သုံးနိုင်ငံခေတ်

အခန်း(၁၀၈)

နှင်းများကြားဝယ် "တင်းဖုန်း"(Ding Feng) အနိုင်ရခဲ့ခြင်း။

စားသောက်ပွဲတွင် "စွန်းကျွင်း"(Sun Jun) သည် လျှို့ဝှက်အကြံကိုအကောင်အထည်ဖော်ခြင်း။

"ကျန်းဝေ"(Jiang Wei) သည် ပြန်ဆုတ်ခွာသည့်အခါ လမ်းပိတ်ထားသည့် "စီးမာရှီ"(Sima Shi) နှင့်ကြုံခဲ့ရသည်ကို ပြောခဲ့ပြီးဖြစ်သည်။ ထိုသို့ဖြစ်ခဲ့ရခြင်းမှာ "ကျန်းဝေ"(Jiang Wei) က ယုံကျိုးကိုတိုက်သည့်အချိန်တွင် "ကောဟွိုင်"(Guo Huai) မှ ခြေလျင်စစ်သားကို မြို့အောသို့စေလွှတ်ခဲ့သည်။ ထိုအခါ ဝေဧကရာဇ်မှ "စီးမာယီ"(Sima Yi) ကိုခေါ်ပြီး အကြံဉာဏ်တောင်းခဲ့လေသည်။ ဝန်ကြီးချုပ်၏သားကို တပ်သားငါးသောင်းနှင့် ယုံကျိုးသို့စစ်ကူသွားစေရန် ဆုံးဖြတ်ခဲ့သည်။ "စီးမာရှီ"(Sima Shi) သည် ရှူတပ်များစစ်ရှုံးသွားသည်ကိုသိသောအခါ ရန်သူတို့သည် အင်အားနည်းနေသည်ဟု ကောက်ချချလိုက်သည်။ ထို့ကြောင့် လမ်းတွင်တွေ့ကာ တိုက်ခိုက်ရန်ဆုံးဖြတ်လိုက်၏။ သို့သော် ရန်ဖင်ခံတပ်အနီးတွင် "ကျူးကဲလျန့်"(Zhuge Liang) ပုံကြမ်းဆွဲထားခဲ့သည့်ဒူးလေးလက်နက်များမှာ စီရီလျက်ရှိနေသည်။ ထိုလက်နက်အများအပြားတို့သည် "ကျူးကဲလျန့်"(Zhuge Liang) ကွယ်လွန်ပြီးနောက်ပိုင်းတွင် ထုတ်လုပ်ခဲ့ခြင်းဖြစ်ပြီး အဆိပ်များဖြင့်လူးထားသည်။

ဝေတပ်သားတို့အကျအရှုံးများခဲ့ပြီး "စီးမာရှီ"(Sima Shi) သည် ကံကောင်းထောက်မစွာဖြင့်လွတ်မြောက်သွားကာ လော့ရန်သို့ပြန်ခဲ့သည်။

ချွီစန်းတံတိုင်းများပေါ်မှ ရှူစစ်သူကြီး "ကိုးအန်း"(Gou An) သည် ကြောင့်ကြနေလျက် စစ်ကူတို့ကိုစောင့်မျှော်နေခဲ့သော်လည်း ပေါ်မလာခဲ့ပေ။ ထို့ကြောင့် လက်နက်ချခဲ့လေသည်။ "ကျန်းဝေ"(Jiang Wei) သည်လည်း တပ်သားနှစ်သောင်း၊သုံးသောင်းခန့်ဆုံးရှုံးသွားပြီး ဟန်ကျုံးသို့ပြန်လာခဲ့သည်။

ကျာဖင်တတိယနှစ် (အေဒီ ၂၅၁) ရှစ်လပိုင်းတွင် "စီးမာယီ"(Sima Yi) နေမကောင်းဖြစ်ခဲ့သည်။ သူ့ရောဂါအခြေအနေမှာဆိုးရွားလာခဲ့ပြီး ဤတောင်ကိုမကျော်နိုင်တော့ပြီဟု ခန့်မှန်းကာ သူ့သားနှစ်ဦးကိုခေါ်ပြီး နောက်ဆုံးအမှာစကားပြောခဲ့လေသည်။