Austin's Curse

Three

Austin

"Austin..."

Nasaan ako?

Bakit ang dilim?

Wala akong makita...

"Austin..."

Hinanap ko kung saan nanggagaling ang boses na yun pero parang nanggagaling ito sa lahat ng direksyon.

"Austin..."

Ang boses na 'yun. Hindi ito pamilyar sa'kin. Hindi ko din maintindihan pero nararamdaman ko ang malakas na uri ng kapangyarihan mula dito.

"Austin..."

"S-sino ka? Nasaan a-ako?"

Kung saan saan ako lumilingon para hanapin ang tumatawag sa'kin pero wala akong ibang makita kungdi kadiliman lang.

"Tatapusin ko kayong lahat..." Sabi nito na nagpakaba sa'kin.

"T-tatapusin? S-sino ka b-ba?"

"Tatapusin ko kayong lahat! Tatapusin ko kayong lahat!"

Tinakpan ko ang tenga ko dahil sa nakabibingi niyang sigaw.

"Tatapusin ko kayong lahat! Tatapusin ko kayong lahat!"

Paulit-ulit ang mga salita niya. Nage-echo ito sa lahat ng direksyon.

"T-tama na!" Pagmamaka-awa ko pero mukhang hindi niya ito naririnig.

"Tatapusin ko kayo!"

Matapos niyang sabihin iyon ay nakaramdam ako ng kakaibang init sa katawan ko. Nagsisimula ito sa paanan ko. Tiningnan ko ito at nagulat sa nakita!

Kulay itim na apoy!

Nasusunog ako ng kulay itim na apoy!

Mabilis itong kumalat mula sa paanan ko paakyat sa bewang, papunta sa tiyan, dibdib at mga kamay hanggang sa tuluyan na nitong naabot ang ulo at mukha ko.

Ang init!

Napaka-init!

"Aaaahhh!!!" Sigaw ko sa kawalan habang nilalamon ng itim na apoy ang buo kong katawan.

..

..

..

..

..

"Aaaahhh!"

Napabalikwas ako sa higaan ko. Habol habol ang hininga, mabilis kong nilibot ang tingin sa paligid. Nandito ako sa kwarto ko.

Tiningnan ko ang orasan na nasa study table ko. Alas kwatro pa lang ng umaga. Nagbitaw ako ng isang mabigat na buntong hininga.

Panaginip lang pala...

Mali...

Bangungot...

Ngunit ano kaya ang ibig sabihin nun?

Sino yung lalaking 'yun at bakit gusto niya kaming saktan? Tapusin?

At yung itim na apoy... Yung cosmic fire... Katulad nung kay Uncle Luigi...

Paano siya nakagamit nun?

Hays.

Hays ulit.

Sino siya?