ضحك هياف :- شفتها بس وقفي لا تتحركين !
ملاذ :- ورني وين يلا
اشر هياف :- ذي النتفه صح ؟
هزت راسها ملاذ :- للحين مانسيت شي براڤوو
ضحك هياف وهو يطلع جواله يصورها ولف الشاشه عليهم :- شوفو بنتكم
غرام :- وين ماشوف !
كبرت ملاذ الشاشه :- ذي النقطه
غرام حاولت ترفع نفسها :- نقطه ! يمه تعالي شوفيهاا
ابتسمت اديم وهي تنزل دموعها :- شفتها شفتها
غرام بنبرة بكاء :- سلامات تبكين !
نياف :- طالعه منها انتِ ؟
ريوف ضحكت :- كسار يصيح ياجماعه
لف نياف عليه :- حتى انت بتصيح ؟
ضحك كسار :- لا بس شعور الابوه طلع
ضحكت غرام وهي تدرف دموعها :- ابيها صوروها لي
ملاذ :- بطبع لش لا تخافين
فزت ريوف :- انا بعد ابي وحده !
غلا :- ولو وحده لي كمان
لفت ملاذ :- انتو حملو وانا بطبع لكم
ضحكت غلا :- تونا متزوجين بسم الله علينا مب نفس ذي
خجلت غرام وكشرت وجهها :- خير !
ضحك نياف :- ماعليش منها طبعي بس اربع وحده لها ولجدي والباقي لخوالها
ريوف :- سلامات تراني عمتها !
ابتسم كسار واخذ منديل يمسح الجل من عليها :- بنتنا بتسوي تفكك اسري
ابتسمت غرام وسحبت المنديل :- هاته
وقف كسار :- ماعليش لا
سيف :- طيور الحُب بدو طلعنا ؟
ضحك مشاري :- لو تكرمنا بسكوتك انت بس
سيف اشر على فمه :- تم
بنص نقاشاتهم اشتغل صوت نبض كلهم سكتو وقربو من الجهاز نطق سيف :- يمه ذي ترقص ولا وش !
ضحكت شريفه :- نبض قلبها ذا
ضحك هياف :- بدرسك معي الظاهر
ابتسمت ريوف وهي توثق اللحظه :- ابتسمو كلكم
ضحكت غلا :- ماتطوف
صورت ريوف وشافت سلطان مبتعد :- دكتور سلطان سلامات بعيد ؟ تعال نوثق صورة اول دكتور لنوره
ضحكت ملاذ واشرت له يوقف جنبها وكانت لطيفه غريبه منه ابتسمت لطيفه بخجل وهو ناظرها للحظه وابتسم صورت ريوف :- صوره بطله يتم اعتمادهااا الحين وخرو بصورهم بروحهم
ابتسمت غرام وسندت نفسها على كسار وهم يأشرون على السونار ، ريوف :- تههببللل بطبعهاا
ابتسمت غرام :- جيبي اشوف
فتح سلطان الملف وهو مبتسم :- الحمدلله نتائج التحاليل طمنتنا وكل المؤشرات مستقرة بس تحتاج تتبع ضغطها نصرف لها ادويه ولا نستمر بتركيب الدم ؟
اشرت غرام :- لا والف لا باخذ الادويه والله
اديم :- ماتمشي علينا انتِ متى التزمتي بادويه
ناظرت غرام كسار :- هو بيلزمني بس زهققتتت
ابتسم كسار :- خلاص سلطان ادويه وانا اهتم بالموضوع
سلطان :- متاكد ؟
كسار :- اي والله
مها :- غلطنا بتزويجهم واحد يقول والثاني يوقع !
ضحك الجد :- الا انا اشوفهم اسعد زوجين
تخصرت غلا :- سلامات جدي وانا ونياف ؟
ضحك الجد :- انتو بعد كلكم الله يديم بينكم
ابتسمت ريوف :- امين
هياف :- بما انكم ماشين احنا سابقينكم
سعود :- قبل ماتمشي ترى حتى انا بداوم وياكم
نياف :- ها !
سعود :- اجل بس اخوك يداوم ؟
ضحكت غرام :- اذا على كذا فانا بحمل كل سنه
نياف :- لو تحملين كل سنه انا بعد اشتغلت هنا
ضحك ابو خالد :- على البركه يعيال والله يوفقكم
ابتسم سعود :- امين يارب ويطول لنا بعمرك
ردوا كلهم بامين
هياف :- يلا مشينا ؟
قامت ريوف :- اي
تقدمت ريوف تحضن غرام :- تبين اجهز لش شي ؟
هزت راسها غرام :- لا تسلمين
ابتسمت ريوف :- يلا نستاذن احنا
ابو خالد :- بحفظ الله انتبهوا
هياف وهو طالع :- ان شاء الله
شريفة :- ملاذ وجهه خير علينا
ابتسمت ملاذ :- خالتي لا تخجليني هنا !
سعود :- ما قالت الا الصدق
لطيفه :- متاكده ذا سعود حقنا ؟ انا اذكره يلاحق فينا يضرب
سلطان :- تبدل بعد ذي
سعود :- قلت ولا ماقلت اختك ماهي راجعه لكم
ضحكت غلا :- يلا يلا لا تبدون بهواشات خلونا نطلع مليت
لطيفه :- جوعانهه خلونا نتغذا بمطعم
مها :- مافيه الحين ذي تلحقنا رجعو البيت يلا
غرام :- والله اذا ارتحت تبشرون باطلق مطعم على حسابي
نياف :- اللي هو حساب كسار والله تم نخسر فلوسه
ضحكت غرام :- يا فاهمننيي انت !
كسار :- شف كيف !
ضحكت غرام :- استاهل ولا مااستاهل ؟
نياف طلع بطاقته :- خذي ماتحتاجينه وعندش انا
كسار رمى بطاقته عليه :- عندها بطاقتي
غرام :- عطوني الثنتين مااقول لا
ابو خالد :- بس عن الطمع
ضحكت غرام :- امزح
ابتسم سلطان:- الحين انا اطلع اجهز اوراقها وتاخذونها وياكم ماعليها خوف ان شاء الله
لطيفة وقفت تعدل عباتها :- انا اللي كنت معها يحتاج اجي ؟
سلطان ابتسم بخفه :-ماقصرتي كنتِ اكثر من مرافق لها بس لا
لطيفة تحاول تخفي ارتباكها:- يعطيك العافيه
غرام همست لكسار :- شكله فيه فعاليه جديده عندنا
ضحك كسار :- سكتي لا يسمع احد
سيف طلع مع لطيفه وبدت الغرفه تفضى بالتدريج
مشاري :- خلاص احنا ماشين وانت جيب غرام علطول البيت
كسار :- ابشر
—————
عند هياف وقف عند البحر :- نزلي
ريوف :- ليه جاين هنا
هياف :- ابد ابي امشي شوي
نزلت ريوف :- مود غريب ومفاجئ
ابتسم هياف :- نفس اسلوبش
كشرت ريوف :- شقصدك !
هياف :- وش صار بالعرس ؟
تلعثمت ريوف :- ولاشي
اشر هياف :- نروح عند الصخره ذيك ؟
ريوف :- بكيفك
مسك يدها هياف وبدا يمشي فيها :- ودش نخاطر ؟
صرخت ريوف :- اي!!
هياف :- هربي مني ولو صدتش بتشوفين شي يصدمش
ضحكت ريوف وهي تركض :- وصخ حتى هنا
رفع هياف ماي بكفينه وكبه عليها :- وصخ ها ؟
انصدمت ريوف من حركته وصارت تطشر الماي برجولها عليه :- وحييل
لحقها هياف :- خلصت مدة هربوش صار وقت اصيد
ركضت ريوف تبعد بدون شعور لكن سرعة هياف اسرع منها كانت تناظره وهو يلحقها وتمشي لورى ركض هياف عندها ومسكها من خصرها :- شوفي وراش ياحظي
ابتسمت وهي تشوف انها وصلت لصخره :- يعني فزت
هياف دخل شعرها بطرحتها :- مافزتي
ريوف :- الاا !
مد هياف يده على الصخره :- انا مسكتها يعني انا فزت
ريوف :- غشااشش !
غمز هياف :- دوري احكم
ريوف ضربته بخفه :- لا بعد
حملها هياف وهي تصارخ جلسها على الصخره:- سكتي لا تلمي الاوادم علينا
ريوف :- والله لو تسوي حركه زود غير اصرخ اكثر !
هياف جلس جنبها :- بقول حرمتي
ريوف :- مستفز
ضحك هياف :- والحين تكلمي
ريوف :- بإيش ؟
هياف :- لا تستغبي ولا برميش من هنا
سكتت ريوف للحظه :- عايرتني شايبه اني ماحملت
هياف ناظرها للحظه وكملت ودموعها على طرف:- شفت حتى انت سكتت !
هياف ابتسم :- انا قلت ابي عيال الحين ؟
ريوف :- اكيد تبي!
مسك هياف يدينها :- ابي اي انتِ تبين اي مانختلف بس مب الحين
سحبت ريوف يدها :- وليه مب الحين ؟
حط كفينه على وجهها :- ابي اعيش لحظاتي مع القمر ذا بعدين اجيب ريوفات صغار
طاحت دمعتها عليه وعصب منها :- سلامات ! العجوز الشمطاء تتسب بدمعه من ريوفتي !
ابتسمت ريوف :- لا تخسى بس ماتوقعت الصدق ردة الفعل ذي
كشر هياف وجهه :- ليه وش شايفتني ؟ بجبرش ولا بتزوج عليش يعني ؟
ضربته ريوف :- لا تفكر حتى والله ماتشو..
قبل هياف جنب ثغرها :- ماافكر يكفي عندي ريوف عن الاربع وعن الحريم كلها
ابتسمت ريوف بدون شعور وابتعد هياف :- قومي نتمشى
نزلت ريوف بدون ماترد وهي بس تناظر يده وتبتسم ، هياف :- صرخي
ريوف :- هلا ؟
ابتسم هياف :- بما مافيه احد صرخي وخلينا نمشي طلعي اللي داخلش
ضحكت ريوف :- ماتعصب اذا احد سمع
هياف :- قلت لش صرخي قبل ماحد يجي ولا بكتمش بالسياره
ابتسمت ريوف وصرخت ورجعت تضحك :- ارتحت خلاص
ضحك هياف :- مشينا
طلعت ريوف جوالها :- لاا دقيقه لازم اوثق اليوم
ابتسم هياف وهو يسحب الجوال منها :-هاتي اخذ الصوره انا تعالي بحضني
ابتسمت ريوف واستندت على صدره وهي تبتسم :- حبيتها
لف هياف الجوال على الصخره وصورها :- صوره تحت عنوان صخرة حُبنا
ضحكت ريوف :- سلامات حافظ كلامي
هياف :- حبيبتي ماتبين احفظ كلامها ؟
ابتسمت ريوف :- جلسني عليها وصورني
مد الجوال :- تم بس مسكيه
خذته وصارت تصوره فيد وهو يشيلها :- والحين نط جنبي
اشر هياف على عيونه :- من ذول
نط جنبها وهي تصور كلشي وتضحك وهي تتكلم قبل ثغرها اغوى من قبل ارتعشت ريوف وكان الجوال بيطيح لكن مسكه هياف بعدت عنه :- خير !
ضحك هياف :- حلالي وكيفي !
ريوف نزلت :- وصصخ
ابتسم هياف وهو يصور فيد :- هربي لسياره ولا اذا نزلت والله بجرم فيش هنا
التفتت ريوف :- والله ياويلك
هياف غمز :- بعد لين الثلاثه
ركضت ريوف وهو نزل يركض وراها لمح شباب متجهين عندها صرخ :- ريوف وقفي !
ريوف :- تحلم والله ماوقف الا بالسياره
هياف :-شوفي اللي داخلين ويناظرونش
شافتهم ريوف :- مالي شغل فيهم
شافهم هياف كيف يناظرونها :- لا تجلطيني
ريوف طلعت جوالها الثاني تصور :- بصور المكان
تقدم واحد من الشباب وهو ياشر عليها ركض هياف لعندها :- قلت وقفي !
شافت كيف الولد يقرب وتراجعت بخطواتها :- هياف
الولد :- تحتاجين مساعده ياحلوه ؟
فاض دم هياف حط جوالها بمخباه وركض لعنده :- انت اللي بتحتاج مساعده الحين
صرخت ريوف :- هياف لا !
ابتسم :- خافي عليه زود
وتقدم له صارخت ريوف على هياف :- تعال وطنشه صبي وش تبي فيه !!
لف عليها :- انا صبي ولا اللي معش ؟
اما هياف انهال عليه بالضرب :- اكيد انت مب صبي الا ورع بعد
وقفت ريوف عند هياف تحاول تسحبه :- تكفى قوم تركهم شوف ربعه بيجون
هياف رمى جوالها والمفتاح عليها :- طيري السياره بسرعه
ريوف :- هياف !
صرخ هياف بوجها :- روحي السياره !
رجعت ريوف متجهه لسياره وبجوالها تدور رقم احد منهم
قاطعها صوت واحد يقترب منها :- وش تسوين ؟
صرخت ريوف :- هيياف
اول ماسمع صرختها تركه من يديها وراح يركض لريوف :- والله لو تقرب منها غير دفانك على يدي
ابتسم بخبث وهو يقترب اكثر وهي تبعد بدون شعور رفسته على بطنه وطاح وقرب هياف منه :- والحين عندك شي تقوله ؟
سحبته ريوف وهي تصيح :- خلاص اتركهم لعنة عليهم
مشى هياف وياها خطوتين بس ماقدر يتركه بدون مايضربه رجع ولكمه على خشمه فقد توازنه وطاح ابتسم هياف :- والحين اقدر امشي لا تفكر مره ثانيه تسوي نفسك رجال وانت رخمه
دخل هياف يده بمخباه وطلع بطاقته مبتسم :- الحين تعال نتقابل بالمركز
رجعت ريوف تسحب فيه :- خلاص تركه ورجع بطاقته
هياف :- يخسي
سكتت ريوف وركبت السياره رمت شنطتها وجوالاتها :- ليه تعلق وياهم ليه !
هياف :- تبينهم يحاولون يقربون منش واسكت !
سكتت ريوف وكمل :- اي خلش ساكته كذا
استندت ريوف :- بسكت
هياف :- خوافه
كشرت ريوف :- غيور
هياف :- حرمتي ولي حق
نزلت ريوف بتاخذ جوالها وضحكت :- ذا للحين يصور
هياف :- طفيه
خذت ريوف الجوال :- شكلك يضحك وانت معصب
سحب الجوال منها :- حذفيه
ريوف :- والله ماتحذفه
دور هياف مقطع قبلتها :- طيب شوفي ذا
شهقت ريوف وحطت يدينها على فمها :- حذفففهه
هياف :- اذا حذفتي القديم بنفسچ احذف ذا
ريوف وهي تضحك :- تصدق اترك الاثنين ذكرى
هياف :- اصلاً تخسين تحذفينه
ريوف :- يالغيور شوف شكلك
ابتسم هياف :- تبين اوريش شكلش بس هنا
حطت ريوف على فمها بسرعه :- سوق وانت ساكت !
ضحك هياف :- وين بتهربين مني يعني ؟
غمضت ريوف عيونها بقوه ضحك هياف :- مب اسوي شي لا تنكتمين
ريوف :- احلف
هياف :- والله
ابتسمت ريوف وهي تناظر المقاطع وتضحك :- شف كيف ذاك هرب
هياف :- طفيه وخلينا نرجع لموضوعنا
ريوف وهي تضحك:- اي موضوع ؟
هياف :- الـ ريوفات
اختفت ضحكة ريوف بالتدريج وكمل :- لا تخافي انا من الاخير ماني مستعد لطفل الحين
ريوف :- متاكد ؟
هياف :- راجع اداوم نضبط امور حياتنا ونعيشها بصغيرها قبل كبيرها وبعدها نجيب ريوف صغيره
ريوف :- يعني مانك زعلان ولا حاط براسك ؟
هياف قبل يدها :- يكفي وجودش معي مايخليني افكر شي ثاني غير فيش
ابتسمت ريوف :- اوعدك مافتح الموضوع مره ثانيه وارجع نفس قبل بس لازم اعرف السبب
هياف :- ولا تفكرين بالسبب وقت مانبي نونو نروح ونفحص اثنينا سوا لا تفكرين تسوين شي من وراي
هزت راسها ريوف :- موافقه
ابتسم هياف :- تبين قهوة ؟
ريوف :- لا ابي اكل جوعانه خلنا نرجع البيت علطول
هياف :- ابشري
______
عند سعود وملاذ
ملاذ :- اقولك شي بس ماتفكر بتفكير غلط
سعود :- قولي بس بسرعه كم خطوة ووصلنا بيتنا
ملاذ :- سلطان معجب بلطيفه
ناظرها سعود :- نعم !
ملاذ بلعت ريقها:- هو يعني ما قال انا قلت
سعود :- ذي يبي لها لفه وش بسرعه بالتفصيل
ملاذ :- يعني هو ماقال انا شفت بعيونه
سعود :- يا دكتورة العيون وش شفتي ؟
ملاذ :- تتمصخر انت ؟؟
سعود :- لا
ملاذ :- شفته كيف يناظر فيها بس والله نيته زينه
سعود :- وانتِ وش دراش بنيته ؟
نفخت ملاذ :- سعود ! اخوي اكيد اعرفه زين
ضحك سعود :- بسرعه تعصبين
ملاذ :- تتكلم عن اخوي شنه شخص لعاب
سعود :- ماقلت كذا اعرف سلطان قبل لا تجين انتِ والنعم فيه بس مشاري وش يفهمه ؟ اغلى ماعليه لطيفه
ملاذ :- حذرته بس تكفى لا تفتح موضوع وياه ولا مع اخوك
سعود :- حذرتيه يعني متكلمه وياه ؟
ملاذ :- حذرته من تحت الطاوله
ضحك سعود :- ماتعرفين تكذبين نزلي بس وماعليش الموضوع بينا
ملاذ :- صبر صبر قبل ماننزل تخيل خويك نسيبك مرتين ؟
ضحك سعود :- بدل ملح وعيش بيصير بينا دم ودكاترة
ابتسمت ملاذ :- بس والله لطيفة تستاهل أحد مثل سلطان
سعود بابتسامة خبيثة:- اقول مب تتفقين على بنت اخوي وياه !
ملاذ وهي تضحك:-أنا أقولك من الحين لو أعترف لي أنا أول وحده بشيل طرحة لطيفة بيدي قدامه !
سعود:- والله ذباحك اولى توك عروس وبدية تشتغلين خاطبة؟"
ملاذ وهي تنزل :- لعيون اخوي اي
سعود :- ولعيوني زين ؟
غمزت ملاذ :- ولعيونك
ابتسم سعود :- اشكر الله اني لقيتك
ابتسمت ملاذ ومشت قدامه بهمس:-والله إني لقيتك قبل لا أدري إني أدورك...
ضحك سعود من خجلها ودخل البيت لاقاهم كلنم متجمعين بالصاله اما غرام وكسار للان ماوصلو
أنت تقرأ
بشروني عنك ما يدرون عني مادروا باللي شغل فكري وظني
شِعراهلاً فيكم بمخيلتي الاولى " بشروني عنك ما يدرون عني ما دروا باللي مشغل فكري وظني"
