သုံးနိုင်ငံခေတ်

အခန်း(၄၉)

"ကျူးကဲလျန့်"(Zhuge Liang) သည် ကြယ်ခုနှစ်စင်းနတ်ကွန်းတွင် လေတိုက်ရန် စီမံခြင်း။ မြစ်ကမ်းပါးသုံးခုဝယ် "ကျိုးယွီ"(Zhou Yu) မီးဗျူဟာ သုံးခြင်း။

"ကျိုးယွီ"(Zhou Yu) သည် ရန်သူ့ရေတပ်ကိုကြည့်ရင်း ရုတ်တရတ်ဖျားနာသွားခဲ့သည်ကို ရှေ့တစ်ခန်းတွင် ဖော်ပြခဲ့ပြီးပြီ။ "ကျိုးယွီ"(Zhou Yu) ကို ရွက်ဖျင်တဲအတွင်းသို့ပြန်ခေါ်သွားကြပြီးနောက် အမှုထမ်းတို့သည် "ကျိုးယွီ"(Zhou Yu) ထံလာကာ သတင်းမေးကြသည်။ သူတို့သည် တစ်ယောက်မျက်နှာတစ်ယောက်ကြည့်ပြီးနောက်

"ချောင်ချောင်း(Cao Cao) စစ်တပ်ကြီးက ရန်ပြုချင်နေတဲ့အချိန်မှာ စစ်သူကြီးက ရုတ်တရတ်ဖျားသွားတာ စိတ်မကောင်းစရာပဲ။ ရန်သူတွေလာတိုက်ရင် ဘယ်လိုလုပ်မလဲ" ဟုပြောသည်။ ထို့နောက် "စွန်းချွမ်"(Sun Quan) ထံ အကြောင်းကြားစာပို့ကြသည်။ သမားတော်တို့က အကောင်းဆုံး ကုသပေးသော်လည်း မသက်သာချေ။

သို့နှင့် "လူဆု"(Lu Su) က စိုးရိမ်ကာ "ကျူးကဲလျန့်"(Zhuge Liang) ထံသွားပြီး တိုင်ပင်သည်။ "ကျူးကဲလျန့်"(Zhuge Liang) မှ

"ခင်ဗျားက ဒါကိုဘယ်လိုထင်လဲ" ဟု မေးသည်။

" ချောင်ချောင်း(Cao Cao) အတွက်တော့ ကောင်းပေမယ့် ကျုပ်တို့အတွက်တော့မကောင်းဘူး"

"ကျူးကဲလျန့်"(Zhuge Liang) သည် ရယ်ကာ

"ကျုပ်တို့ သူ့ကိုကုပေးနိုင်မယ်" ဟုပြောသည်။

"ခင်ဗျားသာကုနိုင်ရင် ဝူအတွက် ကံကောင်းမှုပဲ"

ထို့နောက် "လူဆု"(Lu Su) က "ကျူးကဲလျန့်"(Zhuge Liang) ကို လူနာသွားကြည့်ရန်ခေါ်သည်။ ရွက်ဖျင်တဲသို့ရောက်သော်အခါ "လူဆု"(Lu Su) က အရင်ဝင်သွားသည်။ "ကျိုးယွီ"(Zhou Yu) သည် ကုတင်ပေါ်တွင်လှဲနေပြီး ခေါင်းကို ပိတ်စဖြင့်စည်းထားသည်။ "လူဆု"(Lu Su) မှ

"စစ်သူကြီး ဘယ်လိုနေသေးလဲ" ဟု မေးသည်။

"နှလုံးကအောင့်နေတယ်၊ မကြာခဏ ခေါင်းမူးတယ်"

"ဆေးရောသောက်ထားလား"

"မကြာခဏ ပျို့အန်ချင်လို့ မသောက်နိုင်ဘူး"

"ခုနက ကျွန်တော် ကျူးကဲလျန့်(Zhuge Liang) နဲ့တွေ့တယ်၊ သူက ခင်ဗျားကိုကုနိုင်တယ်ပြောတယ်။ အခုသူ အပြင်မှာ၊ စစ်သူကြီးခွင့်ပြုမယ်ဆိုရင် သူ့ကိုအထဲဝင်ခိုင်းလိုက်မယ်"