم ادلتها وانصدم سلطان المتحرش هو احمد وتقدم بيطلع له لكن مسكوه :- مادام انت بالشرطه احنا ناخذ حقك وحق اختك
سلطان :- الكلب ذا لو اشوفه طالع بقتله انا
وتقدم يطلع ويسحب اخته معه :- خذي المفتاح وانا بروح اطلع العيال
ملاذ :-طيب بس لا تطول علي
سلطان اللي تقدم لسعود يقبل راسه :- ونعمم الرفيق والله وياسعود
سعود :- ماسويت الا واجبي
تقدم له نايف :- اقول ترى انا كسرت خشمه وش لي ؟
ضحك سلطان :- اخيط حاجبك
ضحكوا عليه ونطق مشاري :- ابوي كيفه ؟ مع السالفه طار الموضوع
سلطان :- عمي بخير بس كان عنده انسداد بالشريان وسويت عمليته والحمد لله نجحت والان هو بالعناية لو صحى بدون مضاعفات بنطلعه للغرفه
سجد مشاري شكر لله وتقدموا يتشكرون سلطان
تعالوا اوصلكم بالطريق مره وحده
سيف :- ليه سيارتك باص ! شايف عددنا
ضحك سلطان :- اجلسو على بعض امركم لله ولا تنقعو هنا
نياف :- لا والله بعد الضرب بطني جوعان
عن نفسي بجي معك
سحبه سعود :- استح اخته معه
نياف :- ماكنت ادري خلاص تيسر بتنقع هنا لصبح وجهه كلامه لبطنه الله يعينا لا تعشينا زين ولا بنطلع مشاري:-يقول ماتعشينا زين وهو كان شوي وياكل صحن اخته
ضحك سيف :- يعتبر مقبلات له
نياف :- بسم الله تناظرون لقمتي انتوا ! توبه اكل جنبكم شي
سلطان اللي كان يضحك :- امشوا سيارتي تكفيكم وماعليكم من اختي
طلعوا وراه بعد ماحلف عليهم
واول ماشفت ملاذ سعود حست قلبها ينبض بس توقعته خوف منه بعد عصبيته ركبوا ورى ووصلهم لبيتهم
خالد :- ماقصرت وبيض الله وجهك
سلطان :- بيض الله ايامك وان احتجتوا شي كلموني
كان بيمشي لكن ملاذ تذكرت جوال سعود :- انتظر
طلعت جوال سعود من شنطتها جوال خويك
نزل سلطان وعطاه اياه وتشكرها
سعود اللي اول مااخذ الجوال شم فيه ريحة عطرها :- ذي حاطته بشنطتها ولا جيبها وش العطر القوي ذا
سيف :- اكيد شنطتها البنات شنطتهم من كثر العطور اللي فيها تحس نفسك داخل الماجد
ضحكوا وتقدموا يصعدون لغرفهم وتقدم نياف للمجلس :- كسار
فز :-الله يخرش بليسك خرشتني !
ضحك نياف :- عسى ماصار شي ؟
كسار :- لا الحمد لله من ماطلعت للحين ماصحت ولا جت وشف تراني غفيت وجاني اتصال من ملاذ مدري ومن وطيحت ورد الغرام الحقني
ضحك نياف من نطقه للغرام :- لو يسمعك هياف تقول الغرام والله دعسك روح نام وخلهم
كسار :- الحمد لله على سلامة جدي الحين اقدر انام صدق
نياف :- الله يسلمك تيسر
أنت تقرأ
بشروني عنك ما يدرون عني مادروا باللي شغل فكري وظني
Poetryاهلاً فيكم بمخيلتي الاولى " بشروني عنك ما يدرون عني ما دروا باللي مشغل فكري وظني"
