သားပေါက်လေးတွေကိုပျိုးထောင်မယ်

chapter 42

Chapter 42
July 15, 2024
🐯Chapter 42

လူသစ်ပြိုင်ပွဲစတင်ပြီး နာရီဝက်အကြာ ခြောက်နာရီခွဲတွင် ကြည့်ရှုသူပရိသတ် ၁သိန်းအထိ ရှိလာခဲ့သည်။

ကြယ်တာရာမြို့​တော်တစ်ခုလုံး၏ ဤမျှများပြားသောလူဦးရေဖြင့် တွက်ကြည့်လျှင် အလွန်များပြားပုံမပေါ်သော်လည်း ကုယွီမြန် ယခု တိုက်ရိုက်ထုတ်လွှင့်​​နေသည်မှာ နာရီဝက်ခန့်သာရှိ​သေးသည်။

ထုတ်လွှင့်ခြင်းဆိုင်ရာ စည်းမျဉ်းများနှင့် ရင်းနှီးသူတိုင်း မည်သည့်အရာများဖြစ်ပျက်​နေသည်ကို သိကြပေသည်။

{ထုတ်လွှင့်မှုမစတင်မီ နာရီဝက်အလိုသည် သာမန်အကြံပြုသူများနှင့် အတုအယောင် အကြံပြုသူများအား စီစစ်ရှာ​ဖွေသည့်ကာလဖြစ်သည် }

ထုတ်လွှင့်မှုမစတင်မီ နာရီဝက်အလိုတွင် တိုက်ရိုက်ထုတ်လွှင့်သည့်အခန်းက စနစ်ထဲသို့ ၀င်ရောက်မည်မဟုတ်သောကြောင့် ၎င်းကို ထည့်သွင်းစဥ်းစားလိမ့်မည်မဟုတ်​ပေ။ ယေဘုယျအားဖြင့်ပြောရလျှင် တိုက်ရိုက်ထုတ်လွှင့်သည့်အခန်းထဲသို့ အချိန်ကိုက်ဝင်​ရောက်​လေ့ရှိ​သော ပရိတ်သတ်​ဟောင်းများမှလွဲ၍ ဤအချိန်၌ ပရိသတ်များက တဟုန်ထိုးတက်​လေ့ရှိပြီး ပရိသတ်အ​ရေအတွက်မှာ နာရီဝက်အတွင်း တည်ငြိမ်သွားတတ်သည်။

လူသစ်တင်ဆက်သူတစ်ဦးအနေဖြင့် ကုယွီမြန်တွင် ယခင်ကရှိ​သော ပရိသတ်အ​ဟောင်းများက တစ်သိန်းထက် နည်း​ပေသည်။

အဆိုပါကြော်ငြာ၏ကျော်ကြားမှုနှင့် ကြယ်တာရာ​ကောင်းကင်၏ တရားဝင်လူသိရှင်ကြားထုတ်ပြန်ခြင်းက အမှန်တကယ်ပင် အသုံးဝင်သော်လည်း ၎င်က ယမန်နေ့ညကထက် စွမ်းအားကြီးနိုင်လိမ့်မည်မဟုတ်ပေ။ ထို့အပြင် နာရီဝက်သာ ရှိသေးသည်။ လူအတော်များများက ကုယွီမြန် တိုက်ရိုက်ထုတ်လွှင့်နေကြောင်း မသိခဲ့ကြ​ပေ။

တာ့ခ်ဂြိုဟ်​ပေါ်တွင် ခီရီက သူမလက်ချောင်းများဖြင့် ဒေတာကို ရေတွက်​နေခဲ့သည်။

"ပရိသတ် ၁၀၀,၀၀၀ ထဲက ၈၀,၀၀၀ လောက်က မြို့​တော်က​နေရလာတဲ့ ပရိသတ်အသစ်​တွေပဲ… ဒီအရှိန်နဲ့ဆိုရင် တစ်နာရီအတွင်း ပရိသတ်တစ်သန်း​ကျော်ဖို့​တောင် ပြဿနာရှိမှာမဟုတ်ဘူး…"