Darling! [norenmin]

5 - Do we meet before?

There's a stone for the things forgotten
Just a stone for all you wanted
Look, a stone for what will not be
All you thought was there

-My Eden (Yisabel)

"နာ__ ဒေါက်တာနာ ဒေါသရှေ့ထားရင် မှားမယ်နော်"

ဒေါက်တာနာရဲ့ နေဗီပြာရောင် အပေါ်လွှာက ရန်ကျွင်ရဲ့အမြင်အာရုံကို မူးဝေစေသည်။ ထိုသူက တစ်လှမ်းတိုးလာတိုင်း ရန်ကျွင်က တစ်လှမ်းဆုတ်၍ နောက်ဆုံးတွင် သံဘူးခွံတစ်ခုအပေါ် တက်နင်းမိခြင်းဖြင့် အဆုံးသတ်သွားသည်။ ရန်ကျွင်က ဟန်ချက်ပျက်၍ နောက်သို့ လန်ကျခါနီးတွင် သန်မာသော လက်တစ်ဖက်က ဖမ်းဆွဲထားခဲ့သည်။

"ဘယ်ပြေးမလို့လဲ ရန်ကျွင်"

နီးကပ်သည်။ မျက်နှာခြင်းက အလွန် နီးကပ်လွန်းသည်။ ဒေါက်တာနာက တစ်စုံတစ်ယောက်ကို ကြည့်သည့်အခါတိုင်း သူက အထက်စီးတွင် ရောက်နေသကဲ့သို့ မျက်လွှာချလျှက် တစ်ဖက်လူရဲ့ မျက်လုံးအောက်သို့ ဦးတည်၍ ကြည့်လေ့ရှိသည်။ ရန်ကျွင်က ထိုအပြုအမူကို ရိုင်းသည်ဟု ထင်ထားသည်။ သို့သော် ယခုမှသာ ဒေါက်တာနာက မျက်လုံးအကြည့်ချင်း မဆုံစေခြင်းဖြင့် လူသားများကို သူ့ကြောင့် နှလုံးရောဂါမရစေရန် ကာကွယ်နေခြင်း ဖြစ်ကြောင်း သိလိုက်ရသည်။

"အနံ့က ရင်းနှီးနေတယ် ငါ့ရဲ့ ရေချိုးခန်းကိုရော သုံးခဲ့တာလား"

ရန်ကျွင်က ခေါင်းကို အကြိမ်ကြိမ်အခါခါ ယမ်းလိုက်သည်။

"မသုံးဘူး လုံးဝမသုံးခဲ့ဘူး မင်းပစ္စည်းတွေကို မကိုင်ပါဘူး။ တကယ်ပြောတာ လီမွန်နံ့ခေါင်းလျှော်ရည်က ဒုတိယထပ်မှာလည်း ရှိတယ်"

သူ့ကိုယ်သူ ပြသနာအကြီးကြီး ရှာမိပြီဆိုတာ သိလိုက်ရတဲ့အချိန် ရန်ကျွင်မှာ စိတ်ထဲကနေ ကျိန်ဆဲရုံမှလွဲ၍ မတတ်နိုင်တော့ပေ။ ဟိုလီရှစ် ဒေါက်တာနာက ဘာလို့အစောကြီး ပြန်ရောက်လာလဲ။ ဒေါ်လေးအန်းပြောတော့ နောက်တစ်ည ထပ်အိပ်ပြီးမှ ပြန်လာမှာဆို။ ဘာလို့လဲ ဘာလို့လဲ ဘာလို့လဲ။

"အိုး... ငါက ခေါင်းလျှော်ရည်နံ့လို့ ပြောမိလို့လား"

သေစမ်း! မပြောခဲ့ဘူးပဲ!