Darling! [norenmin]

20 - being a mess

But I'm not alive
until you call.
And I'll bet the odds
against it all.

-The heart wants what it wants (Selena Gomez)

နောက်တစ်နေ့မနက်ခင်း ခပ်စောစောအချိန်တွင်ပင် နာဂျဲယ်မင်ရဲ့ ဟိုတယ်အခန်းရှေ့တွင် စုံတွဲတစ်တွဲ ရောက်နေသည်။ ထိုစုံတွဲမှ အမျိုးသားဖြစ်သူက ပြောလိုက်သည်။

"ဂျဲယ်မင်က အိပ်ပျော်နေတာထင်တယ် ကိုယ်သွားနှိုးလိုက်မယ် အချစ်ရေ"

ရှီဒိုကအန်းယူရီကို ဧည့်ခန်းထဲတွင်ထားခဲ့၍ သူကိုယ်တိုင်က ဂျဲယ်မင်ရဲ့အိပ်ခန်းထဲသို့ ဝင်သွားသည်။ ဂျဲယ်မင်က ယောက်ျားလေးဖြစ်ပြီး ကိုယ်ပိုင်အခန်းထဲတွင် လွတ်လွတ်လပ်လပ် ရှိချင်ရှိနေနိုင်သည်။ အိပ်ခန်းက လော့မချထားပေ။ မနေ့ကမိတ်ဆက်ပွဲတွင် ဖြစ်ပျက်ခဲ့သော အကြောင်းအရာများပြီးနောက် ရှီိဒိုတစ်ယောက် စပ်စုချင်စိတ်ကြောင့် အိပ်မပျော်နိုင်ခဲ့ပေ။ လီဂျဲနိုနဲ့အတူတူ စင်ပေါ်တွင်ရပ်နေခဲ့တဲ့ နာဂျဲယ်မင်ရဲ့ ရင်တွင်းခံစားချက်များကို စာနှစ်မျက်နှာစာခန့် အင်တာဗျူးရေးချင်နေသည်။

"ဂျဲယ်မင် နာဂျဲယ်မင် အိပ်ပျော်နေ__ ဟိုလီရှစ်"

ဂျဲယ်မင်က အိပ်ပျော်နေသည်။ သို့သော် ကုတင်ပေါ်မှာမဟုတ်သလို လဲလျောင်းနေတာလည်း မဟုတ်။ ကြမ်းပြင်ထက်တွင် ပြတင်းပေါက်ကို မျက်နှာမူကာ နံရံကိုကျောမှီလျက် မျက်လုံးပိတ်ထားသည်။ ဒူးတစ်ဖက်တွင် လက်တင်လျက် ကျန်ခြေထောက်တစ်ချောင်းကို ကြမ်းပြင်တွင် ဆန့်တန်းထားသည်။ အမှန်တကယ်တော့ နာဂျဲယ်မင်မှာ မနေ့ကမနက်က အဝတ်အစားများအတိုင်း တစ်ရက်လုံးတစ်ညလုံး တစ်နေရာထဲတွင် တစ်ပုံစံထဲထိုင်နေခဲ့သည်ဟု ရှီဒိုမသိခဲ့ပေ။

"ဂျဲယ်မင် ဘာဖြစ်နေတာလဲ ငါတို့ကိုမခြောက်စမ်းနဲ့"

နာဂျဲယ်မင်က မျက်လုံးကို ဖြည်းဖြည်းချင်းဖွင့်လိုက်သည်။ ထို့နောက် အလင်းကိုပိတ်ဆို့ရန် လက်ဖြင့်အလျင်အမြန် ကာလိုက်သည်။

"ရှီဒိုလား?"

"ဟုတ်တယ် မင်းရဲ့ဒေါ်လေးလည်း အပြင်မှာရောက်နေတယ် အခုဘာဖြစ်နေတာလဲ မင်းအဆင်ပြေရဲ့လား"