Darling! [norenmin]

40 - 2nd kiss

The ruthless shooting star
that shined for an instant.
Our prayers just disappeared
without ever reaching it.

-Comet (YOASOBI)

ရေချိုးခန်းတံခါးသည် ပိုင်ရှင်ထံမှ အကြမ်းပတမ်းတွန်းဖွင့်ခံရပြီး တံခါးဘေးကပ်လျက်ရှိ အစွန်းချွတ်ဆပ်ပြာ၊ ကြမ်းတိုက်ဆီဘူးတို့မှာ နေရာအနှံ့ လွင့်ထွက်ကုန်ကြသည်။ ထိုအမွှေးဆပ်ပြာတို့က ရေနဲ့ထိတွေ့သောအခါ ရေချိုးခန်းတစ်ခုလုံးကို အမွှေးရနံ့အမျိုးမျိုးဖြင့် လွှမ်းခြုံစေသည်။ မကြာခင်တွင် ရေပိုက်ခေါင်းဖွင့်သံနဲ့ တစ်စုံတစ်ယောက်ရဲ့ အစာအိမ် ပြောင်းပြန်လှန်မတတ် ထိုးအန်သံထွက်ပေါ်လာသည်။

နာဂျဲယ်မင်က ယိုင်ထိုးနေသောခြေလှမ်းများနဲ့ မှန်ရှေ့တွင်ရပ်ကာ သူ့ကိုယ်သူကြည့်သည်။ သူ့မျက်နှာပေါ်ရှိ အိမ်မက်ဆိုးမက်နေသလို အမူအယာမှာ ကြည့်ရဆိုးလွန်းသည်။ ထိုမျက်နှာထားကို ပြောင်းလဲရန်ကြိုးစား၍ ပြုံးကြည့်သော်လည်း ပါးနှစ်ဖက်စလုံး တောင့်တင်းနေပြီး အပြုံးတစ်ခုဖြစ်မလာခဲ့။ သူ့အတွင်းစိတ်ထဲတွင် မည်မျှအထိ ရွံရှာခံစားနေခဲ့ပြီး အကြည့်လွှဲချင်နေသည့်တိုင် လီဂျဲနိုရှေ့တွင် ဘာမှမဖြစ်သကဲ့သို့ ဟန်ဆောင်နေခဲ့ရသည်။ လွန်လွန်းသည်။

တိတ်ဆိတ်နေသော အခန်းတိုင်းကိုကြည့်၍ ရုတ်တရက်ကြီး တစ်ယောက်ထဲမနေချင်သလို ခံစားလိုက်ရသည်။

လီဂျဲနိုက ခုနလေးတင် အိမ်ရှေ့ထိပို့ပေးပြီး ထွက်သွားခဲ့သောကြောင့် ဝေးဝေးမရောက်နိုင်။ အိမ်ပြန်လမ်း တစ်နေနေရာတွင် ရှိနေလိမ့်မည်။ ထို့ကြောင့် ဆပ်ပြာမြုပ်များကို ကျော်ခွကာ ဖုန်းဖြင့်စာပို့လိုက်သည်။

"နာဂျဲယ်မင် ငါ့ကိုပြန်လှည့်ခိုင်းနေတာလား!! မင်းအိမ်ရှေ့မရောက်ခင် မီးပွိုင့်ဘယ်နှခုမိမလဲ သိ-..."

စာဝင်ဝင်သွားချင်း ဂျဲနိုထံမှ ဖုန်း​ပြန်ဆက်လာပြီး ဒေါသတကြီးအော်ငေါက်သံ ထွက်ပေါ်လာသည်။ ထို့ကြောင့် နားအကြားအာရုံကို ကာကွယ်တဲ့အနေနဲ့ ဖုန်းချလိုက်သည်။

ဂျဲယ်မင်က စိတ်ပျက်လက်ပျက်ဖြင့် ခေါင်းဦးတစ်လုံးဆွဲကာ ပြန်အိပ်ရန်ပြင်သည်။ သို့သော် နာရီဝက်ခန့်အကြာတွင် အိမ်ရှေ့သို့အနက်ရောင် Porscheတစ်စီး ဝင်လာသည်။