Darling! [norenmin]

26 - not Jealous but

Baby is it me or
are you doing something to me?
When you smile, it shines
but somehow you are lying inside.

-Baby dun like it (NCT)

ကားပါကင်သို့ဦးတည်သော လမ်းတစ်လျှောက်တွင် ​နှေးကွေးသောခြေလှမ်းများက ဂျဲနိုအတွက် လှုပ်လှုပ်ရှားရှားလုပ်ဖို့ အဆင်မပြေသေးမှန်း သိသာစေသည်။ ရန်ကျွင် သတိထားမိသောအခါ အကူအညီရစေရန် လက်မောင်းအောက်သို့ လက်လျှိုဝင်၍ ထိန်းပေးလိုက်သည်။ သို့သော် စိတ်ဆိုးမပြေနေသော တစ်စုံတစ်ယောက်က ထိုအကူအညီကို ဖယ်ထုတ်လိုက်သည်။

"ဘယ်တုန်းက ပြန်ရောက်တာလဲ"

လက်အဖယ်ခံရသောရန်ကျွင်က ခြေတစ်လှမ်းစာအထိ ဘေးသို့ခွာသွားပြီး အသံတိုးတိုးဖြင့် မေးလိုက်သည်။

"အရင်တစ်နေ့က"

ဂျဲနိုက တိုတိုတုတ်တုတ်သာ ပြန်ဖြေလိုက်သည်။ သူစောင့်နေသည် နောက်ထပ်မေးလာမဲ့ မေးခွန်းများကို စောင့်နေသည်။ ဥပမာ ဘာလို့အိမ်မပြန်တာလဲ၊ ဘယ်ရောက်နေတာလဲ၊ ဘာလို့ဖုန်းမဆက်တာလဲ စသည်ဖြင့်။ သို့သော်ရန်ကျွင်ဘက်က 'အော်'ဟုသာပြန်ဖြေ၍ တိတ်ဆိတ်သွားပြန်သည်။

ထိုကဲ့သို့ သိချင်စိတ်နည်းပါးသော ဂရုမမူသောသဘောထားက ဂျဲနိုရဲ့နှလုံးသားကို ကုတ်ခြစ်နေသကဲ့သို့ ကသိကအောက်ဖြစ်စေသည်။ သူမပျော်နိုင်တော့ပေ။

"မင်းလည်းကြားတယ်မလား ကိုယ်နဲ့ပတ်သက်တဲ့ ကောလဟာလတွေရှိတယ်လေ အဲ့တာတွေရှင်းနေရတယ်"

ဘယ်သူကမှမမေးသောအခါ သူ့အတွက်သူ ရှင်းပြနေရသည်။ ပထမဆုံးအနေနဲ့ ထိုသတင်းကိုကြားချိန်တွင် သူသတိရလိုက်တာက ရန်ကျွင်သာဖြစ်သည်။ ရန်ကျွင်သိသွားရင် ဘယ်လိုတုံ့ပြန်မလဲ၊ စိတ်ဆိုးနေမယ် ဒေါသထွက်မယ် သဝန်တိုမယ် ဝမ်းနည်းမယ် စသည်ဖြင့်ပုံစံအမျိုးမျိုး စိတ်ကူးယဥ်ကြည့်သည်။ မျှော်လင့်ထားသည်နဲ့ ဆန့်ကျင်စွာ ဘာမှမခံစားရသကဲ့သို့ လုပ်ပြနေသော ဟွမ်ရန်ကျွင်ကိုတော့ သည်းမခံနိုင်ပေ။

"တစ်ဝက်" ရန်ကျွင်က နားထောင်နေရာမှ ဖြတ်ပြောလိုက်သည်။

ဂျဲနိုက ရှေ့ခန်းမှဒရိုင်ဘာကို အိမ်အရင်သွားရန် ခိုင်းလိုက်သည်။ ထို့နောက် ရန်ကျွင်ဘက်သို့လှည့်ကာ ဆက်ပြောရန် မေးဆတ်ပြလိုက်သည်။