Tales of Galfia

CHAPTER 37: Heroic Flames

Habang tumatakbo sina Kraden at mga kasama niya palayo sa lugar ng labanan ay bigla nilang nasalubong si Orleno.

Napalingon si Kraden at tinawag si Orleno.

Hoy bata! Wag kang pumunta diyan nandiyan ang halimaw!

Sigaw ni Kraden.

Saglit na tumigil at lumingon din si Orleno.

Ililigtas ko ang bayang ito mula sa halimaw. Isa akong Mage.

Sagot naman ni Orleno.

Masyadong malakas ang halimaw hindi ka makakaligtas kapag nakipaglaban ka sa kanya!

Hindi! Kaya ko to! Hindi ako tulad niyo!! Mga duwag!

Sigaw ni Orleno kila Kraden sabay takbo patungo sa kinaroroonan ng halimaw.

Tumagos naman sa puso ni Kraden ang sinabing iyon ni Orleno.

Duwag? Isa ba akong duwag? O iniisip ko lang ang mga kasama ko? Kaduwagan ba ang tumakas sa kapahamakan?

Biglang naguluhan si Kraden.

Nawala na ang hilo ni Rigor at nahimasmasan na din si Lilica.

Rigor! Lilica! Magtungo kayo sa may plaza doon ko iniwan saglit yung babae. Dali!

Sabi ni Kraden sa dalawa.

Pero saan ka pupunta? Wag mong sabibin na babalik ka doon?

Tanong ni Lilica.

Basta puntahan niyo na yung babae!

Bakit ba ang tigas ng ulo mo kraden?! Hindi mo ba alam sobrang natakot ako kanina? Isipin mo naman may nag aalala sayo!

Sigaw ni Lilica.

Bigla namang lumapit si Rigor.

Lilica. Wala ka pa rin bang tiwala kay Kraden?

Tanong ni Rigor.

Hindi tiwala yung pinaguusapan dito. Hindi lang basta pirata ang kalaban niya ngayon kung hindi isang halimaw! Halimaw Rigor! Wala nga tayong nagawa hindi ba? Kahit ikaw Rigor. Walang nagawa yung maso mo sa dipensa na bumabalot sa halimaw na iyon kaya..

Pero pag lingon ni Lilica ay wala na si Kraden.

Tayo na kanina pa siya umalis.

Sabi ni Rigor.

Ang tigas talaga ng ulo mo KRADEN!!

Magbalik tayo sa labanan.

Naloko na. Kailangan ko munang lumayo dito. Gagamitin na niya ang Forest Demon Form.

Sabi ni Wesley.

GRRRAAAAHHHH!!! GUSTO MO NG DIGMAAN NG HALIMAW?! IBIBIGAY KO SAYO!!

LIFE STREAM RELEASE!! FOREST DEMON FORM!!

Biglang namula ang buong katawan ni Dekard dahil sa pag bukas ng kanyang Life Stream. Kapag ginawa ito ng kahit na sinong may kakayahan na gawin iyon ay magiging sampung beses ang lakas at bilis nito. Bibilis din ang paghilom ng mga sugat ng 20x.

GRRRRAAAAHHHH!!!!!

At tuluyan na ngang nakuha ni Dekard ang Forest Demon Form.

Hahaha. Siguro naman ngayon patas na ang laban.

Sabi ni Dekard.

Pero parang may kakaiba sa Garm.

Unti unting kumakapal ang baluti nito na gawa sa yelo.