Darling! [norenmin]

43 - Who is Jaemin?

It's not that love can never
happen twice.
It's the kind of love that
never happens twice.

နာဂျဲယ်မင်ကို အင်တာဗျူးဖြေရန် ဖျောင်းဖျပြီးသော ရန်ကျွင်သည် ဟယ်ချန်းရဲ့အဖွဲ့နဲ့အတူ ဓာတ်လှေကားထဲမှ ထွက်လာသည်။ ဝန်ထမ်းများသီးသန့် ဓာတ်လှေကားကို သုံးခဲ့သဖြင့် သူ့ကိုယ်သူ ဤနေရာမှတာဝန်ရှိသူဟု သတ်မှတ်ထားကြောင်း တွေ့နိုင်သည်။ လူတွေက သူတို့ကိုစိတ်ဝင်စားစေမဲ့ တစ်ခုမဟုတ်တစ်ခုကို လုပ်နေရမှကျေနပ်တဲ့ သတ္တဝါများဖြစ်ကြသည်။ အားယားနေပါက မပျော်ရွှင်နိုင်ကြပေ။

ရန်ကျွင်က ဟယ်ချန်းနဲ့ပတ်သက်တဲ့ ကိစ္စများကို အာရုံစိုက်သည်။ လီဟယ်ချန်းက နာဂျဲယ်မင်ရဲ့မျက်နှာကြောင့် ရောက်လာခြင်းဖြစ်၍ နာဂျဲယ်မင်ကိုယ်စား သူကဂရုစိုက်ပေးသင့်သည်ဟု ယူဆထားသည်။

ယနေ့က ဂျီဆောင်းပါဝင်မဲ့ရုပ်ရှင်ရဲ့ မူရင်းစာရေးသူ ကျုံးချန်းလော့နဲ့ သွားရောက်တွေ့ဆုံရန် ချိန်းထားသောရက်ဖြစ်သည်။ ဟယ်ချန်းနဲ့ဂျီဆောင်းက ဝတ္ထုရဲ့ အင်္ဂလိပ်ဘာသာပြန်ကို အခေါက်ခေါက်အခါခါ ဖတ်ပြီးကြလေပြီ။ ရန်ကျွင်ကတော့ လွန်ခဲ့တဲ့တစ်ပတ်က စတင်၍ အပိုင်း၁၂၀၀ ကျော်သော အခန်းဆက်ဝတ္ထုကို မူရင်းဘာသာဖြင့် အပြီးဖတ်ခဲ့ရသည်။ ဝတ္ထုဖတ်ပြီးနောက် သူအသိချင်ဆုံး မေးခွန်းမှာ...

"ဟယ်ချန်း အဲ့တာက ဂေးဝတ္ထုမဟုတ်ဘူးလား"

ဇာတ်လိုက်မင်းသားက တအားဂေးလွန်းတယ်လေ။

"အမ်း အဲ့လိုတော့မဟုတ်ပါဘူး ကျုံးချန်းလော့က gay genreထည့်မထားဘူး။ ဒါပေမဲ့ဟုတ်တယ် မူရင်းဝတ္ထုရဲ့ ပရိတ်သတ်တွေက ဇာတ်ကောင်တွေကို သုံးပြီးရေးထားတဲ့ ဂေးဇာတ်လမ်းတွေရှိတယ်"

နာမည်ကြီး ဝတ္ထုတစ်ပုဒ်နောက်တွင် စာဖတ်သူတွေ ဉာဏ်ကွန့်မြူးထားတဲ့ စိတ်ကူးယဥ်ဇာတ်လမ်း သေးသေးလေးများ ရှိကြသည်။ ထိုဇာတ်လမ်းလေးများမှာ ပရိတ်သတ်ထံမှ ထွက်လာခြင်းဖြစ်၍ မူရင်းစာရေးသူများက လွှတ်ထားပေးလေ့ရှိသည်။

"ကျုံးချန်းလော့က သူ့ကိုယ်သူ ဂေးဝတ္ထုရေးနေမိမှန်း သတိမထားမိဘူးပေါ့"