ကောင်းကင်ဘုံအောက်ဝယ် နယ်ပယ်တို့ ကွဲကြပြီးနောက် ပြန်စုစည်းကြပြီး အချိန်ကာလတစ်ခုကြာသော် စုစည်းထားသော နယ်ပယ်တို့ အစိတ်စိတ်အမြွှာမြွှာပြန်ကွဲကြပြန်သည်။ ဤသည်ကား ရှေးယခင်ကတည်းက ဖြစ်လာခဲ့သော ဓမ္မတာပင်တည်း။ ကျိုးမင်းဆက်အုပ်ချုပ်မှု ယိုင်နဲ့လာသောအခါ ကြီးမားသော နိုင်ငံကြီးသည် ပြည်နယ်ခုနှစ်ခု ကွဲသွားကာ အချင်းချင်း စစ်မက်ဖြစ်ပြီးသော် ချင်ပြည်နယ် အနိုင်ရပြီး ချင်မင်းဆက် တည်ထောင်ခဲ့လေသည်။ သို့သော် ချင်မင်းတို့ ခေတ်ကုန်သောအခါဝယ် ချူး နှင့် ဟန် ဟူသော နှစ်နိုင်ငံ ပေါ်လာပြန်လေ၏ ။ ထိုနှစ်နိုင်ငံ စစ်ခင်းကြပြန်ရာ ဟန်တို့က အနိုင်ရပြီး ဟန်ခေတ်သို့ ကူးပြောင်းလာခဲ့သည်။
ဟန်ခေတ်အစ ကား လယ်သမားမျိုးရိုးမှ ဆင်းသက်လာခဲ့သည့် "လျူဘန်း"(Liu Bang) ဟု အမည်ရှိသော ပုဂ္ဂိုလ်သည် ချင်တို့ကို ပုန်ကန်ရာမှ အောင်နိုင်ခဲ့ပြီး ဘီစီ ၂၀၂ တွင် ပြိုင်ဘက်ဖြစ်သော ချူးနိုင်ငံကို အောင်မြင်ကာ တစ်နိုင်ငံလုံးကို စုစည်းနိုင်ခဲ့လေ၏ ။ ဟန်မင်းဆက်တို့ အစဉ်အဆက် အုပ်ချုပ်လာကာ နှစ်ပေါင်းနှစ်ရာကြာသော် "ဝမ်မန်"(Wang Mang) ခေါင်းဆောင်သည့် သူပုန်ထလေသည်။ သို့သော်လည်း "လျူရွှီး"(Liu Xiu) သည် သူပုန်တို့ကို နှိမ်နှင်းကာ နိုင်ငံကို ပြန်တည်ငြိမ်အောင် လုပ်ဆောင်နိုင်ခဲ့လေသည်။ ဤသို့ဖြင့် နောက်ထပ် နှစ်နှစ်ရာတိုင် ဧကရာဇ် "ရှန်" (Xian) လက်ထက်မတိုင်ခင်အထိ ဟန်ခေတ်ကြီး အေးဆေးတည်ငြိမ်ခဲ့လေသည်။ ဧကရာဇ် "ရှန်"(Xian) လက်ထက်တွင်ကား နိုင်ငံသုံးခြမ်းကွဲကာ နောင်အခါ သမိုင်းဝယ် "သုံးနိုင်ငံခေတ်" ဟု သမှုတ်ကြမည့် စစ်မက်တို့လွှမ်းသော ခေတ်ပင် ဖြစ်သည်။
သို့ရာတွင် အုပ်ချုပ်မှု လစ်ဟင်းမှုပြဿနာတို့ကား ဧကရာဇ် "ရှန်"(Xian) မတိုင်မီ မင်းနှစ်ပါးဖြစ်သည့် ဧကရာဇ် "ဟွမ်"(Huan) နှင့် "လင်း"(Ling) ဟူသော ဘုရင်နှစ်ပါး လက်ထက်တွင် စတင်ခဲ့လေ၏ ။
ဧကရာဇ် "ဟွမ်"(Huan) ကား မှူးကြီးမတ်ရာတို့၏ အကြံကို နားမထောင်၊ အာဏာတို့ကို နန်းတွင်းအပါးတော်မြဲ (ကုန်းကုန်း) တို့ကိုသာ လွှဲထားလေသည်။ ထိုဘုရင်လွန်သော် ဧကရာဇ် "လင်း" (Ling) နန်းတက်လေသည်။ ထိုမင်း၏ အကြံပေးနှစ်ဦးကား စစ်သူကြီး "ဒိုဝု"(Dou Wu) နှင့် အကြံပေးအရာရှိ "ချန်ဖန်"(Chen Fan) တို့ ဖြစ်လေသည်။ ထိုသူနှစ်ဦးတို့သည် ကုန်းကုန်းတို့တန်ခိုးအာဏာကြီးနေသည်ကို မလိုလားသဖြင့် ထိုကုန်းကုန်းတို့ကို ဖြုတ်ချရန် ကြံစည်လေ၏ ။ သို့သော်လည်း ထိုအကြံသည် အကြီးဆုံးရာထူးရထားသော ကုန်းကုန်းဖြစ်သည့် "ချောင်ကျဲ"(Cao Jie) နားသို့ ရောက်လေသော် "ဒိုဝု"(Dou Wu) နှင့် "ချန်ဖန်"(Chen Fan) တို့ အသတ်ခံရကာ နန်းတော်ဝယ် ကုန်းကုန်းတို့၏ ဩဇာကား ကြီးမားသည်ထက် ကြီးမားလာလေသည်။
YOU ARE READING
သုံးနိုင်ငံခေတ်
Historical FictionOne of the 4 classic chinese novels - "Romance of the 3 kingdoms" (Translated in Burmese)