Darling! [norenmin]

8 - Returnning home(1)

Im not the same
Now something went missing.
At best a cage it feel like a prison.
Here I said
Until you come back home.

-Lovesick fool (The Cab)

လေဆိပ်ရှေ့တွင် အမျိုးသမီးတစ်ဦးသည် ဇီးညိုရောင် ဘေးခွဲစကပ်ရှည်ကို အောက်ခြေတွင် အဖြူရောင်ပုလဲဖြင့် အလှဆင်ထားသော ဝတ်စုံကိုဝတ်လျက် ဆံပင်ရှည်များကို ခပ်လျော့လျော့ စုစည်းထားသည်။ မျက်နှာကို ဖုံးအုပ်ထားသော နေကာမျက်မှန်ကြောင့် သူမရဲ့ အသက်အရွယ်မှာ မှန်းဆရန်ခက်ခဲပြီး မြင်ရသမျှ ကိုယ်လုံးကိုယ်ပေါက်က မိမိုက်နေသည်။ လက်ရှိတွင် ထိုမိမိုက်နေသော အမျိုးသမီးက အနည်းငယ် ကို့ရို့ကားယား အမူအယာမျိုး ဖြစ်နေသည်။ ပြုံးဖြီးနေသော မျက်နှာထားနဲ့ လူငယ်တစ်ယောက်က သူမရဲ့လက်ကို မလွှတ်တမ်းဆွဲထား၍ စကားများ တတွတ်တွတ်ပြောနေသည်။

နောက်ဆုံးတွင် သူမရဲ့သည်းခံနိုင်စွမ်း ကုန်ဆုံးသွားပြီး ထိုလူကိုလက်မှဆွဲ၍ လေဆိပ်ထဲ ခေါ်သွင်းသွားတော့သည်။

ရန်ကျွင်က နောက်လှည့်၍ အန်းယူရီကို လက်ပြလိုက်ရင်း "ဒီအတောတွင်း ကျွန်တော့်ကို စောင့်ရှောက်ပေးခဲ့တာ ကျေးဇူးတင်ပါတယ် နောက်လည်း မကြာမကြာ လာလည်ပါ့မယ်"

ဟင့်အင်း မလာနဲ့တော့။

"ပြီးတော့ ဒေါက်တာနာကိုရော ပြောပေးပါဦးနော် ရုတ်တရက် ပြန်သွားရတာမလို့ နှုတ်မဆက်နိုင်တော့ဘူးလို့ နော် ဒေါ်လေး"

မပြောပေးဘူး ဘယ်သူကမှ မင်းရဲ့ဒေါ်လေး မဟုတ်ဘူး။

အန်းယူရီက အပြင်ပန်းတွင်တော့ ခပ်တောင့်တောင့်ပြုံးရင်း ခေါင်းတဆတ်ဆတ် ညိမ့်ပြလိုက်သည်။ လေးဆယ်ကျော်အရွယ် အမျိုးသမီး တစ်ယောက်အတွက် ညဘက်အိပ်ချိန်မှာ အလှအပရေးရာအရ အလွန် အရေးကြီးသည်။ လွန်ခဲ့သောရက်များက ဟွမ်ရန်ကျွင်ရှာသော ပြသနာများကြောင့် ညနက်သန်းခေါင် ထဖြေရှင်းရသည်မှာ အကြိမ်ပေါင်း မရေနိုင်အောင်ပင်။ ထို့ကြောင့် ရန်ကျွင်ပြန်သွားခြင်းမှာ သူမအတွက် မိုးခေါင်ရေရှားနတ်သမီး ကောင်းကင်နန်းတော်သို့ ပြန်သွားသည်နဲ့ သဘောတူညီသည်။

ရန်ကျွင်မှာ ထွက်လာစဥ်က လူတစ်ကိုယ်တည်းဖြစ်ပြီး ပြန်သောအခါလည်း မည်သည့် အထုပ်အပိုးမှမရှိ။ အဝတ်တစ်ထည် ကိုယ်တစ်ခုနဲ့ လိုက်သွားရုံသာ ဖြစ်သည်။