Run away but running in circle
ဘတ်စ်ကားမှတ်တိုင်တွင်။
ပတ်ဂျီဆောင်းသည် ထုံးစံအတိုင်း ဦးထုပ်ငိုက်ငိုက်စောင်း၊ မျက်နှာကာအမည်းတပ်၍ တစ်စုံတစ်ယောက်သော မန်နေဂျာကို စောင့်မျှော်နေသည်။ ရောက်တော့မယ်ဟုပြောလျှင် အနည်းဆုံး တစ်နာရီကြာပြီး အခုထွက်ခဲ့ပြီဟုပြောလျှင် တစ်နာရီခွဲမက ကြာတတ်သည်။ သူတို့နှစ်ယောက်မှာ တခြားသူတွေလို မန်နေဂျာက သရုပ်ဆောင်ကို လိုက်ထိန်းရခြင်းမရှိ၊ သရုပ်ဆောင်ကသာ မန်နေဂျာကို ပြန်ဖမ်းနေရသည်။
ဂျီဆောင်းက နာရီတစ်ချက်ကြည့်ကာ နောက်တစ်မှတ်တိုင် ဆက်လျှောက်ရန်ပြင်သည်။ တစ်နေရာထဲမှာ ကြာကြာမနေနဲ့၊ တွေ့ကရာတက္ကစီတွေ မစီးနဲ့၊ အွန်လိုင်းကပစ္စည်းမှာရင် မန်နေဂျာရဲ့လိပ်စာကိုသုံး။ ကလေးသရုပ်ဆောင်အဖြစ်မှ စတင်ခဲ့သူအနေနဲ့ ထိုဆောင်ရန်ရှောင်ရန်များမှာ သူ့ခေါင်းထဲစွဲနေသည်။ အခြားကလေးများက အရုပ်ဆက်၊ သဲအိမ်ဆောက်နေစဥ် သူကဘယ်လိုပြုံးပြရမည် ဘယ်လိုနှုတ်ခမ်းဆူပြပြီး ဘယ်လိုမျိုး ချစ်စရာကောင်းအောင် နေပြရမည်ဟု သင်ယူခဲ့ရသည်။
အခြားကလေးများ သူငယ်ချင်းအိမ်သွားကာ ဂိမ်းဆော့နေစဥ်၊ အိမ်စာလုပ်နေစဥ်၊ အတန်းစောစောပြီး၍ ကာရာအိုခေဆိုင် ထိုင်နေကြစဥ်တွင် သူကတော့ ရိုက်ကွင်းတွင်ရှိနေသည်။ အိမ်တွင် လေ့ကျင့်နေသည်။ မန်နေဂျာနဲ့အတူ လူရွေးပွဲဖြေနေသည်။ ငိုကြွေးရသော အခန်းများတွင် ကင်မရာကွယ်ရာမှာ ကိုယ့်အသားကိုဆိတ်ဆွဲပြီး မျက်ရည်ထွက်အောင် ကြံဖန်နေခဲ့ရသည်။
ရှေ့မှတ်တိုင်တွင် လူရှင်းသည်။ အမိုးအောက်က ခုံတန်းလျားတွင် ထိုင်စောင့်နေသူမရှိ။ ဂျီဆောင်းက ဘေးပတ်လည်ကို ဝေ့ကြည့်သောအခါ လမ်းဘေးတစ်နေရာတွင် စိတ်ဝင်စားစရာကောင်းတာ မြင်လိုက်ရသည်။
အကြွေစေ့ထည့်ရသော ဖျော်ရည်စက်ရှေ့တွင် အထက်တန်း ကျောင်းသားအရွယ် ကောင်လေးတစ်ယောက်က ကုန်းကုန်းကွကွဖြင့် ထိုင်လိုက်ထလိုက် လုပ်နေသည်။ ဘေးပတ်ဝန်းကျင်ကို လုံးဝဂရုမစိုက်။ သူ့ပုံစံမှာ ထိုဖျော်ရည်စက်နဲ့ စကားစမြည်ပြောရန် ကြိုးစားနေသကဲ့သို့ပင်။
YOU ARE READING
Darling! [norenmin]
Fanfiction"Darling, I crave problems!" "the problem" "named NaJaemin." Norenmin Myanmar fan-fiction.
![Darling! [norenmin]](https://img.wattpad.com/cover/370773555-64-k429589.jpg)