Darling! [norenmin]

38 - Let's make babies (2)

smut chapter! read or skip?

အဘက်ဘက်မှ ရေဖိအားသက်ရောက်ခံရသောအခါ ခန္ဓာကိုယ်နှစ်ခုမှာ ဆွဲယူမြိုချခံရသကဲ့သို့ ရေကန်အောက်ခြေထိ နစ်မြုပ်လာသည်။ ဂျဲနိုက သူ့လက်ဖမိုးပေါ်သို့ တတောက်တောက်ခေါက်နေသော လက်ချောင်းများ ပြေလျော့သွားချိန်တွင် ရေမျက်နှာပြင်ပေါ် ပြန်တင်ပေးလိုက်သည်။ လက်တစ်ဖက်ဖြင့် ကန်ဘောင်ကိုအမှီပြုကာ ကျန်တစ်ဖက်ကို ရန်ကျွင်ဖက်တွယ်ရန် ခွင့်ပြုပေးထားရသည်။

ရန်ကျွင်က ဂျဲနိုရဲ့လက်မောင်းပေါ်နဖူးအပ်၍ အမောတကော အသက်ရှုနေသည်။ သည်းခံနိုင်တာထက်ပိုသော လေပြတ်လပ်မှုက ခြေလက်များကိုပျော့ခွေစေပြီး မူးရိပ်ရိပ်ခံစားနေရဆဲ ဖြစ်သည်။ ထို့ကြောင့် သူ့တစ်ကိုယ်လုံးကို တဖက်လူအပေါ် လုံးလုံးလျားလျား မှီတွယ်ထားပြီး အသံတိတ် မျက်စောင်းခဲနေသည်။

ဂျဲနိုက အချိန်ဖြုန်းရန် စိတ်မဝင်စားပေ။

ကန်ဘောင်ပတ်လည်ရဲ့ကြမ်းခင်းကို ရေစုပ်ယူသော စကျင်ကျောက်သားဖြင့် ပြုလုပ်ထားပြီး ချော်မလဲစေရန် အကွက်ဖော်ထားသည်။ သူကကြမ်းပြင်ကို အထူးအာရုံစိုက်နေခြင်းမှာ ထိုအပေါ်ကိုဒူးထောက်လို့ အဆင်ပြေမပြေ စစ်ဆေးလို၍ဖြစ်သည်။ မေ့လိုက်တော့ အဆင်မပြေဘူး။

ဂျဲနိုကရန်ကျွင်ရဲ့ လက်နှစ်ဖက်ကိုယူ၍ နံရံတွင်ကပ်ထားပြီး မြဲမြဲထောက်ကန်ထားရန် သတိပေးလိုက်သည်။ ထို့နောက် လက်တစ်ဝါးစာရှိသော ခါးသေးသေးကိုကိုင်၍ မြှောက်လိုက်သောအခါ ခြေထောက်နှစ်ဖက်က ကြမ်းခင်းလွတ်သွားသည်။ ရန်ကျွင်က ချက်ချင်း နောက်လှည့်လာသည်။

"မဖြဲပါနဲ့ အခုမှဝယ်ထား..."

သို့သော် စကားမဆုံးခင် ရေစိုရွှဲနေသောဆွယ်တာမှာ ချုပ်ရိုးမှ စုတ်ပြဲသွားသည်။ ဂျဲနိုရဲ့အပြုအမူကို ဖော်ပြရလျှင် 'အလျင်လိုတယ်'ဟု ဖြစ်သည်။

ရန်ကျွင်က အရိုးအဆစ်တည်ဆောက်ပုံ လူကောင်သေးသဖြင့် ပိန်ပါးသည်ဟု ထင်ရခြင်းဖြစ်သည်။ ခန္ဓာကိုယ်တွင် သူ့နေရာနဲ့သူ ကြွက်သားပါးပါးရှိပြီး နူးညံ့ချောမွတ်သော အထိအတွေ့ရှိသည်။ ထိုအရသာကို တစ်လက်မချင်းစီ တစ်ကိုက်ခြင်းစီ ထိတွေ့ခံစားမိတိုင်းတွင် ရိုးမသွားနိုင်ပေ။ တစ်ကြိမ်ပြီးတစ်ကြိမ် ပို၍စွဲလမ်းစေသည်။