နွေဦးအနောက်ဆောင်ထဲ၌ အိမ်မက်မက်နေသူ။

Chapter: 042 - အလွန်လှပသော အထက်တန်းလွှာကြင်ယာတော်မြန့်-၁

Chapter: 042 – အလွန်လှပသော အထက်တန်းလွှာကြင်ယာတော်မြန့်-၁

ယခင်ကတော့ မြန့်စန်းယု သည် ကြီးမားသောပြသာနာများကို မမြင်ပဲ ဒေါသနှင့်စက်ဆုပ်ရွံ့ရှာဖွယ်ရာပြုမူသဖြင့် သူ့အား နှိပ်စက်ညှဉ်းပန်းခဲ့ဖူးသည်။ သို့သော်၊ ယခု သူ့ရှေ့မှလူ သည် လိမ္မာပါးနပ်သော၊ ကြီးမြတ်ပြီး ကိုယ်ကျိုးမငဲ့သောအမျိုးသမီး အဖြစ်ပြောင်းလဲနေပြီဖြစ်သည်။ သူတို့၏ အရွယ်ရောက်ခြင်း အခမ်းအနားများ မတိုင်မီက ကျင်းပခဲ့သော သူတို့၏မင်္ဂလာပွဲအကြောင်းအား တွေးတောရင်း နင်းယုရွမ် သည် လူသားဆန်မှု အနည်းငယ် ခံစားခဲ့ရပြီး သူမအား ဒုက္ခ မပေးလိုဘဲ အဆုံးသတ်ခဲ့သည်။

ထို့အပြင် မြန့်စန်းယု သည် အထက်တန်းလွှာကြင်ယာတော်မြန့်၏မိသားစုဝင်တစ်ဦး ဖြစ်သည်ကို အသုံးပြု၍ နန်းတော်ထဲ ဝင်သွားပါက သူ့မြို့စားအိမ်တော်ရဲ့နာမည်က ဘယ်လိုဖြစ်သွားမလဲ?

ခဏလောက် နှုတ်ဆိတ်နေပြီးနောက် နင်းယုရွမ် က တားခဲ့သည်။ "ကိုယ်နဲ့အတူလိုက်ခဲ့"

ဂျီမိန် က စိတ်ရှုပ်ထွေးစွာနဲ့ သူ့ကိုကြည့်ဖို့ ခေါင်းကိုမော့လိုက်သည်။ ရထားလုံးက မကြာခင် ထွက်တော့မယ်။ သူမ ဘာလို့ တစ်နေရာရာကို သွားသင့်သလဲ?

နင်းယုရွမ် သည် ခြေထောက်ကိုမြှောက်၍ ရှေ့သို့လျှောက်သွားသည်။ ဂျီမိန် က သူ့အနောက်မှ လိုက်လာတယ်။ သူတို့လမ်းလျှောက်လာရင်း ဂျီမိန် က သူ့မျက်နှာတစ်ဖက်ကို သေချာကြည့်တယ်။ သူ့မျက်နှာက အများအားဖြင့် ထုတ်ဖော်မပြတတ်ပေမယ့် ဒေါသထွက်ပုံမပေါ်တာကြောင့် သူမ စိုးရိမ်စိတ်တွေကို လျှော့ချလိုက်တယ်။

မြို့စားမိုယု သည် သူမကို အနောက်ဘက် ခြံဝင်းဆီ ခေါ်သွားကာ အပြင်မှာ စောင့်ခိုင်းပြီး သူ့အခန်းထဲ ဝင်သွားသည်။ ခဏအကြာတွင် သူသည် စက်ဝိုင်းပုံစံ ကျောက်စိမ်းပြားနဲ့ ထွက်လာသည်။

ဤကျောက်စိမ်းရတနာ သည် အမှန်တကယ်ကို စက်ဝိုင်းပုံစံဖြစ်ပြီး ကြည့်ရဆိုးသည်။ ကျောက်စိမ်းပေါ်တွင် အလှဆင်သည့်ပုံစံမရှိသော်လည်း ၎င်းတွင် သေသေသပ်သပ် ထွင်းထုထားသည့် 'နင်း' ဟူသော စကားလုံး ရှိသည်။