Tales of Galfia

CHAPTER 52: The Hidden Plot

Samantala sa Zargrand.

Muling nagpulong ang mga matataas na pinuno ng Zargand Army ngunit sa isang sikretong lokasyon.

May mga ulat na nagmula sa B.H.G na may hindi kilalang lalaki na nasangkot sa isang kaguluhan sa Beril.. Malakas ang hinala ko na si Kraden Ballestine ang taong iyon.

Sabi ni Heneral Kittler

Paano ka naman nakakasigurado doon Heneral Kittler?

Tanong ni Heneral Yuven.

Ayon muli sa ulat ay isang taong may suot na baluti ang nasangkot sa kaguluhan doon. Malakas talaga ang kutob ko Sottier.

Sabi ni Valcrow.

At biglang may dumating na isang tao na pababa ng hagdan.

Step! Step! Step!(sfx)(Footsteps)

Ikaw pala Indigo.. May kasama ka pa ba?

Tanong ni Heneral Sottier.

Oo kasama ko si Ministro Orbos.

Sagot ni Indigo.

Hmm.. Tutal ay kumpleto na tayo ay simulan na natin ang lihim na pulong na ito.

Sabi ng ministro.

Si Indigo naman ay tila palingalinga at tila may hinahanap.

Siya nga pala.. Nasaan si Heneral Wigern? Bakit hindi natin siya kasama?

Tanong ni Indigo.

Hmm.. Si Heneral Wigern ay hindi parte ng plano Indigo. At tingin ko ay hindi siya mapagkakatiwalaan.

Sabi ni Ministro Orbos.

Oo Indigo. Hindi kasali si Heneral Wigern sa plano nating pabagsakin ang monarkiya ng Zargrand at makipag sanib pwersa sa Sagradia. Pero matanong nga kita.. Kahit ako ay nagulat ng makita kong tinutukan mo ng espada ang hari.. Bakit Indigo? Bakit ka bumaliktad at sumama sa amin?

Tanong ni Heneral Kittler.

May malalim akong dahilan sa pag baliktad laban sa hari. At wala akong balak sabihin sa inyo iyon.

Sagot ni Indigo.

Parang hindi naman yata tama iyon. Kasama ka namin sa planong ito pero hindi mo kami pinagkakatiwalaan? Talaga bang tapat ka sa mga plano natin? Ha?! Indigo?

Sabi ni Heneral Sottier na medyo nagiging seryoso na ang tono.

Agad naman siyang pinakalma ni Ministro Orbos.

Huminahon ka Sottier! Kung ano man ang dahilan ni Indigo sa kanyang pag baliktad sa hari ay labas na tayo doon. Ang mahalaga ay nasa panig natin siya hindi ba Indigo?

Ngunit hindi umimik si Indigo.

Bigla ulit nagtanong si Heneral Yuven.

Indigo may isa pa akong tanong.. Nasaan ang mga Vanguards ng mga panahong bumaliktad ka?

Tanong ni Heneral Yuven.

Bakit ba ang dami niyong tanong? Hindi niyo ba ako pinagkakatiwalaan dito?!

Galit na sabi ni Indigo.

Hindi naman sa ganon Indigo. Nagtataka lang ako dahil wala silang lahat at napaka espesyal ng okasyong iyon para mawala ang pinakamagagaling na Knight ng Zargrand.

Sabi ni Yuven.

Ipinadala ko sila sa isang espesyal na misyon.

Sagot ni Indigo.