နွေဦးအနောက်ဆောင်ထဲ၌ အိမ်မက်မက်နေသူ။

Chapter: 078 - ပုန်းကွယ်နေသော အန္တရာယ်သည် နေရာတိုင်းတွင် ရှိနေသည်။-၁

Chapter: 078 – ပုန်းကွယ်နေသော အန္တရာယ်သည် နေရာတိုင်းတွင် ရှိနေသည်။-၁

နင်းယုရွမ် သည် ရုတ်တရက် ပြုံးမပြမီ အချိန်အတော်ကြာ တိတ်ဆိတ်သွားသည်။ "မင်း က မြန့်စန်းယုလို့ပြောရင် ကိုယ် မင်းကို မယုံဘူး၊ ဒါပေမဲ့ မင်း က ဘယ်သူပဲဖြစ်ပါစေ မင်းကတော့ တကယ်ပဲ သူမ ဖြစ်နိုင်တယ်"

ဂျီမိန်၏နှလုံးသား တုန်တက်သွားကာ သူမကိုယ်သူမ တိတ်တဆိတ်ကြိမ်းမောင်းမိသည်။ သူမ၏ဂရုမစိုက်သောစကားများသည် မြို့စားမိုယု၏သံသယကို ဆွဲဆောင်ခဲ့မိသည်။ သို့သော် နင်းယုရွမ် က ထိုစကားများကို ပြောပြီးနောက် သူမ မသေချာမရေရာသလို ခံစားလိုက်ရသည်။

သူ သူမကို အမြဲသံသယဝင်နေသလား?

သူမရှေ့မှလူက လှည့်ပြီးထွက်သွားပြီးနောက် ဂျီမိန် သည် တင်းယုရွမ်နန်းဆောင်သို့ မပြန်ခင် ထိုနေရာတွင် ခဏရပ်နေခဲ့သည်။

အိမ်ရှေ့မင်းသား ထွက်သွားပြီဖြစ်သည်။ သူ ဒီကို တချက်လာကြည့်တာလို့ သူမ တွက်ချက်မိသည်။ သခင်မကြီး နှင့် အထက်တန်းလွှာကြင်ယာတော်မြန့် သည် အထဲမှာ စကားပြောနေကြဆဲဖြစ်သည်။ အကျင့်စာရိတ္တကောင်းမွန်သော ဂျီမိန် သည် ခန်းမထဲသို့ဝင်ပြီးနောက် သူတို့အတွက် လက်ဖက်ရည်ဖျော်ပေးသည်။

"စန်းယု လို အကျင့်စာရိတ္တကောင်းမွန်ရင် ငါ အဲမိန်းမပေါ် ခက်ခဲအောင် လုပ်မယ်လို့ နင်ထင်နေလား?' သခင်မကြီး က လက်ဖက်ရည်ခွက်ကိုယူကာ သက်ပြင်းချလိုက်သည်။

အထက်တန်းလွှာကြင်ယာတော်မြန့် က ပြုံးပြီး ပြောတယ်။ "နင့်ချွေးမကို မကျေနပ်ရင် ယုရွမ်နဲ့ကွာရှင်းခိုင်းပြီး သူ့ကို ထပ်လက်ထပ်ခိုင်းလိုက်ပါ၊ နင့်ကိုနင်ကြည့်စမ်း၊ အခုအချိန်မှာ နင် အသက်ကြီးလာလို့ သက်တောင့်သက်သာနေသင့်ပေမယ့် ကလေးတွေရဲ့အနေအထားတွေကြောင့် နင့်ကိုယ်နင် ဒေါသထွက်ခွင့်ပြုတုန်းပဲ"

"ငါ ရွမ်အာကို ကွာရှင်းစေချင်တယ်။" သခင်မကြီး သည် တခဏမျှလေးလေးနက်နက်ကြည့်၍ သူမ၏ပခုံးများ ပြိုကျကာ ရှုံးနိမ့်သွားသည်။ "အရှေ့တောင်ကို ပျံသန်းလာတဲ့ ဥဒေါင်းပျံရဲ့ အဖြစ်ဆိုးလို ဖြစ်လာမှာ ငါစိုးရိမ်လို့ပဲ၊ ရွမ်အာက သူမကို လေးလေးနက်နက်ချစ်တယ်၊ သူတို့အိမ်ထောင်ရေးကို အတင်းအကျပ်ခွဲလို့မရဘူး။ တနေ့ ရွမ်အာ နိုးထလာပြီး အဲဒီအမျိုးသမီးရဲ့ အရောင်အသွေးကို မြင်နိုင်လိမ့်မယ်လို့ ငါ မျှော်လင့်တယ်"