Darling! [norenmin]

24 - Sin and Vow

Things that I've done wrong
Things that I hated.
I'm still fighting them,
and where is the ending?

-Pray (Angel of Death)

ဂျဲနိုပို့လိုက်တဲ့စာကို မြင်မြင်ချင်း ဟင်ဒရီအတွက် ဘယ်လိုတုံ့ပြန်ရမှန်းမသိ ဖြစ်သွားခဲ့သည်။ မနေ့ညက သူတို့နှစ်ယောက်စလုံး အမြီးကုပ်ပြေးရင်းနဲ့ လမ်းတစ်ဝက်မှာ တစ်လမ်းစီခွဲထွက်ခဲ့ရသည်။ သို့သော်ထိုအကောင်က တစ်ညလုံး ပြန်မဆက်သွယ်ခဲ့။ သူ့ကိုပုံမှန်လစာပေးဖို့၊ ဂျာမန်သူ မော်ဒယ်အချောလေးတွေနဲ့ မိတ်ဆက်ပေးဖို့ တစ်စုံတစ်ယောက်ကို မလိုအပ်ခဲ့ဘူးဆိုရင် သူလီဂျဲနိုကို ချောင်းရိုက်ပြီးတာကြာလောက်ပြီ။

သူက ပို့ထားသောလိပ်စာအတိုင်း လာခဲ့သည်။ သို့သော်တံခါးဝတွင် ပုံပျက်နေသော လျှပ်စစ်သော့အိမ်ကို မြင်တွေ့ရသောအခါ အခန်းနံပါတ်မှန်မမှန် ပြန်စစ်ကြည့်မိသည်။

ကိုယ့်နောက်ကို လူတွေလိုက်နေတဲ့အချိန် တစ်ယောက်ယောက်ထံ ဦးတည်၍ပြေးလာခြင်းက ထိုတစ်ယောက်ကိုပါ ပြသနာထဲဆွဲသွင်းတာနဲ့ အတူတူပင်။ ဘယ်ကံမကောင်းရှာတဲ့ သနားစရာသတ္တဝါကများ အလကားနေ အချောင်ရိုက်ခံရသလဲ သိချင်မိသည်။

ထို့နောက် သူသိလိုက်ရသည်။

"နာဂျဲယ်မင်!!!"

အခန်းတွင်းတွင် ညှပ်တစ်ချောင်းနဲ့ အမှိုက်ကောက်နေတဲ့သူက ဟင်ဒရီကို မျက်မှောင်ကြုပ်၍ လှည့်ကြည့်လာသည်။

"မင်း ငါ့ကိုသိတယ်?"

သိတာပေါ့ သောက်ကျိုးများ...
အဲ့ဒီနာမည်က ရန်ကျွင်ရဲ့ပါးစပ်ကနေ ကျိန်စာတိုက်သလိုကို ထွက်နေတာ။

ထို့နောက်ဟင်ဒရီက အထဲဝင်လာပြီး သူ့အိမ်သူ့ရာကဲ့သို့ လွတ်လွတ်လပ်လပ် ဝင်ထိုင်လိုက်သည်။ ဧည့်ခန်းရဲ့ကြမ်းပြင်တွင် ဟိုဟိုဒီဒီလွှင့်ထားသော လိမ္မော်သီးခွံများ၊ ချွတ်ချထားတဲ့အဝတ်တွေနဲ့ အခြားသောအတိုအစများ ပြန့်ကျဲနေသည်။ နာဂျဲယ်မင်က ထိုအရာများကို အလွန်အမင်းမုန်သုန်နေသော မျက်နှာထားဖြင့် လိုက်ကောက်နေသည်။

မကြာခင်ပင် တဘတ်တစ်ထည် ခေါင်းပေါင်တင်ထားသော လီဂျဲနိုထွက်လာသည်။