သားပေါက်လေးတွေကိုပျိုးထောင်မယ်

chapter 47

Chapter 47
July 17, 2024
🐯Chapter 47

ထိုအချိန်တွင် တိုက်ရိုက်ထုတ်လွှင့်မှုသည် တုန်းဖိုအသား၏အရသာမြည်းစမ်းသည့် အဆင့်သို့သွားနေသည်။ အနီရောင်တောက်ပြောင်နေသော တုန်းဖိုအသားကို အဖြူရောင်ကြွေထည်ပေါ်တွင် တင်ထားပြီး ပဲငံပြာရည်အပျစ်ကို အသားပေါ်တွင် လောင်းချထားသည်။ သကြားညိုရည်၏ အရသာ ပေါင်းစပ်နေသည့် ဝက်ဗိုက်သားက ကြွပ်ရွ၊ ချိုမြိန်ပြီး နူးညံ့နေကြောင်းကို တွေ့နိုင်ပေသည်။

မေမေလီ အံ့ဩသွားသည်။

" တုန်းဖို အသားလား…အိုး သူက လူသားလား… "

ကမ္ဘာဂြိုလ် ပျက်စီးခဲ့စဉ်က အရာများစွာ ဆုံးရှုံးသွားခဲ့သောကြောင့် သူမတို့၏ ပရောဂျက်အဖွဲ့က လက်ရှိတွင် ရှေးဟောင်းကမ္ဘာမြေ၏ အသိပညာများကို ပြန်လည်ရှာဖွေရေးနှင့် ပြန်လည်ထူထောင်ရေးလုပ်ငန်းစဉ်တွင် ပါဝင်နေကြသည်။ မကြာသေးမီတွင် သူတို့က အစားအသောက်ဆိုင်ရာ လေ့လာမှုတစ်ခု ပြုလုပ်ခဲ့ကြသည်။ တုန်းဖိုဝက်သားက ရှေးတရုတ်ပြည်တွင် ကျော်ကြားသော ဟင်းတစ်မျိုးဖြစ်သော်လည်း သူတို့ ကိုးကားချက် အနည်းငယ်ကိုသာ တွေ့ရှိခဲ့သည်။

သီအိုရီအရဆိုပါက ထိုအရာက ပျောက်ဆုံးနေသင့်သည်။

သို့သော်လည်း အချိန်နှင့်အာကာသဖြတ်သန်းမှုဟူသည်ကို သူမ မစဉ်းစားမိခဲ့ပေ။ သိပ္ပံနှင့်နည်းပညာ၏အစွမ်းထက်ဆုံးနယ်ပယ်တွင်ပင် ကုယွီမြန်က အချိန်နှင့်အာကာသကိုဖြတ်ကျော်လာနိုင်သည်ကို သူမ မသိခဲ့ပေ။

အနည်းငယ်ခန့် တွေးလိုက်သည်နှင့် သူတို့ နားလည်လာနိုင်လိမ့်မည်ဖြစ်သည်။ အမှန်တွင် လူသားများက မျိုးသုဉ်းခြင်း မရှိသေးသော်လည်း ဤတင်ဆက်သူက လူသားဖြစ်ပြီး သိသိသာသာကိုပင် အာရှသားဖြစ်နေသည်။ မိသားစုတွင် လျှို့ဝှက်အမွေများ ရထားသည်လည်း ဖြစ်နိုင်သည်။

"ဒါကို ဘယ်မှာကြည့်လို့ရမလဲ… သမီးရဲ့ နောက်ဆုံးစာမေးပွဲစာတမ်းထက် ဘယ်အရာက ပိုဆွဲဆောင်မှု ရှိနေလဲဆိုတာ အမေကြည့်ပါရစေဦး…"

ဤ တုန်းဖိုအသားက မေမေလီ၏ စူးစမ်းလိုစိတ်ကို နှိုးဆွပေးခဲ့သည်။