Darling! [norenmin]

48 - Days before chaos (1)

Once there's a wolf
there's a raven following around.
Cuz raven prefers to eat
with the wolf.

အိမ်ရှေ့ကြမ်းပြင်တွင် လီဂျဲနိုက ဆိုဒါအရသာပိုက်ချိုချဥ်ကို အခွံခွာပြီးနောက် အမွှေးပွအဖြူရောင် လက်နှစ်ဖက်ကြား ညှပ်ပေးလိုက်သည်။ နာဂျဲယ်မင်ရဲ့အိမ်သို့ ရောက်ပြီးနောက် ခွေးအဖြူလေးကို မခွဲနိုင်မခွာရက်ဖြစ်သွားသော ရန်ကျွင်က အတင်းရောဇွတ်ရော ပြန်ပေးဆွဲလာခဲ့သည်။ ဤသို့ဖြင့် ဂျဲနိုရဲ့လက်မှထွက်ခဲ့သော အဖြူလေးက ဂျဲနိုထံသို့ ပြန်ရောက်သွားရသည်။

ရန်ကျွင်အနေနဲ့ နာဂျဲယ်မင်ရဲ့ခွေးက လီဂျဲနိုနဲ့ ရင်းနှီးကျွမ်းဝင်နေတဲ့ကိစ္စကို သတိမထားမိခဲ့။

အပြင်ဘက်မှ ခြေသံကြားသောအခါ ခွေးအဖြူလေးက ပိုက်ချိုချဥ်ကိုက်လျက် အပြေးထွက်ကြိုသည်။ နာဂျဲယ်မင်ရဲ့အိမ်မှာ ညပေါင်းများစွာ အိပ်ပြီးနောက် သူ့ရဲ့ပိုင်ရှင်သတ်မှတ်မှုကို နာဂျဲယ်မင်ထံ ကူးပြောင်းခဲ့သည်။ အိမ်မွေးသတ္တဝါတွေက သူတို့ပိုင်ရှင်ရဲ့ ခြေသံကအစ မှတ်မိကြသည်။

"မနေ့က ရန်ကျွင်သူ့ကိုချီလာတော့ တကယ်အံ့သြသွားတာ"

ဂျဲနိုက လက်နှစ်ဖက်ခါကာ နာဂျဲယ်မင်ကို အားနာဟန်ကြည့်သည်။ သူ့မိသားစုရဲ့ ရန်ကျွင်က ခွေးပြန်ပေးဆွဲသမားလို ပြုမူလာတဲ့အတွက် အားနာနေခဲ့သည်။

"အင်း သူကအရင်ကတည်းက အဲ့လိုအကောင်လေးတွေတွေ့ရင် မကိုင်ဘဲမနေနိုင်ဘူး"

ဂျဲနိုက 'အရင်ကတည်းက'ဆိုတဲ့ အဓိပ္ပါယ်ကို လွန်ခဲ့တဲ့လများကဟု ယူဆကာ ခေါင်းညိမ့်သည်။ နာဂျဲယ်မင်တွင်လည်း ရှင်းပြစရာ အကြောင်းပြချက် မရှိပေ။

"အထဲမဝင်တော့ဘူးလား"

"ဟင့်အင်း ရန်ကျွင်ရော?"

ဂျဲနိုက နှုတ်ခမ်းမဲ့လိုက်သည်။ သူကဘာကို မကျေနပ်တာလည်း မပြောတတ်ပေမဲ့ နေရတာအဆင်မပြေ။ သို့သော် သူ့ရဲ့မသိစိတ်တွင် နာဂျဲယ်မင်ကိုလည်း သူတို့မိသားစုရဲ့ အစိတ်အပိုင်းတစ်ခုအဖြစ် လက်ခံထားရပြီး ဖြစ်သည်။

"မနေ့ညက ဟင်ဒရီပြန်ရောက်တယ် ရန်ကျွင်က မနက်အစောကြီးကတည်းက အဲ့ဒီရောက်သွားပြီ"