Glimpse of Sunrise

Chapter 48

France

"So... you're Sinag's girlfriend?"

I blinked multiple times before nodding. Lahat ng mga mata nila, nakatutok sa akin at para bang inoobserbahan ang buo kong pagkatao. They all looked so serious. Parang kahit paghinga ko, binibilang nila.

"You're beautiful, iha." Tita Elaine complimented me, Tito Atlas' oldest sister.

I shyly bowed my head. "Thank you po."

"What is your job? Are you a businessman, too?" Tanong naman ni Tito Albert.

He's their oldest brother, I heard. Among the three, sa kanya ako pinaka kinakabahan. He looked so serious! Nakahalukipkip pa siya habang nakatingin sa akin kaya inassume kong hindi siya gaanong ka-welcoming. Hindi katulad nina Tita Elaine at Tito Atlas na niyakap pa ako. 

I was about to answer when Sinag intercepted. "She's a psychologist and professor, Tito." Aniya, seryoso rin. "Stop asking her questions. Hindi ito job interview."

"I'm just asking, Sinag." Patay malisyang sagot ni Tito Albert. Nakakatakot talaga siya! "I just thought you'll marry someone... on our level. Like Amari."

That stung my heart a little. Well, hindi ko naman sila masisisi dahil kahit ako, aminadong bagay si Amari at Sinag. She's so perfect with her beautiful face and intelligent mind. I'm sure, she'll be a great help to their business and to Sinag's growth. 

Umirap si Sinag. "That's bullshit." Pagmumura niya. Gulat naman kaming napatingin sa kanya. He looked so mad when he held my hand. "Stop being so immature, Tito. Baka mamatay ka ng maaga niyan."

Hinila na ako ni Sinag paalis ng salas. Nang lumingon ako sa likod, nakita kong galit na galit si Tito Albert habang cinocomfort naman siya ni Tita Elaine. Si Tito Atlas at Thunder, pigil na pigil naman ang tawa.

Sinag and I went upstairs and entered a bedroom. Nang ilibot ko ang tingin ko, tsaka ko napagtanto na kwarto iyon ni Sinag. Ang dilim, e. Maliwanag naman sa labas.

"I'm sorry about Tito Albert," aniya sa akin at pinaupo ako sa kama niya bago hinawi ng bahagya ang itim niyang kurtina. "Ganoon talaga ugali noon. Parang gago."

"Okay lang," sabi ko sa kanya. "Maybe he's really worried about you." 

"About our reputation kamo." He sneered as he sat beside me. Tumawa na lang ako sa sinabi niya. 

"You really didn't fall for Amari again?" 

Umiling siya bago ako niyakap. Ang ulo niya ay nakahilig sa kanan kong balikat. "Never. Ikaw lang talaga." 

My cheeks flushed into a rosy pink. Mahina kong hinampas ang braso niya na nakapulupot sa akin. Natatawa naman siya habang nakasubsob ang mukha niya sa leeg ko, inaamoy ata ako. 

Napatingin ako sa side table na malapit sa akin. May dalawa itong picture frame. Isang picture naming dalawa, at isang picture ko noong bata.

"Saan mo 'to nakuha?" Gulat kong tanong nang kunin ko ang picture frame. It was my picture during my 7th birthday. I was wearing a golden yellow dress, smiling happily with my broken teeth.

"Hiningi ko kay Tita," Tinignan niya rin ang picture na hawak ko. "Favorite picture ko 'yan. Naging crush yata kita diyan."

"Really?!" Hindi ko makapaniwalang sabi. "Nagkacrush ka sa akin noong mga bata tayo?!"

Tumango siya na para bang hindi nakakagulat 'yon. "Mali pala... Naging crush kita noong nagkatabi tayo sa upuan."

Humalakhak ako sa sinabi niya. Hindi ko inakalang may crush sa akin si Sinag dati. Suplado niya kasi. Kung hindi ko pa kakausapin, hindi ako kikibuin.