Darling! [norenmin]

19 - Frozed presents

After the snow melts
flowers should bloom.
If the fate has ended then
it shouldn't stat all over again.

-Shouldn't be (Jay Chou)

ဂျဲနိုက ဂျဲယ်မင်ရဲ့ပခုံးကိုပုတ်၍ အသိအမှတ်ပြုတဲ့အနေနဲ့ အားပေးလိုက်သည်။

"တွေ့လား အဲ့လောက်လည်းမခက်ပါဘူး"

အပြင်ဘက်တွင် ဧည့်သည်များထံမှ လက်ခုပ်သံက ပဲ့တင်ထပ်နေဆဲဖြစ်သည်။ ဂျဲယ်မင်မှာ လိုက်ကာနောက်သို့ ပြန်ဝင်ပြီးဖြစ်၍ ခေါင်းငိုက်စိုက်ကျလျက် ကြမ်းပြင်ကို စိုက်ကြည့်နေသည်။ ထိုအနေအထားတိုင်း စက္ကန့်အတော်ကြာ ရပ်နေခဲ့ပြီး ဂျဲနိုစိတ်မရှည်၍ ဆောင့်ဆွဲလိုက်သောအခါ ဂျဲယ်မင်ရဲ့ကိုယ်က ယိုင်ကျလာတော့သည်။ ဂျဲယ်မင်ရဲ့ လက်ချောင်းများမှာ အေးစက်နေသည်။ အနီးကပ် မြင်ရသောအခါ မျက်နှာထက်တွင် ချွေးစို့နေပြီး တုန်လှုပ်နေဆဲဖြစ်သော မျက်ဆံနက်များကို မြင်တွေ့နိုင်သည်။ ဂျဲနိုနားမလည်နိုင် ဖြစ်သွားရသည်။

"ဘာဖြစ်တာလဲ panic attack? social phobia? ဟေး ကိုယ့်ကိုယ်ကို သတိထားပါဦး"

ဂျဲယ်မင်က နံရံကိုလက်ထောက်၍ တည့်တည့်မတ်မတ်ရပ်ရန် အားပြုနေရသည်။ ထို့ကြောင့်ဂျဲနိုက အကူအညီရစေရန် လက်တစ်ဖက် ကမ်းပေးလိုက်သည်။ သို့သော်သူ့ရဲ့ ရှားရှားပါးပါးစေတနာများမှာ ငြင်းပယ်ခံရပြီး နာဂျဲယ်မင်က လျှောက်လမ်းအဆုံးရှိ သန့်စင်ခန်းသို့ဝင်သွားသည်။ ဂျဲနိုကထိုသူရဲ့ နိမ့်ချည်မြင့်ချည်ဖြစ်နေသော ပခုံးပြင်ကို ငေးကြည့်လိုက်သည်။ သူလုပ်ခဲ့သမျှမှာ နာဂျဲယ်မင်ကို လူအများရှေ့တွင် မိတ်ဆက်ပေးပြီး အင်တာဗျူးအနည်းငယ် ဖြေခိုင်းခဲ့ရုံသာဖြစ်သည်။ ဒါပေါ့ နာဂျဲယ်မင်တစ်ယောက် ထွက်မပြေးနိုင်အောင် ကင်မရာကွယ်ရာမှာ လက်ကောက်ဝတ်ကို တင်းတင်းဆုပ်ထားတာလည်း ထည့်ပြောရမည်။

တံခါးဝကိုပိတ်၍ရပ်နေသော ဂျဲနိုရဲ့ရှေ့တွင် မျက်နှာရေစိုစက်လက်နဲ့ လက်နှစ်ဖက်ကို ဘေစင်အောက်တွင် အသည်းအသန် ပွတ်ဆေးနေသော နာဂျဲယ်မင်ရှိနေသည်။ ဂျဲနိုလည်း နောက်မှထပ်ကြပ်မကွာ လိုက်လာခဲ့တာမှန်သည်။ သို့သော် အချိန်ခဏလေးအတွင်းမှာ ဂျဲယ်မင်ရဲ့မျက်နှာက ကြမ်းကြမ်းတမ်းတမ်း ဖိပွတ်ခံထားရသလို နီရဲနေခဲ့ပြီး လက်နှစ်ဖက်ပွတ်တိုက်နေတဲ့ အရှိန်နဲ့ဖိအားကလည်း များလွန်းသည်။ ဂျဲယ်မင်ရဲ့လှုပ်ရှားမှုများက ပုံမှန်စိတ်အခြေအနေ မဟုတ်သလို ပုံမှန်ထက်လွန်ကဲနေသလို ပြုမူနေသည်။