Darling! [norenmin]

21 - Selfishness

Everytime I meet you,
I become selfish.
Like this, forever like this.
I don't need things like words,
please just look at me.

-Hanabi (J soul brothers)

ဇလုံထဲမှရေက အပူအအေးမျှတသွားသောအခါ ပုဝါတစ်ထည်ဖြင့် ရေစုပ်ယူလိုက်သည်။ ထို့နောက် ပုဝါကိုရေညှစ်ချပြီး ရန်ကျွင်ရဲ့မျက်နှာကို နဖူးမှစတင်၍ အဝတ်ဖြင့်သုတ်လိုက်သည်။ ရန်ကျွင်က ဖြည်းညှင်းစွာ မျက်လုံးပွင့်လာပြီး သူ့ရှေ့မှလူကို ဇဝေဇဝါကြည့်လာသည်။

"အိမ်မက်?"

"အိမ်မက်မဟုတ်ဘူး တကယ်ပါ" ဂျဲယ်မင်က ရေစိုဝတ်ကို လည်ပင်းအောက်သို့ လျောချလိုက်ရင်းဖြေသည်။

"တော်သေးလို့ မင်းဖြစ်နေလို့"

ရန်ကျွင်က ရင်ဘတ်ကိုလက်ဖြင့်ဖိကာ စိတ်သက်သာရာရစွာ သက်ပြင်းချသည်။ ထို့နောက် အတွင်းခံတစ်ထည်နဲ့ တီရှပ်သာဝတ်ထားသော သူ့ကိုယ်သူပြန်ကြည့်သည်။ သို့သော် ကိစ္စမရှိ သူနဲ့အတူရှိနေသူမှာ နာဂျဲယ်မင်ဖြစ်သဖြင့် အဝတ်အစားတစ်ချို့ ကင်းမဲ့နေခြင်းကို စိတ်ထဲမထားပေ။

"အခုတော့ ငါ့ကိုမှတ်မိသွားပြီလား"

"မင်းသိလား ငါလူလိမ်တစ်ယောက်နဲ့ တွေ့ခဲ့ပြီးတော့ ဒုက္ခရောက်တော့မလို့။ အဲ့ဒီလူကငါ့ကို တစ်နေနေရာ လိမ်ခေါ်သွားချင်တာ ငါကပါးပါးနပ်နပ်နဲ့ ငြင်းလိုက်လို့ရယ်"

ဂျဲယ်မင်က သူ့မျက်နှာကိုမော့စေသောအခါ ရန်ကျွင်က အလိုက်တသိပင် မျက်လုံးမှိတ်ပေးသည်။ ဟိုတယ်အခန်းထဲသို့ ပြန်ရောက်သည်ထိ လူလိမ်အကြောင်း ဆက်ပြောနေသေးသဖြင့် ပုံမှန်အသိစိတ်မရသေးတာ သေချာနေသည်။

"တော်တာပေါ့ မင်းက" နေရင်းထိုင်ရင်း လူလိမ်ကောင်ဖြစ်သွားရတဲ့ နာဂျဲယ်မင်က ချီးကျူးလိုက်သည်။

"အင်း ဒါနဲ့ငါဘယ်လိုလုပ် မင်းဆီရောက်လာတာလဲ"

ရန်ကျွင်ရဲ့လက်နှစ်ဖက်ကို ​ရှေ့ထုတ်စေပြီးနောက် ရေထဲနှစ်လိုက်သည်။ ထို့နောက် လက်တစ်ချောင်းချင်းစီနဲ့ လက်ဖဝါးပြင်များကို အဝတ်အခြောက်ဖြင့် သုတ်ပေးသည်။ ဂျဲယ်မင်က စဥ်းစားလိုက်သည်။ ဘီယာနံ့ထွက်နေသော ကျန်အဝတ်အစားများကိုလည်း လဲပေးသင့်သည်။ မဟုတ်ပါက အိပ်ယာခင်းနဲ့စောင်များကို အနံ့စွဲလိမ့်မည်။