Darling! [norenmin]

15 - Dreaming Nightmare

In sleep he sang to me
In dreams he came
That voice which calls to me
And speaks my name

-Nightwish (Phantom of the Opera)

Warning : mention of suicide.

ဒစ်ဂျစ်တယ်နာရီမှာ ညဆယ့်နှစ်နာရီကို ဖော်ပြနေပြီး တီဗီဖန်သားပြင်တွင် ရုပ်ရှင်ဇာတ်လမ်းက ပြသနေဆဲဖြစ်သည်။ ကဖိန်းဓာတ်က လူကိုနိုးကြားစေသည်ဟု ပြောကြသော်လည်း အိတ်ပရက်ဆို အပိုလေးဆနဲ့ ဘလက်ကော်ဖီက ဒေါက်တာနာရဲ့ အိပ်စင်ခြင်းကို မဟန့်တားနိုင်ခဲ့ပေ။ ယခုလက်ရှိတွင် ဆိုဖာထက်မှာ စောင်ခြုံလျက်ပင် ဒူးနှစ်ဖက်ကိုပိုက်၍ အိပ်ပျော်နေသည်။ ကြုံတွေ့ခဲ့ရသော စိတ်အနှောင့်ယှက်များနဲ့ ဆန့်ကျင်စွာ သူ့မျက်နှာထက်တွင် သူကိုယ်တိုင်ပင်မသိသော အပြုံးတစ်ခုရှိနေပြီး အိမ်မက်ကောင်းတစ်ချို့ မက်နေဟန်ရသည်။

နှ​မြောစရာကောင်းတာက ပုံမှန်အချိန်များတွင် လှပသောအပြုံးနုနုကို ထုတ်ပြလေ့မရှိပေ။

'အခန်းဖော်ဂျဲယ်မင် ငါတို့နေရာချင်း လဲလို့ရမလား? ငါကအိပ်ရေးဆိုးတယ် အဲ့လောက်အမြင့်ကနေ ပြုတ်ကျလို့မဖြစ်ဘူး'

နေရာနောက်ခံက အဆောင်ခန်းတစ်ခု ဖြစ်နိုင်ပြီး အသံက နှစ်ထပ်ကုတင်ရဲ့ အပေါ်ထပ်မှ ထွက်ပေါ်လာသည်။ အိမ်မက်ထဲမှ ထိုစကားများကို ပြောဆိုနေသော အသံပိုင်ရှင်တွင် ရှက်ရွံ့မှုနဲ့အားနာမှုတို့ ရောစွက်နေသည်။ 

'ဂျဲယ်မင် အိမ်စာကူထပ်ပေးပါဦး ဂျဲယ်မင် ငါအတန်းလစ်ချင်လို့ ခွင့်တိုင်ပေးပါလား ဂျဲယ်မင် ကျောင်းအုပ်ရုံးခန်းက ကြောက်စရာကြီး တစ်ယောက်ထဲမသွားရဲဘူး ဂျဲယ်မင်... နာဂျဲယ်မင်'

ထိုလူရဲ့သဘောထားက သူ့အပေါ် လုံးလုံးမှီခိုနေသည်ဟုပင် ပြောလို့ရသည်။ သို့သော် သူကိုယ်တိုင်ကလည်း မကျေနပ်ခြင်း၊ ဝန်လေးခြင်းမရှိ ထိုကဲ့သို့တွယ်ကပ်ခံရခြင်းကို ကြိုက်နှစ်သက်ခဲ့သည်။

'ကြယ်ကြွေတော့ ငါဘာဆုတောင်းခဲ့လည်း သိလား? တစ်သက်လုံး ဂျဲယ်မင်နဲ့အတူတူ ရှိရပါစေလို့ ဆုတောင်းခဲ့တယ်။ ကြယ်ကဆုတောင်းကို မဖြည့်ပေးနိုင်ဘူး ဂျဲယ်မင်ကတော့ ဖြည့်ပေးနိုင်တယ်။ အဲ့တာကြောင့် ငါ့ဆုတောင်းကို မင်းကိုပြောပြတာ'