اتجهت اديم لغرفة غرام :- يمّه صاحيه ؟
غرام :- ادخلي
اديم :- صبحش الله بالخير ، تو تصلين !!
غرام :- لا صليت من زمان بس " اشرت على قلبها " هنا يوجعني وصليت ركعتين يمّه فيه شي وانا مدري ؟
اديم :- لا لا شي مثل شنو ؟
غرام :- اخواني جدي انتِ اي احد كلكم موجودين ؟؟
اديم :- خوفتيني احسب فيه شي صاير ! كلنا تحت وجدش عزمه ابو مطلق على الفطور وراح من بعد الصلاه معه
غرام :- كيف يروح بدون مايصبح علي ولا يحصني تكذبين صح ؟
اديم تنهدت:- هو طلع لصلاه وقابل ابو مطلق عزمه وابوي تعرفينه يغلي ابو مطلق !
غرام :- طيب ماقال متى بيجي ؟
اديم تمثل العصبيه :- لا تزعجيني تعرفينهم فطور و يطلعون لديره شوي
غرام :- يعني مطول !!
اديم :- انا اقول قومي جهزي ونزلي كملي الفطور وانا بصحي باقي البنات
غرام :- ان شاء الله
تقدمت لغرف البنات تصحيهم لكن انصدمت كلهم صاحين وينتظرون ينادونهم ينزلون بس
بالمطبخ
اديم : بناتكم كل وحده صاحيه بس على جوالاتهم!
شريفه : غلاوي تلاقينها سهرانه على كتبها مانامت
مها : وغريب ريوف من ماتصحى تجي تشرف وبعدها تصعد
اديم : شكلي بحط صندوق تنسحب الجوالات وقت النوم
دق سعود الباب : ادخل؟
مها : تفضل
اديم :- ابوي فيه شي؟؟
سعود :- لا تطمني بنطلعه على المساء كذا بس شيلوا اللي سويتوه وبنروح العزبه
اديم : ماهو بوقته وابوي بذي الحاله
سعود : هو عشان ابوي بذي الحاله مانبي غرام تحس ونغير جو للبنات تطمنت انه بخير والان جهزوا
اديم : طيب بس حذر العيال اذا سالت غرام يقولون لها عند الو مطلق يفطر
سعود :- ان شاء الله
...
شريفه صعدت تنادي البنات :- جهزوا بنروح للعزبه بعد شوي
غلا : وجدي شلون !
شريفه تداركت الوضع : عند ابو مطلق بيلحقنا مع ابوش بعد مايخلص اشغاله
لطوف : اخيراً اشتقتت للفعاليات هناك
غرام :- مين اللي بيودينا ؟
ريوف : اكيد كسار واخوانش
شريفه :- بسكم هذره واجهزوا الان خمس دقايق كلكم تحت
~ نزلت شريفه عند مها واديم يرتبو الاغراض ~
———
بالمستشفى
سعود :- ابوي مين بيمسك حالته ؟
ملاذ بهدوء :- انا
لف عليها سلطان :- من متى ؟ انا بمسكها
سعود :- انت او هي المهم يكون بينا تواصل عشان اعرف حالته
ملاذ :- انا ابي امسك حالته رد جميل لك
سلطان :- لو انا طالب منها كرشتني !
ضحك سعود :- ماتعرف ابوي اول مايقوم بتندم
سلطان :- ايه والله عمي مستحيل بيسانعها
ملاذ باندفاع :- بتشوف انت وهو كيف بكسر عيونكم
سعود بلع ريقه :- بسم الله ليه ماعلمتني اختك فيها جني صغير ؟
ضربه سلطان بخفه :- ماارضى عليها احترم نفسك
سعود :- اعتذر بس صدمتني والان استاذن بس اذا ماعليك امر انتبهه لمشاري لا يظل منهار مده طويله
~ عند مشاري والجد ابو خالد ~
كان مشاري يناظر الجد من ورى الزجاج ودموعه تنزل بالصامت تقدم سلطان يطبطب عليه :-بيقوم بخير للان اموره سليمه
مشاري :- ليه مافتح عيونه للحين ماتحرك مارمش كيف بخير فهمني
سلطان :- صحى الفجر بس عطيناه منوم يرتاح عليه خلال كم ساعه ونحوله على الغرفه
مشاري :- لييه ماعطيتونا خبر من البدايه ملييون فكره جت فبالي
سلطان :- اذكر الله وعمي بخير وكل اموره تمام اذا تبي الحين بعد نوديه الغرفه تم
مشاري :- انت وش تشوف ؟
سلطان :- انا اشوف نخليه بالعنايه كم ساعه زود اول مايصحى نوديه
هز مشاري راسه بمعنى موافقته
———
في جهه ثانيه مختلفه تماماً عند متعب ~ ابو غرام ~
رفع متعب جواله :- والله غير اندمكم واحد ورى الثاني يابيت ابو خالد ودق على ولد اخوه ~ عمار ~
عمار :- عمي ! وش صاير فيك شي ؟
متعب :- لا بس رجعت الديره
عمار :- وينك فيه ؟
متعب :- معليك مني بس بطلبك بشغله بسيطه
عمار :- وش ؟
متعب :- برسل لك رغم بنتي وابيك تهددها وتراقبها لي
عمار :- بنتك بنتك !
متعب :- اي لا تسوي فوق راسي انك عاقل وماتسويها اعرف سوالفك كلها
عمار :- وش المقابل ؟
متعب :- بس اخذها منهم تاخذها مني
عمار بخبث :- وذا المطلوب
————-
عند البنات
ريوف :- يابنات كسار يقول انزلوا السياره
غرام رفعت يدها :- انا جاهزه بس وحده تنزل معي استحي بروحي
غلا :- انا معك
غرام :- اجل انا بسبقكم
لطوف :- باقي اغراض البقاله محد راح للحين !
ريوف :- انزلي وكسار يمر فينا
لطوف :- الله يعين كسار انتِ علطول كذا اكلم سيف ويمر
ريوف :- لا انا ابي اروح بعد خلش ساكته
~ بالحوش كسار يشيل اغراضه من السياره ويرميهم بالمقلط وسيف ونياف يحملون الاغراض اما هياف فمر على سعود وراحوا علطول
سيف :- حسبي الله على اخوك هج بدون مايساعد
نياف :- تلاقيه الحين مشغل شيلاته مع سعود بس الحسنه الوحيده بنوصل كلشي جاهز
ضحك سيف :- اخوك اربعيني من اول ماجابته عمتي
كسار :- اتركوا السوالف عنكم واعجلوا يلا
رفع التحيه نياف :- ابشر طال عمرك
سيف انسدح بالارض يضحك وتقدم كسار يضربه بسبحته بطلعة غرام وانصدمت من المنظر تحمحمت وهو ابتعد عن سيف ورتب نفسه :- يلا انت وهو قدامي كل واحد يكمل شغله
غرام ماقدرت تكتم ابتسامتها :- انتوا متاكدين انكم كبرتوا ؟
نياف :- لا استغلي الفرصه هياف راح تعالي طلعي طاقتك معانا قبل ننكتم هناك
غرام ناظرت كسار :- لا شكرًا طاقتي بتطلع مع البنات اخلص شغل سيارتك
سيف :- لا معليش سرقت نياف انتِ والبنات طيروا مع كسار
غرام وقفت مكانها :- نياف هو صادق ؟
نياف :- ايه انا وهو بناخذ امي وخالاتي وانتِ والبنات رحوا مع كسار
هزت غرام راسها بمعنى الموافقه
كسار :- السياره مفتوحه اذا بتركبين
غرام :- لا بنتظر البنات الحين بينزلوا
ابتسم كسار من حياها :- براحتك
طلعت غلا ووراها لطوف وريوف
غرام :- ريوف سيارة اخوش
ريوف :- شفيها ؟
غرام :- كلنا بنجي معك وامي وخالاتي مع نياف
غلا صفقت :- عز الطلب ذا المطلوب اساساً محد يكتمنا
لطوف :- ارجع واقول الله يعين كسار
ريوف :- بلاا كثر هرج وقدامي يلا فرصه وخلونا نستقلها
تقدموا يركبون وركبوا كلهم ورى
كسار :- احد قال لكم انا سواق ؟ ريوف تعالي قدام
غلا ضحكت :- انسدحت ورى تغفي فيك خير قومها الحين
ريوف :- سمعتش وماني بقايمه وحده منكم تنط
لطوف :- مستحيل انا ! ولا غلا
غلا:- مافيه الا انتِ غرام نطي قدام
هزت راسها :- مستحيل هياف بيذبحني بارضي
كسار بعصبيه :- اخلصوا لا انزل انا مره وحده
غرام كانت عند الباب وخافت من عصبيته فتحته ونزلت
ريوف :- والاان مع المفاجىء الكببرى
غلا انسدحت تضحك
غرام ركبت بهدوء بدون صوت وتحرك كسار
~ عند سيف ونياف ~
سيف :- انتوا ركبتوا معانا بختيار منكم محد ينقد علينا
نياف :- لا علينا ولا على سواقتي ولا على اغاني اشغلها
اديم :- ربي بلانا فيكم بالغلط
سيف :- افااا ياعمه عطنا تفحيطه صغيره عشان تتراجع
شريفه :- سيف ياغبر اصبر ننزل والله غير ادبغ جلدك
سيف :- وقتها اذا صدتيني تم
رمت عليه منديل وضحك
مها :- احتاج قهوه مليانه عصفر من ذول الاثنين
~سعود وهياف قد وصلوا ورتبوا المكان ~
هياف :- باقي خيمة البنات ماترتبت
سعود :- خلاص اتركها هم يرتبونها تعال عاوني
~ عند البنات ~
لطوف ضربت ريوف بالخفيف :- ماقلتي له عن البقاله
ضربت ريوف راسها :- نسيت
غلا :- يبدو فهاوتي تحولت لها
ضحكت لطوف :- يارب مايجي الدور علينا
ريوف :- كسار وقف عن اقرب بقاله
كسار :- وليه ماقلتوا من اول !
ريوف :- نسيت ولا تنافخ علينا
كسار اخذ سبحته وبدا يستغفر
لطوف :- شال السبحه شكلها وراثه عند الكل
ريوف:- دام شالها اعرفوا صبره بدا ينفذ بس معليكم كلشي عندي
وقف كسار :- انزلوا يلا
غرام :- ماراح انزل مااحتاج شي
كسار :- انزلي عاونيهم بالخساره
ريوف :- شايفنا عله عليك ؟ خلها جالسه
غلا :- ماراح نطول كم غرض بس
تافف كسار وشغل جواله يفرفر فيه لف نظره على غرام شافها متوتره ومتبعده :- شفيك لاصقه بالباب ادني شوي عنه
غرام :- مرتاحه كذا
هز راسه ودخل الواتس يكلم ريوف :- احسبوا معكم غرام والعيال
ريوف :- ادفع فلوس وتم
كسار :- استغلاليه اشتري انتِ وشي سنع لو سمحتي واحول لش وزياده بعد
ريوف :- ايوه كذا تم
لفت ريوف على البنات :- المفاجىء الكبره بتكون قريباً
ضحكت لطوف وغلا على طريقة تقليدها بدون مايفهمون السبب
رفعت غرام جوالها على رسايل كثيره من رقم غريب لكن ماهتمت وكتمته ورجعته بشنطتها
كسار :- بنزل استعجلهم كاني عطيتهم وجهه زياده عن اللزوم تحتاجين شي ؟
ابتسمت غرام وهزت براسها لا
كسار :- يلا اخلصوا طولتوها
ريوف :- دامك نزلت يلا ادفع عنا
غلا :- لا عندنا احنا
لطوف :- ايه لا يدري ابوي يغسل شراعنا
كسار حس نفسه بموقف حرج :- شيلوا الاغراض ورجعوا السياره وانا اتفاهم مع عمي
هزوا راسهم بمعنى طيب وركبوا السياره حاسب عنهم كسار ورجع
غلا :- شغل لنا شي
ريوف :- الا ذوقك احنا بنعطيك وش تشغل
كسار رفع حاجبه يناظرها وابتسمت غرام من حركته :- انا بختار
ريوف :- جوش نفس جوه خايس انا بختار
لفت غرام كلها على البنات ورفعة صبعها تهدد ريوف :- اصبري نوصل بوريش الويل ومين الخايس وهذا الكلام قدام اخوش
فطست غلا وريوف ضحك عليهم سرعان مالفت ترجع لهدوئها بعد مااستوعبت
ضحك عليها كسار :- مالي دخل فيكم انا
ريوف :- اسكت انت وهي وحط ياخوفي بيننا عاشق وغمزت
كسار فهم نيتها وشغلها يبعد الشبهات عنه
بدت ريوف تغني معه باعلى صوتها : صادفتك واثاريني من وقتها انا مُلهم
كسار :- صوتش مزعج بطفيها وخلش منكتمه
كشرت ريوف بوجهه ولفت تسولف مع البنات بينما هو شغل قصيدته المفضله :- لعيونها بس
لاحظ غرام تكمل معه بصوت خفيف وابتسم بداخله
___________
~قرب الظهر والكل وصل ~
كان سعود وهياف يقطعون اللحم ونياف وسيف يلقمون تسفيل من امهاتهم اما البنات بدوا يرتبون خيمتهم ويتساعدون بتجهيز الغذا وكسار كان مابين يسفل بسيف ونياف ويساعد سعود وهياف
نياف :- خلاص والله مااعيدها الرجعه مب انا اللي بسوق
سيف :- احنا قصدنا نسوي فعاليه لكم انتوا خوافات
اديم ضربته بخيزرانه :- احترم نفسك لو تعيدها والله اخليكم تكرفون هنا
شريفه :- انا اللي اقول سيف عاقل اثره خرطي بس ينتظر صديق يطلع جنونه
نياف :- شقصدش ياخاله هو اللي مقترح انا مالي دخل
اديم :- انت وياه الحين الغذا عليكم وناد هياف وسعود يرتاحون
نياف :- لا تكفين اي عقاب الا ذا احتمال اكرهه الاكل بعدها
مها :- عز الطلب لو يطلع خايس انتوا اللي بتاكلونه
سيف :- اغفروا لنا وتوبه والله بنسوق على ٤٠ بس
شريفه :- قدامي ولا كلمه انت وهو ذا درس لكم
اديم :- عجبتوني ذي المره بديتوا تسترجعون كلمتكم
سيف :- انتِ ياعمه تعود عليك نياف بس انا مسكين امي كانت الطف ام والان اقسى ام
شريفه :- عشان تتوب وماتسوي ذي الحركات
تقدم سيف ونياف يتحلطمون
نياف :- هياف امي وخالاتي يونك
سيف :- وانت بعد ياسعود
سعود :- ينتظرون نخلص الغذا
سيف :- احنا بنكمل عنكم
هياف طيح الملاس :- ايش انتوا الاثنين ؟ وتسوون الغذا معجزه
نياف :- ماهي معجزه قد ماهو عقاب
سعود :- قولوا كذا من البدايه لا تسوون فيها أبرياء وش مسوين ؟
سيف :- كم تفحيطه بس
هياف :- تستاهلون الاكثر يخلص عقابلهم والتف انا عليكم
سعود :- خلاص ذا العقاب يكفيهم
نياف:-ايه والله يكفي الا عقاباتك انت فكنا شرها
تقدم يضحك هياف :- بفكر
______
بالمستشفى ابو خالد بدا يفتح عيونه
التف مشاري لخالد :- ابوي فتح عيونه نادهم بسرعه
ركض خالد لدكاتره متجمعين :- لوو سمحتوا المريض بدا يفيق
تقدمت ملاذ ودخلت وفحصت اموره كلها تمام وحاول يتكلم :- ابي دكتور
ملاذ :- ياعمي ارتاح انا المسووله عنك وانت امانه عندي الان شوي وننقلك لغرفه خاصه واشرح لك كلشي بس ريح
مشاري :- بدخل عنده
ملاذ :- انزلوا تحت وبننزله الان وتقدرون تدخلونه عنده بس بدون ماترهقونه
خالد :- ان شاء الله مشكوره
ابتسمت ملاذ :- العفو واجبي
سجد مشاري سجد لله ودموعه تنزل تقدم له خالد :- اذكر الله هو بخير الان الحمد لله
مشاري:- الحمد لله تووه مخي يهدا كنت خايف افقده وانا السبب بعصبيته
حضنه خالد :- منت السبب وتطمنت هذا هو قدامك بخير
" نسرع الاحداث شوي "
خلصوا نقل ابو خالد للغرفه وتطمنوا عليه
مشاري :- اوعدك مااطلع من البيت انا وعيالي كلنا تحت جناحك
رفع ابو خالد يده يمسحها على راس مشاري :- البيت ينور بوجودك وبوجودهم لكم البيت ولي العتبه
مشاري قبل راسه :- كلنا بنكون موجودين ومب نطلع لا انا ولا خالد
رفع نظره لخالد اللي كان واقف يطبطب على كتفه :- هو صادق ؟
خالد :- ايه انا وهو وحريمنا بعيالنا كلنا راضين نتم عندك
ابو خالد :- الله يرضى عليكم ويحفظكم ومايفرق شملكم
ردوا :- امين
ابو خالد :- وين الباقي ؟
خالد :- بالعزبه للحين غرام ماتدري يلعبونها عليها يوم ان شاء الله وتطلع انت وهم يرجعون
ابو خالد :- دق عليها بكلمها اكيد منشغل بالها
مشاري :- ماتوقع عندهم ابراج حاولت ادق على سعود مايرد
ابو خالد :-خلاص اذا طلعوني علطول تودوني لها
خالد :-بس يايبه
ابو خالد :- كم مره اقول لكم كلمة بس ماابي اسمعها
مشاري :- خلاص ابشر بس نشوف متى بيطلعونك الحين ارتاح انت
______
بعد ماتغذوا العيال راحوا لنياق ولحقوهم البنات
غرام :- هياف فحط فينا نفس ماسوو سيف ونياف
رفع حاجبه هياف :- تبين امي تجلدني معهم ولا كيف ؟ نسيتي تحذيرها
غرام :- محد بيقول لهاا عند الجبل بعيد مب يشوفون ولا يسمعون
نياف :- خبله انتِ ؟ واذا صار فيك شي !
تذكرت انها نست ادويتها وتراجعت :- خلاص كملوا طريقكم قدامي
لف كسار يشوفها بوسط هياف ونياف والابتسامه ماتفارقها ابتسم وكمل طريقه اما ريوف وغلا ولطوف كانوا يتسابقون وسيف الحكم
غلا :- انا وصلت اول
لطوف :- كذابه ريوف
سيف :- اسكتوا انا اللي احكم
ريوف :- لو تحكم ظلم برلع عليك قضيه
سمعها هياف :- ياليل ذي والقضايا ياليت خالي مانعها من القانون ابرك لنا
لف عليه كسار :- سمعتك احترم نفسك
ابتسم هياف :- امزح كمل طريقك بس هي حتى معك كذا ولا تهايط علينا ؟
كشر كسار بوجهه :- مع الكل حتى مع امي
هياف :- الله يعين عليها
غرام :- الحمد لله صار عندي محامي ثالث لو زعلتوني انتوا الاثنين برفع عليكم قضيه عندها
انصدم هياف منها :- اعوذ بالله قلبتك علينا من اول اسبوع !
نياف :- شكلها قريباً بتقفل غرفتها علينا بعد لا ندخلها بس ريوف
ابتسم كسار :- شفتوا اختي كيف بكم يوم عكست اختكم عليكم طالعه علي وغمز
نياف لحقه بيضربه بس كان كسار اسرع منه
نياف :- اطلب فزعتك ياخوي
هياف :- ماطلبت شيي جايكم
غرام تضحك كيف يلاحقون بعض وعدتهم جنب البنات تناديهم يشوفونهم وهم يتهاوشون سرعان ماانضم لهم سيف وبدت الهواش تتحول لضحك
—-
اديم :- ابوي صحى الحمد لله كلمني مشاري ويقول صحته احسن
مها :- الحمد لله على سلامته
شريفه :- الحمدلله اخر الاوجاع
اديم :- امين يارب ودكم نقوم نجهز العشاء ؟
مها : ايه قوموا قربت الشمس تغيب
شريفه :- العيال ماجوا للحين ولا البنات ليكون صار فيهم شي
اديم :- لا تفاولين عليهم بيجون الحين تلاقينهم بهبالهم يلا قدامي كل وحده
شريفه :- استودعتهم الله
مها :- اميين .
توجهوا يجهزون العشاء اما العيال و البنات يتسابقون على الرجوع صاروا ورى العيال بشوي اما سعود باقي عند النياق
غرام :- بس تعبت مب اركض بمشي على هوني
ريوف :- على هونه على هونه يمشي على هونه
كشرت غرام بوجهها وبدت تركض وراها نسيت التهديد اللي بالسياره اوريك الحين
نياف :- طلعت حتى جنية ذي صارو عندنا جنيتين باقي غلا وريوف
سيف :- لا معليك خواتي عاقلين ابوي ممشيهم على الصراط المستقيم
هياف :-هنا ماعندي شك بس ذول الثنتين انهبلوا رسمياً
اخيراً وصلوا على اذان المغرب
الكل توضى وصلوا جماعه واتصلوا على مشاري يطمنهم على العصر بيكون الكل عندهم وابو خالد صار بحاله افضل من السابق عدت على خير
أنت تقرأ
بشروني عنك ما يدرون عني مادروا باللي شغل فكري وظني
Poesíaاهلاً فيكم بمخيلتي الاولى " بشروني عنك ما يدرون عني ما دروا باللي مشغل فكري وظني"
