Darling! [norenmin]

50 - Days before chaos (3)

And I want you to love me
the way you love your family,
the way you love to show me
what it's like to be happy

-Happiness (Rex Orange County)

မနက်ခင်းတွင် အိပ်တစ်ဝက်နိုးတစ်ဝက် ဖြစ်နေသောဂျဲနိုက သူ့ဘေးမှလူကို ရင်ခွင်ထဲ ဆွဲသွင်းလိုက်သည်။ သို့သော် ထူးထူးဆန်းဆန်း ရန်ကျွင်ရဲ့ခါးက ပုံမှန်ထက် တောင့်တင်းနေတယ်လို့ ခံစားမိပြီး သေချာစစ်ဆေးမိသည်။ သူ့လက်များက တစ်ဖက်လူရဲ့ရင်ဘတ်နဲ့ ဝမ်းဗိုက်ပေါ်တွင် စန္ဒယားနှိပ်သလို ဖြတ်ပြေးနေသည်။ လက်ချောင်းထိပ်မှ မရင်းနှီးသော အထိအတွေ့ကြောင့် ဂျဲနိုခေါင်းရှုပ်သွားသည်။

"မနက်စောစောစီးစီးကိုကွာ ငြိမ်ငြိမ်နေစမ်း"

ဂျဲနိုက ရုတ်တရက် တောင်းပန်စကားပြောမိမလို ဖြစ်သွားသည်။ ပြသနာမှာ ကောင်လေးသံ မပျောက်သေးသော ထိုကြွတ်ဆပ်ဆပ်အသံက ရန်ကျွင်ရဲ့အသံ မဟုတ်ခဲ့။

သူက အလန့်တကြားဖြင့် ငုတ်တုပ်ထိုင်သည်။ ထိုအခါ သူနဲ့စောင်အတူခြုံထားတဲ့ လူကိုပါ ဆောင့်ဆွဲသလိုဖြစ်ပြီး တစ်ဖက်လူက ပက်လက်လန်သွားသည်။ ထို့နောက် ခေါင်းဦးထက်တွင် မကျေမနပ်နဲ့ နှုတ်ခမ်းမဲ့ထားသော မျက်နှာတစ်ခု ပေါ်ထွက်လာသည်။ ဂျဲနိုရဲ့ လက်မောင်းတွင် ကြက်သီးထလာသည်။ ထိုမျက်နှာကို မြင်လိုက်တဲ့အခိုက် မနေ့ညမှ အဖြစ်အပျက်များ အစီအရီပေါ်လာပြီး သူ့တစ်ကိုယ်လုံး ထူပူသွားသည်။

ဂျဲနိုက နာဂျဲယ်မင်ရဲ့စောင်အောက်ကို အသာအယာ လှန်ကြည့်သည်။

ရင်ဘတ်တွင် ကန့်လန့်ဖြတ်ထားသော ခါးပတ်ရာနီနီများ ပြည့်နှက်နေပြီး အချို့အစင်းကြောင်းများတွင် သွေးစို့နေသည်။ အကုန်လုံးက အိမ်မက်မဟုတ်ခဲ့။ စစ်မှန်လွန်းသဖြင့် ဘာဆက်လုပ်ရမှန်း မသိတော့တဲ့အထိ စစ်မှန်နေခဲ့သည်။

သူနဲ့နာဂျဲယ်မင်က အတူတူ အိပ်ခဲ့ကြတယ်။ ပုံမှန်လူတွေ စိတ်မကူးလောက်တဲ့ ကစားနည်းတွေနဲ့ ကစားခဲ့ကြတယ်။ ပြီးတော့ ဘာဆက်လုပ်ရမလဲ။

"ဂျဲယ်မင် ငါ့ကိုကြည့်ဦး အဆင်ပြေရဲ့လား ဘယ်လိုနေသေးလဲ ဘာလုပ်ပေးရမလဲ"