သုံးနိုင်ငံခေတ်

အခန်း(၂၉)

 တောင်ပိုင်းရှိခေါင်းဆောင်ငယ်သည် "ယွီကျီ"(Yu Ji) ကို သတ်လိုက်ခြင်း။ မျက်လုံးအစိမ်းရောင်ရှိသောလူငယ်လေးသည် တောင်ပိုင်းပြည်နယ်တို့ကို အုပ်ချုပ်ခြင်း။

"စွန်းချဲ့"(Sun Ce) သည် တဖြည်းဖြည်းချင်း ရန်စီမြစ်အရှေ့တောင်ဘက်၏ ခေါင်းဆောင်ဖြစ်လာခဲ့သည်။ ကျန်းအန်းနှစ် စတုတ္ထနှစ်တွင် မြို့စား "လျူရွှီ"(Liu Xu) ကိုတိုက်ပြီး လုကျန်းကိုသိမ်းနိုင်ခဲ့သည်။ ထို့အပြင် မြို့စား "ဟွာရှင်း"(Hua Xin) ထံ "ယွီဖန်"(Yu Fan) ကို စေလွှတ်ရာ "ဟွာရှင်း"(Hua Xin) က လက်နက်ချခဲ့လေသည်။ သို့နှင့် "စွန်းချဲ့"(Sun Ce) ၏ ဂုဏ်သတင်းမှာ ပိုကြီးလာပြီး သူ၏လုပ်ဆောင်မှုတို့ကို "ကျန်းဟုန်"(Zhang Hong) အား မြို့တော်လွှတ်ပြီး ဘုရင်မင်းမြတ်ကို တင်ပြလေသည်။

"ချောင်ချောင်း"(Cao Cao) က "စွန်းချဲ့"(Sun Ce) သည် သူ့ကိုယှဉ်နိုင်မည့်ပြိုင်ဘက်ဟု ယူဆပြီး

"သူက ထိန်းရခက်မယ့်ခြသေ့င်္ပဲ" ဟု ပြောသည်။

ထို့နောက် "ချောင်ချောင်း"(Cao Cao) သည် သူ၏တူမ၊ "ချောင်ရန်"(Cao Cao) ၏ သမီးကို "စွန်းချဲ့"(Sun Ce) ၏ညီအငယ်ဆုံး "စွန်းခွမ်"(Sun Kuang) နှင့် လက်ဆက်စေသည်။ ထို့အပြင် "ချောင်ဟုန်"(Cao Hong) ကို မြို့တော်တွင်ခေါ်ထားသည်။ "စွန်းချဲ့"(Sun Ce) သည် တိုင်းပြည်တွင် အမြင့်ဆုံးရာထူးဖြစ်သော စစ်သူကြီးချုပ်ရာထူးကိုလိုချင်သော်လည်း "ချောင်ချောင်း"(Cao Cao) က မရအောင်လုပ်ထားလေသည်။ ထို့ကြောင့်ပင် "စွန်းချဲ့"(Sun Ce) က "ချောင်ချောင်း"(Cao Cao) ကိုမုန်းတီးပြီး သူ့ကိုတိုက်ရန် စိတ်ကူးရှိနေခဲ့သည်။

ထိုအချိန်လောက်တွင် ဝူကျွင်းမြို့စား "ရွှီကုန်း"(Xu Gong) သည် မြို့တော်ရှိ"ချောင်ချောင်း"(Cao Cao) အား လျှို့ဝှက်စာတစ်စောင်ပို့လိုက်သည်။ ထိုစာအတွင်းဝယ်

"စွန်းချဲ့(Sun Ce) က ရှန့်ယွီ(Xiang Yu) လို ပြဿနာရှာတဲ့လူမျိုးပဲ။ မြို့တော်က သူ့ကိုရာထူးပေးမယ်ဆိုပြီး မြို့တော်မှာပဲ ထားသင့်ပါတယ်။ သူသာတောင်ပိုင်းမှာရှိရင် အန္တရာယ်ရှိနိုင်ပါတယ်" ဟုပါရှိသည်။

သို့သော်လည်း ထိုစာသည် "စွန်းချဲ့"(Sun Ce) လက်ထဲရောက်သွားပြီး ထိုဆက်သားကိုသေဒဏ်ပေးလိုက်သည်။ ထို့နောက် "ရွှီကုန်း"(Xu Gong) ကို ဖိတ်ခေါ်စေသည်၊ "ရွှီကုန်း"(Xu Gong) မှာလည်း "စွန်းချဲ့"(Sun Ce) သိသွားမှန်းမရိပ်မိပဲ ရောက်လာသည်။ "ရွှီကုန်း"(Xu Gong) ရောက်သော် "စွန်းချဲ့"(Sun Ce) မှ