Darling! [norenmin]

22 - troublesome hug

I see your monsters
I see your pain
Tell me your problems
I'll chase them away

-Monsters (Katie Sky)

ရှီဒိုက အပြုံးတစ်ခုဖြင့် အားနာဟန်ပြပြီးနောက် ဖုန်းဖြေရန်အတွက် အခန်းပြင်ထွက်သွားသည်။ ထိုအခိုက်အတန့်တွင် တစ်ဖက်ထိုင်ခုံမှ လီဟယ်ချန်းက နာဂျဲယ်မင်ဘေးသို့ ရွှေ့လာပြီး ခိုးကြောင်ခိုးဝှက်လေသံဖြင့် မေးသည်။

"ဆိုတော့ မနေ့ညကဘယ်လိုဖြစ်သွားလဲ မြန်မြန်ပြောပြ မြန်မြန်ပြောပြ"

"ဘာကိုဖြစ်တာ?" ရုတ်တရက်ကြီး ဘာတွေမေးနေတာလဲ ဂျဲယ်မင်နားမလည်ခဲ့ပေ။

"ရန်ဂျွန်းဆိုတဲ့ တစ်ယောက်နဲ့လေ"

"ရန်ကျွင်" သူက အမှန်ပြင်ပေးလိုက်သည်။

ဟယ်ချန်းရဲ့မျက်လုံးများက စိတ်အားထက်သန်မှုဖြင့် အရောင်လက်နေပြီး သူနားထောင်ရမဲ့ အတင်းအဖျင်းအပေါ် များစွာမျှော်လင့်နေသည်။ သို့သော် ဒေါက်တာနာက ဘယ်သူပါလဲ။ နာဂျဲယ်မင်ပါးစပ်မှ တစ်ခုခုကြားရရန် မျှော်လင့်နေခြင်းမှာ အချည်းနှီးသာဖြစ်သည်။

"လီဟယ်ချန်း... သူတို့ကုမ္ပဏီက သရုပ်ဆောင်အပိုင်းကို ဦးစားပေးပြီးတော့ သူ့လက်အောက်မှာ အနုပညာရှင်သုံးယောက်ရှိတယ်။ သူတို့ထဲကတစ်ယောက်က ကလေးသရုပ်ဆောင်အနေနဲ့ နာမည်ကြီးခဲ့ပြီး အခုချိန်ထိလည်း အမာခံပရိတ်သတ်တွေ ရထားတယ်။ ပြီးတော့ လီဟယ်ချန်းကိုယ်တိုင်က အိုင်ဒေါဟောင်းဆိုတော့ အဆက်အသွယ်တွေ အများကြီးရှိတယ်"

ခပ်လှမ်းလှမ်းတွင် မကျေမနပ်မျက်နှာပေးနဲ့ တစ်ခုခုမှာနေသော လီဟယ်ချန်းကိုကြည့်၍ ရှီဒိုက အကဲဖြတ်လိုက်သည်။ ထို့နောက် ဂျဲယ်မင်ဘက်သို့လှည့်ကာ မေးခွန်းထုတ်သည်။

"အဲ့လိုလူမျိုးကို ဘယ်ကနေရှာတွေ့ခဲ့တာလဲ"

"ရှာတွေ့တာမဟုတ်ဘူး ဒေါ်လေးမိတ်ဆက်ပေးတာ"

သူတို့ရဲ့အမ်ဘာက အိုင်ဒေါအဖွဲ့တစ်ခုနဲ့ မော်ဒယ် နည်းနည်းပါးပါးရှိသော အနုပညာကုမ္ပဏီဖြစ်သည်။ စာချုပ်ချုပ်ထားသော ဖြစ်ဖြစ်မြောက်မြောက် သရုပ်ဆောင် အရေအတွက်မှာ လက်တစ်ဖက်ပင်မပြည့်။ ထို့ကြောင့် လီဟယ်ချန်းအပါအဝင် သူတာဝန်ယူထားတဲ့ သရုပ်ဆောင်သုံးယောက်လုံး ပြောင်းရွှေ့လာခြင်းက ကြီးမားသောလှုပ်ရှားမှုဟု ပြောရလိမ့်မည်။ တစ်ဖက်ကုမ္ပဏီကို ပေးဆောင်ရမည့် စာချုပ်လျော်ကြေးငွေပါ ထည့်တွက်သောအခါ အငြင်းပွားမှုများ ရှိလာနိုင်သည်။