Darling! [norenmin]

3 - Periwinkle

when you feel the heat
look into my eyes
this is where my demon hides
this is where my demon hides

-My Demons (spiderman movie)

'ဂျဲယ်မင် မင်းအိပ်ငိုက်နေပြီ ကော်ဖီဇွန်းနဲ့ စာရေးလို့မရဘူး'

ဒေါက်တာနာရဲ့ လက်ချောင်းများက မသိစိတ်မှ တွန့်ခနဲဖြစ်သွားသည်။ အိပ်ချင်စိတ် လွှမ်းမိုးနေသောကြောင့် အတွေးများက ဝေဝေဝါးဝါး ဖြစ်နေပြီး ပခုံးနှစ်ဖက်လုံး ထုံကျင်ကိုက်ခဲနေသည်။

'ကိုယ့်ကိုယ်ကို ယုံကြည်မှုထားစမ်းပါ စာမေးပွဲက အဲ့လောက်ကြီး မခက်ခဲပါဘူး မင်းမှမဖြေနိုင်ရင် ဘယ်သူမှ မဖြေနိုင်တော့ဘူး'

စာမေးပွဲ? သူ့ရဲ့အသိစိတ်က သူ့ကိုယ်သူ ဘွဲ့ရပြီးဖြစ်ကြောင်း ရှင်းရှင်းလင်းလင်း ပြောပြနေသည်။ ထို့ကြောင့် အရာအားလုံးသည် အိမ်မက်တစ်ခုသာ ဖြစ်နိုင်သည်။

'ညဆိုရင်မအိပ်ဘူး မနက်ဆိုရင်မထဘူး ဘယ်လိုတောင် မကောင်းတဲ့အကျင့်လဲ ဂျဲယ်မင် မျက်လုံးဖွင့် အိပ်ရာထတော့ မနက်စာပြင်ပြီးသွားပြီ'

ဒေါက်တာနာက စိတ်အနှောင့်ယှက် ဖြစ်နေသော အသံတစ်ခု ပြုလိုက်သည်။ အိမ်မက်ထဲမှလူက သူ့ကို တစ်ချိန်လုံး ပြစ်တင်ဆူပူနေသည်။

နီးလာလိုက် ဝေးကွာသွားလိုက်နဲ့ ဘယ်သူဘယ်ဝါ ခွဲခြားမရသော ထိုအသံ၊ သူ့မျက်စိရှေ့မှ စာလုံးအတိအကျ ဖတ်၍မရသော စာအုပ်များ၊ အနက်ရောင် အိတ်စ်ပရက်ဆိုရဲ့ ခါးသက်သက်အနံ့။ ထိုအရာများသည် ဦးနှောက်မှ ပုံဖော်ထားသော အတုအယောင် အချက်အလက်များသာ ဖြစ်သည်။

'ဂျဲယ်မင် နိုးပြီလား'

"ဒေါက်တာနာ နိုးပြီလား"

နောက်ဆုံးတွင် အိမ်မက်နဲ့လက်တွေ့မှ အသံနှစ်ခုသည် တစ်ခုထဲအဖြစ် ထပ်သွားခဲ့သည်။ မျက်လုံးဖွင့်ဖွင့်ချင်း မြင်ရသည်မှာ လွန်စွာမှနီးကပ်နေသော မျက်နှာတစ်ခု ဖြစ်သည်။ သတိလက်လွတ် အိပ်ပျော်နေမိသော ဒေါက်တာနာက နှစ်စက္ကန့်ပင် မစဥ်းစား သူ့ရှေ့မှလူကို တွန်းထုတ်လိုက်သည်။

သို့သော် ထိုသို့ပြုလုပ်ရန် ထုံကျင်၍ ခံစားမှုပျောက်နေသော သူ့လက်မောင်းက ခွင့်မပြုခဲ့ပေ။ ရလဒ်အနေနဲ့ လက်တစ်ဖက်က ရန်ကျွင်ရဲ့ပခုံးပေါ် တင်ထားခြင်းဖြင့် အဆုံးသတ်သွားရသည်။ စင်တီမီတာပင်မခြား မျက်နှာချင်း နီးကပ်လာသူမှာ အခြားမဟုတ် သူ့ကိုယ်သူ နာရန်ကျွင်ဟုခေါ်သော ဟွမ်ရန်ကျွင်သာ ဖြစ်သည်။