How do I ever know?
Who can I trust?
Feelings of emptiness.
Only love could kill me,
God bless!
-Power is power (game of thrones)
ဆေးရုံဟူသည် အခြားသောအများပြည်သူပိုင် နေရာများကဲ့သို့ပင် လူစည်ကားမပြတ်ရှိသည်။ ဝမ်းနည်းကြေကွဲသော မျက်နှာ၊ စိုးရိမ်ပူပင်သော မျက်နှာ၊ ပင်ပန်းနွမ်းနယ်သော မျက်နှာ၊ သေရေးရှင်ရေးတမျှ အလျင်လိုနေသောမျက်နှာ စသည်ဖြင့် အမျိုးစုံမြင်တွေ့နိုင်သည်။
ဤနေရာတွင် နာဂျဲယ်မင်ကို မမြင်တွေ့ရတာကြာပြီဖြစ်သော ဂျူတီကုတ်အဖြူရောင်ဖြင့် ပြန်တွေ့နိုင်သည်။ သို့သော် အောက်ထပ်မှကန်တင်းတွင် အေးအေးဆေးဆေး ကော်ဖီသောက်နေသည်ကို ကြည့်ခြင်းအားဖြင့် အလုပ်ကိစ္စမရှိကြောင်း သိနိုင်သည်။ မကြာခင်တွင် သူရှိနေသောစားပွဲဝိုင်းသို့ ဂျူတီကုတ်ဝတ်ထားသော အခြားတစ်ယောက် အပြေးရောက်လာသည်။
ထိုသူကရောက်ရောက်ချင်းပင် စားပွဲကိုမှီထိုင်လျက် ဂျဲယ်မင်ရဲ့ကော်ဖီခွက်ကို သူ့ရှေ့ဆွဲယူရင်း ညည်းညူလေသည်။
"လွန်ခဲ့တဲ့အတိတ်ကို ပြန်သွားပြီး ERဌာန ရွေးခဲ့တဲ့ကိုယ့်ကိုယ်ကို ပါးဖြတ်ရိုက်လိုက်ချင်တယ် အိမ်မက်ထဲမှာတောင် အသံလွှင်ရုံကနေ နာမည်ခေါ်သံကြားရင် လန့်လန့်နိုးတယ်"
"မင်းက အထွန့်တက်နေတာပဲ"
နာဂျဲယ်မင်ရဲ့စကားနောက်တွင် လေးလပိုင်းတွင်မွေးသဖြင့် ဆာဝေါ်ဟုခေါ်သော ထိုမိန်းကလေးက ထုံးစံအတိုင်း နှုတ်ခမ်းဆူပြသည်။
"ဒီလိုပါပဲ လွတ်လပ်မှုဆိုတာ ကိုယ်လုပ်ချင်တာ လုပ်ခွင့်ရရုံတင်မဟုတ်ဘူး မလုပ်ချင်တာတွေရော မလုပ်ဘဲနေလို့ရတာကို ခေါ်တာတဲ့။ ကျွန်မကတော့ မလုပ်ချင်တာတွေကို လုပ်ရင်းနဲ့ ပါးစပ်ကမကျေနပ်ကြောင်း ပြောခွင့်ရရင်တောင် အဆင်ပြေနေပါပြီ"
သူမက ပါးစပ်မှတတွတ်တွတ်ပြောရင်း လက်နဲ့လုပ်နေရတာကို အကျင့်ပါနေသည်။ ဥပမာ သူမနာမည်နဲ့ပတ်သက်၍ မိဘတွေကနာမည်ပေးရာတွင် ဘယ်လောက်ထိ ပြီးစလွယ်ဆန်ပြီး ပျင်းရိကြကြောင်း ညည်းညူလေ့ရှိသည်။
YOU ARE READING
Darling! [norenmin]
Fanfiction"Darling, I crave problems!" "the problem" "named NaJaemin." Norenmin Myanmar fan-fiction.
![Darling! [norenmin]](https://img.wattpad.com/cover/370773555-64-k429589.jpg)