Darling! [norenmin]

42 - Found you my sweetheart

A twisted fate
A burning feeling inside,
It's almost a dream
He belong to me.

-Melody of a murder (Scarlett Rose)

ကွန်ပျုတာမျက်နှာပြင်ဖြင့် ဆက်သွယ်ထားသော နေရာနှစ်ခုတွင်။

တစ်ဖက်တွင် အလောင်းသိမ်းသော ရေခဲတိုက်တစ်ခုကို နောက်ခံထား၍ ပလတ်စတစ်ဝတ်စုံဖြင့် ကျောင်းသားငါးယောက်ခန့် စုဝေးနေသည်။ အခြားတစ်ဖက်တွင်တော့ နာဂျဲယ်မင်က ဘလက်ကော်ဖီတစ်ခွက် အသင့်ဖျော်ထားပြီး နားကြပ်တပ်၊ မိုက်ဖွင့်ကာ သင်တန်းစတင်ရန် အဆင်သင့်ပြင်လိုက်သည်။ သင်တန်းဆရာ မလုံလောက်သော မှုခင်းဆေးတက္ကသိုလ်မှ ကျောင်းသားများအတွက် လက်ရှိဆေးဌာနမှ အားလပ်သူတိုင်းသည် လုပ်အားပေးနည်းပြအဖြစ် တာဝန်ပေးခံထားရသည်။ သေတဲ့သူတွေနဲ့ ရှင်တဲ့သူတွေအပေါ် ကိုင်တွယ်ရတာခြင်း မတူညီ။ လူခန္ဓာကိုယ်ဖြစ်နေတဲ့ အချက်တစ်ခုသာ တူညီသည်။ ထို့အ​ပြင် ကျောင်းသားထဲကတစ်ချို့က ဒုတိယနှစ်သာ ရှိသေးသဖြင့် အလောင်းကြောက်တတ်သော ပြသနာလည်းရှိသည်။

ဒုတိယနှစ်များထက် ပိုဆိုးနေသည်မှာ အကူအဖြစ်လိုက်လာသော ပထမနှစ်များဖြစ်သည်။ တည်ငြိမ်ရန် ကြိုးစားနေသော သူတို့ရဲ့မျက်နှာကို ကင်မရာတစ်ဖက်မှ နာဂျဲယ်မင်တောင် သတိထားမိသည်။

နောက်ထပ် မပျော်နိုင်သူတစ်ယောက်လည်း ရှိသေးသည်။

လျှာလျှာရှည်ရှည်နဲ့ နာဂျဲယ်မင်ရဲ့အခန်းထဲထိ လိုက်လာပြီး စပ်စုသောရန်ကျွင်သည် ဗီဒီယိုစတင်ကတည်းက ကုတင်ပေါ်တွင် ကွေးနေသည်။

ဂျဲယ်မင်ရဲ့ထိုင်ခုံက ကုတင်ကိုနောက်ကျောပေးပြီး ကွန်ပျုတာမျက်နှာပြင်ကို တည့်တည့်လှည့်ထားသည်။ စားပွဲက ကုတင်ထက်မြင့်သောကြောင့် တစ်ဖက်မှလူများက ရန်ကျွင်ကိုမမြင်နိုင်။ ရန်ကျွင်ကတော့ ကောင်းကောင်းမြင်နေရသည်။ ထို့ကြောင့် တစ်ကိုယ်လုံး စောင်နဲ့ရစ်ပတ်ကာ မျက်လုံးနှစ်လုံးဖော်ထာပြီး ချောင်းကြည့်နေသည်။ အချို့လူအမျိုးအစားမှာ သူတို့ကတစ်ခုခုကို ကြောက်ပါက ထိုအရာကိုမလွတ်တမ်း စောင့်ကြည့်နေရမှ လုံခြုံသည်ဟု ခံစားရတတ်ကြသည်။