Where love is great,
the littlest doubts are fear.
Where little fear grow great,
great love grows there.
-Hamlet, Shakespeare
အိပ်ရေးပျက်ပျင်းရိနေသော လူနှစ်ယောက်သည် မနက်စာအတွက် မှာထားသည်များကို အထုပ်ဖြေနေကြသည်။
"ဘာလို့ပီဇာကို ကြောက်စရာကောင်းအောင် လှီးနေတာလဲ"
စက်ဝိုင်းပုံပီဇာကို နောက်ထပ် စက်ဝိုင်းအသေးလေးတစ်ခု ထပ်လှီးနေသော နာဂျဲယ်မင်ကိုကြည့်၍ ဂျဲနိုကမေးလိုက်သည်။
"အလယ်သားတွေမကြိုက်လို့"
ထို့နောက် ဘေးအသားသက်သက် အစိတ်သေးသေးများပိုင်းကာ ခပ်တည်တည်နဲ့ စားနေသည်။
"ဒါဆို ကျန်တဲ့ဟာတွေကရော"
"ကြိုက်ရင်စား မကြိုက်ရင်လွှင့်ပစ်"
"စားစရာလား မင်းမကြိုက်လို့ဖယ်ထားတဲ့ အကျန်တွေကို"
ဂျဲနိုက ပြောပြောဆိုဆိုနဲ့ ပီဇာရဲ့အလယ်သားကို နည်းနည်းစားကြည့်သည်။ အမ်း စားလို့ကောင်းသည်။ နာဂျဲယ်မင်က ဘာကြောင့်များ မကြိုက်ရတာလဲ သူနားမလည်ပေ။ ဤသို့ဖြင့် သူ့စကားသူမေ့ကာ ဂျဲယ်မင်မကြိုက်သော အပိုင်းများကို လက်စသတ်ပေးမိသွားသည်။
"ဒေါက်တာနာ မင်းသိလားမင်းမှာ မဆိုစလောက်လေး ချစ်စရာကောင်းတဲ့ အသံရှိတယ် ဒါပေမဲ့ စကားပြောပုံကတော့ တစ်စက်မှအချိုးမပြေဘူး"
"ချီးကျူးနေတာလား ကဲ့ရဲ့နေတာလား" ပါးနှစ်ဖက်ဖောင်းနေသော နာဂျဲယ်မင်က ဗလုံးဗထွေးအသံနဲ့ ပြန်မေးသည်။
ဂျဲနိုက အလျင်စလိုစားသောက်ပြီး မကြာခင်တွင် သင့်တော်သောအင်္ကျီတစ်ထည် ကောက်ဝတ်၍ မှန်ကြည့်နေသည်။ ဒါပေါ့ အင်္ကျီကတော့ နာဂျဲယ်မင်ထံမှ ငှားယမ်းထားခြင်းဖြစ်သည်။ အစားအသောက်ဖြစ်စေ အခန်းဖြစ်စေ ဖြေရှင်းစရာကိစ္စများ မပြီးမပြတ်သ၍ နာဂျဲယ်မင်ဘေးနားတွင်သာ တွယ်ကပ်နေမည်။
"ဘယ်?"
မှန်ကြည့်လျက် ခေါင်းသေချာဖြီးနေသော လီဂျဲနိုကို နာဂျဲယ်မင်က အထူးတဆန်းကြည့်နေသည်။ စားသောက်နေရင်း ဖြတ်ပြောရသောကြောင့် လိုရင်းတိုရှင်းသာ အသံထွက်ပြီးမေးနိုင်သည်။
YOU ARE READING
Darling! [norenmin]
Fanfic"Darling, I crave problems!" "the problem" "named NaJaemin." Norenmin Myanmar fan-fiction.
![Darling! [norenmin]](https://img.wattpad.com/cover/370773555-64-k429589.jpg)