Darling! [norenmin]

30 - Love is beautiful pain

If you love even more
and get hurt even more.
Love some more
until it hurts no more.

-William Shakespeare

ညနေစောင်းချိန်တွင် ဗိုက်ဆာသောခံစားချက်ဖြင့် ဂျဲနိုမျက်လုံးပွင့်လာသည်။ အိပ်ယာဘေးမှ ဖုန်းကိုယူကာ အချိန်ကြည့်လိုက်သည်။ စက္ကန့်ပိုင်းခန့် စဥ်းစားပြီးနောက်တွင် သူ့ရဲ့အတွင်းရေးမှူးထံ ဖုန်းဆက်လိုက်သည်။

"သူမနေ့ကမနက်က ကျွန်မဆီရောက်လာသေးတယ် ကျွန်မဖုန်းပြောလို့မပြီးခင် တိတ်တိတ်လေး ပြန်ထွက်သွားတယ်တဲ့။ ပြီးတော့..."

ဂျဲနိုက အိုင်းရစ်ရဲ့စကားကို အဆုံးထိနားထောင်ပြီးနောက် ဖုန်းချလိုက်သည်။ သူ့မှာ ဘာပြောရမှန်းတောင် မသိတော့ပေ။ ဝန်ခံရမည်မှာ ရန်ကျွင်ကိုကျောခိုင်း၍ ပစ်ထားခဲ့မိခြင်းကို တစ်ချိန်လုံးလုံး နောင်တရနေခဲ့သည်။ သူကပိုပြီးတော့ သည်းခံပေးနိုင်ခဲ့ရင်၊ စိတ်ရှည်ပေးနိုင်ခဲ့ရင်၊ ပြေပြေလည်လည် ဆက်ဆံပေးနိုင်ခဲ့ရင် ပိုကောင်းလိမ့်မည်ဟု တွေးတောနေမိသည်။ ထိုသို့ခံစားရသောအခါ ချက်ချင်းအိမ်ပြန်၍ ရန်ကျွင်ကိုပွေ့ဖက်ပြီး တောင်းပန်စကားဆိုချင်စိတ်များ ပေါ်ပေါက်လာရသည်။ သို့သော်

ခံစားချက်များမှာ သူ့ဘက်ကသာ တစ်ဖက်သတ်ဖြစ်နေပုံရသည်။

ရန်ကျွင်က အဆင်ပြေနေသည်။ သူမရှိရင်မရှိသလို ညဥ့်မနက်ခင် အိမ်ပြန်လာစရာမလို၊ မနက်စာညစာ ပြင်ဆင်စရာမလို၊ နာဂျဲယ်မင်နဲ့တွေ့ဆုံရန် ခိုးကြောင်ခိုးဝှက် လုပ်နေစရာမလို လွတ်လပ်နေပုံရသည်။ ထိုလွပ်လပ်သောဘဝကို စောစောစီးစီး မရခဲ့ခြင်းအတွက် နှ​မြောတသပင် ဖြစ်ချင်ဖြစ်နေလိမ့်မည်။

ဂျဲနိုက ဖုန်းကိုကြမ်းပြင်ပေါ်သို့ ပစ်ချပြီးနောက် ရယ်လိုက်သည်။ သူတစ်ယောက်တည်းကပဲ ငတုံးတွေလိုမျိုး ရန်ကျွင်ကိုလက်ထဲမှာထည့်၍ ကာကွယ်ပေးခဲ့သည် လုံခြုံမှုပေးနိုင်ခဲ့သည် ထင်နေသည်။ ရန်ကျွင်ကတော့ သူ့ရဲ့တည်ရှိမှုကို အချုပ်အနှောင်တစ်ခုဟု မြင်နေလိမ့်မည်။ ဟန်ဆောင်ဖုံးကွယ်ထားသော အတွင်းစိတ်ထဲတွင် မုန်းတီးနေခြင်း ဖြစ်ကောင်းဖြစ်လိမ့်မည်။ ဂျဲနို မျက်လုံးမှိတ်လိုက်သောအခါ ပါးထက်သို့ မျက်ရည်များလိမ့်ဆင်းလာသည်။