Darling! [norenmin]

46 - You put a fever inside me

We were in a very weird
and strange relationship
We crush each other
and hug each other

-Psycho (Red Velvet)

နှစ်ယောက်အိပ်ကုတင်များကို အခန်းအလယ်တွင် ထားရခြင်းအကြောင်းက နှစ်ဖက်စလုံးမှ တက်အိပ်နိုင်ရန်ဖြစ်သည်။ ပုံမှန်အားဖြင့် ဂျဲနိုကအရင် အိပ်ယာဝင်သွားသော ညများတွင် ရန်ကျွင်က သူ့နေရာသူရောက်ရန် အပြင်ဘက်ကလူကို ကျော်ခွသွားလေ့ရှိသည်။ ဂျဲနိုက နံရံကပ်ထားသော ကုတင်ရဲ့ အစွန်းဘက်တွင် ခပ်လျောလျောထိုင်ကာ ဖုန်းကြည့်နေသည်။ စောင်လွတ်နေသော ခန္ဓာကိုယ်အထက်ပိုင်းမှာ ဗလာဖြစ်နေပြီး အောက်ပိုင်းမှာရော တစ်ခုခုဝတ်ထားမထား မသိနိုင်။ ခြုံစောင်က ထူသောကြောင့် သေချာမမြင်ရပေ။

ရန်ကျွင်က ကုတင်ခြေရင်းမှ တရွေ့ရွေ့တက်လာပြီး ဂျဲနိုရဲ့ဘေးတွင် ဝင်လှဲသည်။ ထို့နောက် စောင်ထဲလျှိုဝင်ကာ ခြေထောက်ချင်း ထိကြည့်သည်။ ကောင်းတယ် ဘောင်းဘီတော့ ဝတ်ထားသေးတယ်။

"နာဂျဲယ်မင်က ဘာအတွက်လာတာလဲ"

ဂျဲနိုက ဖုန်းမှအကြည့်ခွာကာ ဘေးနားတွင် လှုပ်စိလှုပ်စိလုပ်နေသော ရန်ကျွင်ထံ အာရုံစိုက်လိုက်သည်။

"သူ့အဖေရဲ့ သူငယ်ချင်းတစ်ယောက်က သူ့ကိုအလည်ဖိတ်လို့ ကျွန်တော့်ကိုရော အတူတူလိုက်ခဲ့စေချင်တာတဲ့"

နာဂျဲယ်မင်သည် ထိုကိစ္စကို ဖုန်းနဲ့ဆက်ပြောပါက အကျိုးသက်ရောက်မှုနည်းမှာ စိုးရိမ်တဲ့အလား ကိုယ်တိုင်လာပြောခဲ့သည်။

"ဒါပေမဲ့ ငြင်းလိုက်တယ်" ရန်ကျွင်က ဆက်လက်ပြောသည်။

ဂျဲနိုက အနည်းငယ်အံ့သြနေသော အမူအယာနဲ့ ရန်ကျွင်ကို ကြည့်မိသည်။ သူသိသလောက်ဆိုရင် ရန်ကျွင်က နာဂျဲယ်မင်နဲ့ပတ်သက်ရင် ဘယ်တုန်းကမှ မငြင်းဖူးခဲ့။

"မနက်ဖြန် 23ရက်နေ့လေ မေ့သွားပြီလား။ အရေးကြီးကိစ္စမရှိသ၍ 23ရက်နေ့တိုင်း တစ်ယောာက်ကိုတစ်ယောက် အချိန်ပေးကြတာလေ"

ရန်ကျွင်က ဂျဲနိုအနားသို့ ပိုတိုးကပ်သွားပြီး အဝတ်မဲ့နေသော ရင်ဘတ်ပြင်ပေါ် မျက်နှာအပ်လိုက်သည်။