Darling! [norenmin]

6 - I fall for you

He tells me that a monster
lives inside.
And when It gets too angry
I should hide.
Cause if I were to try and
pick a fight.
I would barely stand a chance
and I'd die.

-Two Faced (Jake Daniels)

"ရှောင်စစ် မင်းလာနောက်နေတာလား ခေါင်းထဲရေဝင်နေတဲ့ အခြေအနေမျိုးနဲ့ မနက်ဖြန်စာမေးပွဲ ဖြေမလို့လား"

ခါတိုင်းနေ့များကဲ့သို့ ပြန်ရောက်ချိန်တွင် ခါတိုင်းနေ့များကဲ့သို့ ရန်ကျွင်ရဲ့အသံကို အရင်ဆုံး ကြားလိုက်ရသည်။

အားလုံးက ရန်ကျွင်တစ်ယောက် နေ့စဥ်နေ့တိုင်း မြေအောက်ထပ်သို့ အပြေးအလွှားသွား၍ ဒေါက်တာနာကို ပိုးပန်းနေကြောင်း သိကြသည်။ သို့သော် ပြသနာမရှိ။ အခြားတစ်နေရာသို့ ထွက်ပြေးရန် မကြိုးစားသ၍ အဆောက်အဦး လေးထပ်စလုံးတွင် စိတ်ချမ်းသာသလို နေခွင့်ပေးထားသည်။ ထို့ကြောင့် အကောင်းမြင်တတ်သော သဘောထားရှိသည့် ရန်ကျွင်က အခြားလူများနဲ့ တဖြည်းဖြည်း ရင်းနှီးလာသည်။ ဥပမာအနေနဲ့ သူတို့ထဲမှ ကျောင်းသားတစ်ယောက်မှာ ရန်ကျွင်ထံ မကြာခဏ စာမေးလေ့ရှိသည်။

ပရော်ဖက်ဆာဟွမ် ဖြစ်ရခြင်းတွင် စျန်ဝင်နေသော ရန်ကျွင်က သူ့ရဲ့ဒေါက်တာနာ ပြန်လာတာကို သတိမထားမိ။ ခေါင်းထဲရေဝင်နေသော ကျောင်းသားဖြစ်သူကို အပီအပြင် ကြပ်နေသည်။

"ချိုတဲ့အရာတွေ အားလုံးကို Saccharideလို့ ခေါ်တာ glucose, glactose, sucrose, maltose အကုန်လုံး အကျုံးဝင်တယ်။ အိမ်သုံးသကြားအပြင် နောက်ထပ် ချိုတဲ့အရာတွေလည်း ရှိသေးတယ် ဥပမာ__"

ထို့နောက် ဖြတ်လျှောက်လာသော ဂျဲယ်မင်ကို မြင်သွားသည်။

"ဥပမာ ဒေါက်တာနာ လိုမျိုး__"

ဒေါက်တာနာက ချိုမြိန်သော်လည်း မြည်းစမ်းရန် မလွယ်ကူသော တစ်စုံတစ်ရာဖြစ်သည်။ ရန်ကျွင်က ကျရောက်လာသော မျက်စောင်းကို လစ်လျူရှု၍ ခပ်တည်တည်ပင် လေထဲမှ အနမ်းတစ်ပွင့် ပေးလိုက်သည်။ သို့သော် သူပြန်ရလိုက်သည်မှာ ဘန်းခနဲ ဆောင့်ပိတ်သွားသော အတွင်းတံခါးသာ ဖြစ်သည်။

ထို့နောက် သူ့ကျောင်းသားထံမှ လက်မထောင်၍ ဂုဏ်ပြုခံလိုက်ရသည်။ လူတိုင်းကို ဗလာလေထုကဲ့သို့ ပစ်ပယ်ထားသော တစ်စုံတစ်ယောက်အား ဤမျှအထိ တွယ်ကပ်နိုင်ခြင်းမှာ ပါရမီတစ်ခုပင်။