CHROMIA SERIES

CHROMIA SERIES: The Missing Heir

STORY SUMMARY

Chromia Series: The Missing Heir

Isang normal na binata lamang si Quinn. Mapagyayabang naman ang kanyang pisikal na kaanyuan. Matalino sa klase at masunurin sa kanyang Lola. Ngunit, maraming katanungan ang naglalaro sa isipan ni Quinn. Sino ba talaga ang kanyang mga magulang? Hindi mabanggit-banggit sa kanya ng kanyang lola ang tungkol sa mga ito. Kaya napapakibit balikat na lamang siya dahil parating tikom ang bibig ng kanyang Lola. Gusto na niyang makilala ang kanyang mga magulang upang matigil na ang kanyang mga kaklase sa pagtatawag sa kanya na isa siyang putok sa buho. Ngunit ano pa nga ba ang magagawa niya? Wala.

Nagsimulang magbago ang kanyang buhay ng bigla siyang kausapin ng sarili niyang anino matapos siyang itulak ng kanyang Lola sa Hardin na sobrang yabong, hindi lamang iyon. Naging duwende pa ito. Marami itong sinasabi na isang salamangkero daw si Quinn at ang anino niya daw ay ang magdadala sa kanya sa Isla Chromia. Paubos na raw ang mga lahi ng mga salamangkero kaya minamadali na siya nitong isinama sa mismong ika-labing walong kaarawan niya. Hindi na lamang nagtanong pa si Quinn nang masilayan niya ng paunti-unti ang kakaibang Isla mula sa kalayuan na kahit na sino ay walang nakakaalam. Isa itong isla na sumisigaw ng tahanan, at sa pagkakataong iyon, naramdaman ni Quinn na malapit na siya sa kanyang mga magulang.