Tum Miley(completed)

"Zakhm"30

Tum miley

Part 30

"Zakhm"

#tummiley
#fawadkhan
#mehekhaziq
#lovehateromance

♡♡♡♡♡♡♡♡♡♡♡♡

"Qubool hai"Mehek ki dhimi awaz k sath nikah ki taqreeb puri hui.

Sabhi logon ne dua k liye hath uthaye.Arabi me dua padhayi
gayi phir uska urdu tarjuma(translation) kia gya.
Naye jode ko shaadi ki mubarakbad di gayin.Nikah ka Intezam ghar me hi rakha gya tha. Ghar k qareebi log hi shadi me shamil huye the.Dinner k bad rukhsati hui.
Mehek kisi k bhi gale nhi lagi, sivay Noori k.Usne ek parcha noori k hath me chupchaap se pakda dia.

M:"Isko India jao to corrier kar dena.Me tumhara ye ehsan zindagi bhar nhi bhulungi"Wo chup chap tez tez chalti hui Hashimi ki car me jakar beth gyi.

Car me bethte hi uski nafrat ka paimana labrez ho gya.Usne sara make up tissue se saaf karna shuru kar dia.Yammar qareeb aakar betha to usne Mehek per ek nazar daali.
Yammmar chup chap usko dekhta raha.Mehek ko ghar me utara gya.Mehek k liye phoolon ka rasta banaya gya tha kamre tak jane k liye.Usko ghar k drawing room me betha dia gya.Ghar ki orton ne mehek ko gher lia.Uske samne arabi me nazme padhne lagi.Phir daf bajakar gaane gati rhin, bahut der tak ye silsila chalta rha.

Yammar ki Dadiya or Ammi Mehek k qareeb bethi hui thi.
Unhone tooti footi urdu me Mehek ko ishara dia ki wo bahut khoobsurat lag rhi hai arabi libas me.Mehek ne safed rang ka gown pehna hua tha jo kafi heavy tha.Kamar per se doriyon se tight kasa hua gown Mehek ki saanse tak roka hua tha. Niche tak beinteha gher hone ki wajah se Mehek se bamushkil wo gown sambhala ja raha tha.Usper safed swaroski k nag jagmaga rahe the.Mehek sab mehmano ko khali khali nazron se dekhti rhi.Dadi ko laga shayad Mehek ko samajh nhi aya hoga lekin Mehek k chehre se gham ya khushi dono k aasaaar gayab ho chuke the.Wo ek zinda laash si bethi hui thi.Rat k do baje tak ye ortein gaati bajaatin rahin.Jab Mehek bethi bethi unghne lagi tab Dadi ne Mehek ko kamre me le jane ka ishara kia.

Mehek ne apne kamre me qadam rakha.Her kone se ood ki khushbu aa rhi thi.Uski bardasht jawab de chuki thi.Wo jaldi jaldi jwellery utar kar phenkne lagi.Usne baalon me se hazaron clips nikale.Usne dress ki zip kholne ki lakh koshish ki per wo nhi khol payi.Usko dum ghutne jaisa mehsus ho raha tha.Usne drawers kholkar dressing check kia.Usme ek kenchi rakhi hui thi.Mehek ne wo kenchi nikal kar dressper chalana chahi ki kisi ne piche se aakar uska hath pakad lia.Mehek ekdum se dar gyi.Ye Yammar tha.Wo kabmein daakhil hua usey pata hi nahi chala.

Y:"Kitni berehem ho.Koi apne shaadi k jode k sath aise pesh ata hai kya?"Yammar ne uske hath se kenchi chin li.

M:"Shadi ka joda my foot"Mehek gusse me boli.

Y:"You need my help Habeebi?"Yammar ne Mehek ki kamar me hath daala.

Mehek ko uski ye harkat itni naagavar guzri ki usne poori taqat se apne nakhoon uske hathon per chubho diye.Yammar k safed shaffaf  hatho per khoon utar aya.Yammar ne apni gardan Mehek k kandhe per rakh di.Yammar ne hath nhi hataya or bardasht karta raha.Jab Mehek thak gyi to usne apne nakhoon uske hatho se alag kiye.Yammar Mehek k piche se kaan mein bola:"Shadi k gift k liye shukriya"Yammar k hatho me baqaeda khoon k qatre ubhar aaye the.

Y:"Now its my turn My dear Mehek.I thought you may need my help"Mehek k dono hath Yammar k ek hi hath me aa gaye.Yammar ne Mehek ki zip dheerey se khol di.Mehek ki aankhon se aansuon k qatre girna shuru ho gaye.Yammar ki ungliyan uske gale se hoti hui kamar tak pahunch gayin.Mehek ki zor se siski nikal gayi.Mehek ko uske chune se karahiyat aa rahi thi.

Y:"Jao change kar lo"Wo uske kaano me dheerey se bola or usne Mehek ko jaane dia.Mehek bathroom me daakhil hui.

Bathroom k shower k niche khade hoker dil khol kar roti rahi.Wo bache k tarah machal kar royi.Usne apne baal noch liye gusse se.Wo zor se chillayi "Nahi"Aisa nhi ho sakta mere sath.Please koi mujhe bahar nikal do.Mujhe jane do.Wo itna royi ki ab ansuon ne bhi kinara kashi kar li thi.Dil tha ki manne ko taiyyar nhi tha.Uski tadap dekhi nhi ja rhi thi.Wo aadhe ghante tak shower me khadi rahi.Bahar se darwaza khatkhatane ki awaz aayi.