Darling! [norenmin]

28 - He dun love me anymore

Nothing to say,
nothing to do
And I've got nothing to give
I must live without you

-Too Close (Melanie Martinez)

မနက်ဆယ်နာရီထိုးချိန်တွင် အိပ်ချင်မူးတူး မျက်လုံးများဖြင့် ဟင်ဒရီအိပ်ယာနိုးလာသည်။ ပထမဆုံး ဖုန်းကိုဖွင့်ကြည့်သည်။ youtubeထဲဝင်၍ သူ့ရည်းစားဟောင်းရဲ့ နောက်ဆုံးတင်ထားသော ဖျော်ဖြေပွဲဗီဒီယိုကို တစ်ခေါက်ဖွင့်သည်။ တစ်ဆက်တည်းမှာပင် ယခုတစ်နှစ်အတွက် သုံးကြိမ်မြောက် ပြတ်ဆဲပြီးနောက်တွင် လေးကြိမ်မြောက် ပြန်ဆက်ရန်ကြံစည်နေသည်။

ဟင်ဒရီရဲ့အချစ်ရေးက လူအများလိုက်မမှီနိုင်သော လယ်ဗယ်တစ်ခုအထိ ရှုပ်ထွေးနေပြီးဖြစ်သည်။

ထို့နောက် အိမ်ရှေ့အခန်းဆီမှ ပစ္စည်းကျကွဲသံများ ကြားလိုက်ရသည်။ ရှစ်... အိမ်မှာသူတစ်ယောက်ထဲ မဟုတ်ဘူးဆိုတာ မေ့သွားခဲ့သည်။ ဟင်ဒရီက စိတ်ပျက်လက်ပျက်ဖြင့် ခေါင်းကိုထိုးဖွလျက် အသံလာရာသို့ ဦးတည်လိုက်သည်။ လိမ္မာလှတဲ့ မေ့မေ့သားလေးလီဂျဲနိုမှာ ပုလင်းကြီးပုလင်းငယ် ခြံရံလျက် ကြမ်းပြင်ပေါ်တွင်မှောက်နေသည်။ မနက်ခင်းတစ်ခုစတင်ရန် အကောင်းဆုံးမြင်ကွင်းပင်။

ထိုသောက်ကျိုးနည်းဖြစ်ရပ်မှာ မနေ့ကစဖြစ်ခဲ့ပြီး ယခုမနက်အထိလည်း မပြီးပြတ်သေးပေ။ သူသိရသည်မှာ ရန်ဖြစ်ပြီးနောက်တွင် စွန့်ပစ်ခံရသော ဇနီးလေးကဲ့သို့ လီဂျဲနိုတစ်ယောက် အိမ်ပေါ်မှဆင်းလာခြင်းဖြစ်သည်။ ထို့နောက် သူ့အိမ်တွင် သောင်တင်နေသည်။

"ဂျဲနို အိမ်ပြန်စမ်းပါကွာ ဘာကိစ္စပဲရှိရှိ မျက်နှာချင်းဆိုင်ဖြေရှင်းရမှာ ငကြောင်ကောင်လို လုပ်ပြနေရမှာမဟုတ်ဘူး"

မင်းငါ့အိမ်မှာနေပြီး ငါဖွက်ထားတဲ့ဘီယာပုလင်းတွေ ခိုးသောက်နေတာကို လက်မခံနိုင်ဘူး။

ဂျဲနိုက ခေါင်းယမ်းသည်။

"ဟင့်အင်း မပြန်ဘူး သူကငါ့ကိုမမြင်ချင်ဘူး ငါ့ကိုမလိုချင်ဘူးတဲ့"

ထိုစကားများမှာ ရောက်ကတည်းက ကျိန်စာတိုက်နေသလို ဂျဲနိုတတွတ်တွတ်ရွတ်နေသော အကြောင်းရာများဖြစ်သည်။ ထိုကောင်ရဲ့နှလုံးသားက ဖန်သားနဲ့လုပ်ထားသလိုမျိုး တစ်ချက်လောက် ထိမိခိုက်မိလိုက်တာနဲ့ ကွဲအက်လွယ်မှန်း သူမသိခဲ့ပေ။ ဟင်ဒရီက ဂျဲနိုလက်ထဲမှပုလင်းကို လုယူကာ သူ့ခွက်ထဲငှဲ့လိုက်သည်။ ဂျဲနိုအတွက်တော့ တစ်ခြားစျေးပေါတဲ့ဟာတစ်ခု ထည့်ပေးလိုက်သည်။