"ကျူးကဲလျန့်"(Zhuge Liang) သည် "ကျန်းရန်"(Zhang Ren) ကိုဖမ်းရန်စီစဉ်ခြင်း။
"ရန်ဖူ"(Yang Fu) သည် တပ်ဖွဲ့ငှားရမ်းကာ "မာချောင်း"(Ma Chao) ကိုချေမှုန်းခြင်း။
"ဒီနေရာနဲ့လော့ချန်တစ်လျှောက်ခံတပ်တွေက ကျွန်တော့ရဲ့ထိန်းချုပ်မှုအောက်မှာရှိတယ်။ ဒါ့အပြင် တပ်ဖွဲ့အသီးသီးကခေါင်းဆောင်တွေကို ကျွန်တော်က အုပ်ချုပ်ရတာ။ ခင်ဗျားရဲ့ကျေးဇူးကိုပြန်ဆပ်ဖို့အတွက် ကျွန်တော် သူတို့လက်နက်ချအောင် ဖြောင်းဖျပါ့မယ်။ ကျွန်တော့်ကိုအရှေ့ဆုံးက ချီတက်ခွင့်ပေးပါ။ ကျွန်တော် သူတို့ကို လက်နက်ချအောင်လုပ်ပါ့မယ်"
"ကျန်းဖေး"(Zhang Fei) သည် အကြိမ်ကြိမ် ကျေးဇူးတင်စကားဆိုပြီးနောက် စစ်ချီတက်ရန်ပြင်ဆင်သည်။ ခံတပ်တစ်နေရာသို့ရောက်လျှင် "ရန်ရန်"(Yan Yan) သည် ထိုခံတပ်ရှိခေါင်းဆောင်ကိုခေါ်ကာ လက်နက်ချစေသည်။ အချို့သောခေါင်းဆောင်တို့သည် လက်နက်ချရန် ဝန်လေးနေပါက "ရန်ရန်"(Yan Yan) မှ ဤသို့ပြောသည်။
"ကျုပ်တောင် လက်နက်ချခဲ့ပြီးပြီ။ ခင်ဗျားက ဘာများလုပ်နိုင်မှာလဲ"
ဤသို့ဖြင့် သွေးမြေမကျခဲ့သော အောင်မြင်မှုတို့ဆက်တိုက်ရခဲ့ပြီးနောက် ဆက်လက်ချီတက်လာခဲ့လေသည်။
ထိုအချိန်တွင် "ကျူးကဲလျန့်"(Zhuge Liang) သည် ပြင်ဆင်နေခဲ့သည်။ ထွက်ခွာမည့်ရက်ကိုဆုံးဖြတ်ပြီးနောက် "လျူဘေ့"(Liu Bei) ထံစာတစ်စောင်ပို့ကာ လော့ချန်ကို တပ်ဖွဲ့အားလုံးတို့စုံစည်းရာအရပ်အဖြစ် သတ်မှတ်ထားသည်။ ထိုစာကိုရပြီးနောက် "လျူဘေ့"(Liu Bei) သည် အမှုထမ်းတို့ကိုခေါ်ကာ အကျိုးအကြောင်းပြောပြလေသည်။ ခုနစ်လပိုင်း နှစ်ဆယ့်နှစ်ရက်နေ့တွင် စစ်ချီတက်ရန် အဆင်သင့်ပြင်ထားစေ၏။ ကြည်းတပ်ရော၊ ရေတပ်ပါ တစ်ရက်တည်းတွင် ချီတက်မည်ဖြစ်သည်။ သို့သော်လည်း "ဟွမ်ကျုံး"(Huang Zhong) မှာ ဖူမြစ်ခံတပ်တွင် အောင်မြင်မှုမရသောကြောင့် မကျေနပ်ပေ။
"နေ့တိုင်း ရန်သူတွေက လာပြီးစိန်ခေါ်ပေမယ့် ကျွန်တော်တို့ကလက်မခံခဲ့ဘူး။ သူတို့တွေအခု သတိပေါ့လျော့နေလောက်ပြီ။ ဒီအချိန်မှာ ညဘက်လျပ်တပြက်ထိုးစစ်ဆင်ရင် သူတို့အငိုက်မိပြီး အနိုင်ရနိုင်တယ်"
ESTÁS LEYENDO
သုံးနိုင်ငံခေတ်
Ficción históricaOne of the 4 classic chinese novels - "Romance of the 3 kingdoms" (Translated in Burmese)